 |
| ພາບປະກອບ: nhandan.vn |
ໂຄງການໄດ້ຮັບການລົງທຶນກ່ວາ 4,5 ລ້ານ USD ເພື່ອ ປົດລະຫັດລະບົບ gene ຂອງຊາວ ຫວຽດນາມ ກວ່າ 1.000 ຄົນ ດ້ວຍ gene ປ່ຽນຮູບສືບພັນກວ່າ 40 ລ້ານ gene. ນີ້ໄດ້ຮັບຖືວ່າ ແມ່ນຫຼັກໝາຍສຳຄັນໃນການຄົ້ນຄ້ວາຊີວະສາດຂອງຫວຽດນາມ
ໂດຍເລີ່ມປະຕິບັດມາແຕ່ເດືອນ ທັນວາ 2018 ໂຄງການ “ສ້າງຖານຂໍ້ມູນປ່ຽນຮູບສືບພັນເຂົ້າກັນຂອງຊາວ ຫວຽດນາມ” ໄດ້ປະຕິບັດສຳເລັດ, ນີ້ແມ່ນໂຄງການກ່ຽວກັບລະບົບ gene ທີ່ມີຂອບຂະໜາດໃຫຍ່ທີ່ສຸດຢູ່ ຫວຽດນາມ ນັບແຕ່ກ່ອນມາຮອດປັດຈຸບັນ.
ໂຄງການມີການເຂົ້າຮ່ວມຂອງນັກວິທະຍາສາດ ລວມມີນັກຊ່ຽວຊານທີ່ມີປະສົບການຂອງ VinBigData, ບັນດາທີ່ປຶກສາຂັ້ນສູງຈາກບັນດາຫົວໜ່ວຍຄົ້ນຄ້ວາແຖວໜ້າຄື ມະຫາວິທະຍາໄລ Harvad, ມະຫາວິທະຍາໄລ Chicago, ສູນປິ່ນປົວມະເຮັງ MD Anderson... ພ້ອມກັບນັກຊ່ຽວຊານ ແລະ ຜູ້ອາສາສະໝັກຊາວຫວຽດນາມ ແລະ ໂລກ ນັບຮ້ອຍຄົນ.
ໄປຄຽງຄູ່ກັນນັ້ນ, VinBigData ກໍ່ໄດ້ຜັນຂະຫຍາຍການຮ່ວມມືກັບ 20 ອົງການຈັດຕັ້ງການຄົ້ນຄ້ວາ, ໂຮງໝໍແຖວໜ້າ ທັງຢູ່ພາຍໃນ ແລະ ຕ່າງປະເທດຄື: ມະຫາວິທະຍາໄລ John Hopkins (ອາເມລິກາ), The GoldenHelix Foundation (ອັງກິດ), ມະຫາວິທະຍາໄລແພດສາດ ຮ່າໂນ້ຍ, ໂຮງໝໍສູນກາງກອງທັບ 108…
ບຸນຄົງ
