| ກວ໋າງບິ່ງ ຈັດສົ່ງຄະນະປະຕິບັດງານໄປຍັງແຂວງຄໍາມ່ວນ ເພື່ອໜູນຊ່ວຍການປ້ອງກັນ, ຕ້ານໂລກລະບາດ |
ສອງຝ່າຍເຫັນດີເປັນເອກະສັນສືບຕໍ່ຮັກສາການແລກປ່ຽນຄະນະຜູ້ແທນຂັ້ນສູງ ໝູນວຽນ, ເປັນປະຈໍາປີ; ຍູ້ແຮງການໂຄສະນາເຜີຍແຜ່, ສຶກສາກ່ຽວກັບມູນເຊື້ອ ມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດລະຫວ່າງສອງພັກ, ສອງລັດ ແລະປະຊາຊົນສອງປະເທດຫວຽດນາມ-ລາວ ເວົ້າລວມ ແລະສອງແຂວງ ກວ໋າງບິ່ງ ແລະຄໍາມ່ວນ ເວົ້າສະເພາະ.
 |
| ບັນຍາກາດທີ່ການພົບປະເຈລະຈາ. ພາບ: nhandan.vn |
ໂດຍສືບຕໍ່ແລກປ່ຽນວັດທະນະທຳ, ຮ່ວມມືດ້ານການສຶກສາ ແລະບຳລຸງສ້າງ, ສົມທົບກັນຢ່າງແໜ້ນແຟ້ນໃນການຊອກຫາ ແລະ ທ້ອນໂຮມອັດຖິນັກຮົບອາສາສະໝັກ ແລະນັກຊ່ຽວຊານຫວຽດນາມ ທີ່ເສຍຊີວິດໃນປາງສົງຄາມຢູ່ລາວ, ສົ່ງເສີມ ແລະ ໜູນຊ່ວຍບັນດາທ້ອງຖິ່ນມີເສັ້ນຊາຍແດນຕິດຈອດກັນຮ່ວມມື ແລະຊ່ວຍເຫຼືອເຊິ່ງກັນ ແລະກັນເພື່ອພ້ອມກັນພັດທະນາ...
ສອງຝ່າຍໄດ້ເຫັນດີເປັນເອກະພາບລົງນາມໃນບົດບັນທຶກການພົບປະເຈລະຈາທີ່ມີຫຼາຍເນື້ອໃນກ່ຽວກັບການພົວພັນລະຫວ່າງພັກ, ລັດຖະບານ ແລະອົງການ ຈັດຕັ້ງມະຫາຊົນ; ພັດທະນາເສດຖະກິດ, ວັດທະນະທຳ ແລະສັງຄົມ; ດ້ານການປ້ອງກັນຊາດ-ປ້ອງກັນຄວາມສະຫງົບເຂດຊາຍແດນ ແລະ ຂໍ້ມູນຂ່າວສານ ຮັບໃຊ້ວຽກງານພົວພັນຕ່າງປະເທດ.
ບູນມີ
