| ນະຄອນໂຮ່ຈີມິນສືບຕໍ່ສະເໜີຫຼຸດຜ່ອນພາສີອາກອນ, ດອກເບ້ຍໜູນຊ່ວຍໃຫ້ແກ່ວິສາຫະກິດ | |
| ແມ່ຍິງປະສົບເຄາະຮ້າຍຈາກທາດພິດສີສົ້ມ ສານຝັນໃຫ້ແກ່ຜູ້ປະສົບເຄາະຮ້າຍຈາກທາດພິດສີສົ້ມ |
 |
| ພາບປະກອບ:TTXVN |
ແຜນຮ່າງແມ່ນເພື່ອແນໃສ່ສ້າງນະໂຍບາຍການເຈລະຈາ, ການລົງນາມສັນຍາວ່າດ້ວຍການຫຼີກລ້ຽງການເກັບພາສີຊ້ອນໃຫ້ສົມບູນແບບ, ສອດຄ່ອງກັບທ່າອ່ຽງພັດທະນາເສດຖະກິດ ຫວຽດນາມ, ເຂົ້າເຖິງມາດຕະຖານທີ່ກ້າວໜ້າຂອງສາກົນ ແລະ ສອດຄ່ອງກັບບັນດາຄຳໝັ້ນສັນຍາສາກົນ, ຮັບປະກັນຄວາມຄົບຊຸດ, ສະເໝີຕົ້ນສະເໝີປາຍ, ເປີດເຜີຍໂປ່ງໃສ.
ປັດຈຸບັນ, ຍຸດທະສາດເຈລະຈາສັນຍາຫຼີກລ້ຽງການເກັບພາສີຊ້ອນ ໃນເງື່ອນໄຂເຊື່ອມໂຍງເຂົ້າກັບເສດຖະກິດຂອງ ຫວຽດນາມ ນອກຈາກເປົ້າໝາຍດຶງດູດການລົງທຶນໂດຍກົງຈາກຕ່າງປະເທດ ເຂົ້າມາ ຫວຽດນາມ ແລ້ວ ຍັງຕ້ອງຮັບປະກັນແຜນນະໂຍບາຍສົ່ງເສີມ, ໜູນຊ່ວຍວິສາຫະກິດ ຫວຽດນາມ ໄປລົງທຶນຢູ່ຕ່າງປະເທດ, ນຳມາເຊິ່ງຜົນປະໂຫຍດີທີ່ສຸດໃຫ້ແກ່ ຫວຽດນາມ ໃນການແບ່ງສິດເກັບພາສີ ລະຫວ່າງ ຫວຽດນາມ ແລະ ຄູ່ຮ່ວມມືທີ່ລົງນາມສັນຍາ, ຍົກສູງປະສິດທິຜົນໃນການແກ້ໄຂການຂັດແຍ້ງກັນດ້ານພາສີສາກົນ ແລະ ຕ້ານການໜີ, ຫຼີກລ້ຽງພາສີ.
ແຜນຮ່າງໄດ້ສຸມໃສ່ຄົ້ນຄ້ວາກ່ຽວກັບ ສັນຍາວ່າດ້ວຍການຫຼີກລ້ຽງການເກັບພາສີຊ້ອນຂອງ ຫວຽດນາມ ແລະ ການກະທົບຂອງສັນຍາພາສີທີ່ມີຕໍ່ນະໂຍບາຍພາສີຂອງ ຫວຽດນາມ. ແຜນຮ່າງໄດ້ຄົ້ນຄ້ວາ, ຕີລາຄາປະສິດທິຜົນຂອງນະໂຍບາຍການເຈລະຈາ ສັນຍາຂອງ ຫວຽດນາມ ແລະ ທັງໝົດລະບົບສັນຍາວ່າດ້ວຍການຫຼີກລ້ຽງການເກັບພາສີຊ້ອນເຊິ່ງ ຫວຽດນາມ ໄດ້ລົງນາມນັບແຕ່ໄລຍະປີ 1992 ມາຮອດປະຈຸບັນ ແລະ ສະເໜີຍຸດທະສາດການເຈລະຈາ ສັນຍາພາສີຂອງ ຫວຽດນາມ ໃຫ້ສອດຄ່ອງກັບສະພາບການຕົວຈິງ ແລະ ທຳນຽມສາກົນ.
ມາດຕະການແຜນຮ່າງວາງອອກແມ່ນສ້າງຍຸດທະສາດເຈລະຈາ, ລົງນາມສັນຍາຫຼີກລ້ຽງການເກັບພາສີຊ້ອນໃນໄລຍະ 2021 – 2030, ປ່ຽນແປງນະໂຍບາຍເຈລະເຈສັນຍາຫຼີກລ້ຽງການເກັບພາສີຊ້ອນກັບບັນດາຄູ່ຮ່ວມມືໃໝ່, ຜັນຂະຫຍາຍການເຈລະຈາຄືນສະຫຼັບສັນຍາຫຼີກລ້ຽງການເກັບພາສີຊ້ອນທີ່ໄດ້ຮັບການລົງນາມແລ້ວ...
ບຸນຄົງ
