 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານເລຂາທິການ ສປຊ Antonio Guterres (ພາບ: TTXVN) |
ກອງປະຊຸມປະຈຳປີ ຄັ້ງທີ 29 ເວທີປາໄສລັດຖະສະພາອາຊີ - ປາຊີຟິກ (APPF - 29) ໂດຍສະພາແຫ່ງຊາດ ສ.ເກົາ ຫຼີ ເປັນເຈົ້າພາບຈັດຕັ້ງຕາມຮູບແບບທາງໄກ. ເຂົ້າຮ່ວມເຫດການມີຜູ້ແທນ 150 ທ່ານທີ່ມາຈາກ 23 ລັດຖະສະພາສະມາຊິກ, ແຂກຖືກເຊີນ ແລະ ຜູ້ສັງເກດການ.
ຈາກສະຖານທີ່ເຊື່ອມຕໍ່ທາງໄກ ຮ່າໂນ້ຍ, ໂດຍປະກອບຄຳເຫັນໃສ່ກອງປະຊຸມ, ທ່ານນາງ ເລທູຮ່າ ຜູ້ຕາງໜ້າຄະນະຜູ້ແທນສະພາແຫ່ງຊາດ ຫວຽດນາມ, ກຳມະການປະຈຳການກຳມາທິການພົວພັນຕ່າງປະເທດ ສະພາແຫ່ງຊາດ ຢັ້ງຢືນວ່າ ບັນດາການກະທຳລວມ ແລະ ເຂັ້ມແຂງ ເພື່ອຮັບມືກັບການປ່ຽນແປງດິນຟ້າອາກາດ ອາດຈະແມ່ນລູກກຸນແຈ ເພື່ອຮັບປະກັນຄວາມສະຖຽນລະພາບ, ຫຼີກລ້ຽງການປະທະກັນ ແລະ ປັບປຸງພື້ນຖານໃຫ້ແກ່ຄວາມຍືນຍົງ. ທ່ານນາງ ເລທູຮ່າ ສະແດງຄວາມເຫັນດີເຫັນພ້ອມຢ່າງສູງດ້ວຍບັນດານັກປະຖະກະຖາກ່ອນນັ້ນ ກ່ຽວກັບບົດບາດຂອງລັດຖະສະພາ ແລະ ການກະທຳເພື່ອດິນຟ້າອາກາດທີ່ຕ້ອງການສະແດງໃຫ້ຫຼາຍກ່ວາອີກ ແນໃສ່ພັດທະນາແບບຍືນຍົງຢູ່ພາກພື້ນ ແລະ ໃນໂລກ.
ທ່ານນາງ ເລທູຮ່າ ເນັ້ນໜັກວ່າ ໂດຍແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດຈາກການປ່ຽນແປງຂອງດິນຟ້າອາກາດ ແລະ ນ້ຳທະເລຂຶ້ນສູງ, ຫວຽດນາມ ບໍ່ເປັນກັງວົນຕໍ່ຄວາມມານະພະຍາຍາມເຂົ້າຮ່ວມບັນດາການກະທຳຂອງສາກົນ ແລະ ພາກພື້ນໃນການຮັບມືກັບການປ່ຽນແປງຂອງດິນຟ້າອກາດ, ເຮັດໃຫ້ຄວາມໄວທີ່ໂລກຈະອຸ່ນຂຶ້ນ ຫຼຸດລົງ.
ຕອນບ່າຍວັນທີ 15 ທັນວາ, ບັນດາລັດຖະສະພາສະມາຊິກ APPF – 29 ໄດ້ດຳເນີນກອງປະຊຸມຄົບຄະນະສຸດທ້າຍ (ລົງນາມໃນຖະແຫຼງການຮ່ວມ) ແລະ ດຳເນີນພິທີອັດກອງປະຊຸມ APPF – 29.
ບຸນຄົງ
