| ຈີນບໍ່ຢຸດຊົ່ວຄາວການນຳເຂົ້າຜັກ ແລະ ໝາກໄມ້ຈາກຫວຽດນາມ | |
| ການສຳມະນາ - ການເຊື່ອມໂຍງຊຸກຍູ້ການສົ່ງອອກຜະລິດຕະພັນກະເສດຫວຽດນາມໄປສູ່ຕະຫຼາດ ທະວີບເອີຣົບ, ທະວີບອາເມລິກາ |
ໃນ 11 ເດືອນຕົ້ນປີ 2021, ວົງເງິນສົ່ງອອກກະສິກຳຂອງຫວຽດນາມ ບັນລຸ 43,48 ຕື້ USD, ໃນນັ້ນເດືອນພະຈິກ 2021 ບັນລຸກວ່າ 4,1 ຕື້ USD.
“ຖ້າຫາກໃນອັດຕາເທົ່າກັບເດືອນພະຈິກ 2021, ໃນເດືອນທັນວາ 2021, ການສົ່ງອອກບັນລຸກວ່າ 4 ຕື້ USD, ການສົ່ງອອກຂອງປີນີ້ຈະບັນລຸກວ່າ 47 ຕື້ USD. ນີ້ແມ່ນໝາກຜົນທີ່ໜ້າປະທັບໃຈຂອງຂະແໜງກະສິກຳຂອງຫວຽດນາມ ໃນປີ 2021”. ທ່ານ ຟຸ່ງດຶກຕ໋ຽນ ເນັ້ນໜັກ.
 |
| ອາເມລິກາ, ຍີ່ປຸ່ນ ກາຍເປັນຕະຫຼາດໃຫຍ່ ສຳລັບຜະລິດຕະພັນກະເສດຂອງຫວຽດນາມ. (ພາບ: tapchitaichinh) |
ອາເມລິກາ, ຍີ່ປຸ່ນ, ສ.ເກົາຫຼີ, ຈີນ ແມ່ນຕະຫຼາດສົ່ງອອກຜະລິດຕະພັນກະເສດໃຫຍ່ຂອງຫວຽດນາມ, ໃນນັ້ນ, ອາເມລິກາ ຊື້ເຄື່ອງເຟີນີເຈີໄມ້ຈາກຫວຽດນາມຫຼາຍທີ່ສຸດ, ໃນຂະນະນັ້ນ ຈີນນຳເຂົ້າໝາກໄມ້ຂອງຫວຽດນາມເປັນຈຳນວນຫຼາຍ.
ຕາມການຕີລາຄາຂອງ ທ່ານຮອງລັດຖະມົນຕີ ຟຸ່ງດຶກຕ໋ຽນ ແລ້ວ, ເພື່ອບັນລຸໄດ້ບັນດາໝາກຜົນດັ່ງກ່າວ, ບັນດາຂະແໜງຕົ້ນຕໍ ຄື ການປູກຝັງ ໄດ້ບັນລຸ 19,3 ຕື້ USD, ເພີ່ມຂຶ້ນ 13,7% (ໃນນັ້ນມີຢາງພາລາ, ກາເຟ, ໝາກມ່ວງຫິມະພານ, ໝາກພິກໄທ, ເຂົ້າສານ, ມັນຕົ້ນ ແລະ ຜະລິດຕະພັນມັນຕົ້ນ… ມີບາງຂະແໜງເພີ່ມຂຶ້ນຫຼາຍກວ່າ 54%). ນອກຈາກນັ້ນ, ຂະແໜງປ່າໄມ້ປີນີ້ ກໍລື່ນກາຍຄາດໝາຍທີ່ວາງໄວ້ຢ່າງໜ້າປະທັບໃຈ.
ມາຮອດປະຈຸບັນ, ການສົ່ງອອກໄມ້ ແລະ ຜະລິດຕະພັນ ໄດ້ບັນລຸ 14,3 ຕື້ USD, ແນ່ນອນວ່າ ຈະບັນລຸກວ່າ 15 ຕື້ USD ໃນປີ 2021, ເມື່ອທຽບໃສ່ຄາດໝາຍບັນລຸປະມານ 13 ຕື້ USD. ການສົ່ງອອກອາຫານທະເລ ໃນຕະຫຼອດປີ ອາດຈະບັນລຸ 8,6-8,7 ຕື້ USD.
ທ່ານຮອງລັດຖະມົນຕີ ຟຸ່ງດຶກຕ໋ຽນ ໃຫ້ຮູ້ວ່າ: ກະຊວງກະສິກຳ ແລະ ພັດທະນາຊົນນະບົດ ສືບຕໍ່ເຈລະຈາເພື່ອຜັນຂະຫຍາຍບັນດາຕະຫຼາດ, ພິເສດແມ່ນບັນດາຕະຫຼາດທີ່ມີອັດຕາສ່ວນການສົ່ງອອກສູງ ຄື: ອາເມລິກາ, EU, ຍີ່ປຸ່ນ, ສ.ເກົາຫຼີ ແລະ ຈີນ. ພ້ອມກັນນັ້ນ, ທ່ານຮອງລັດຖະມົນຕີ ຟຸ່ງດຶກຕ໋ຽນ ກໍໄດ້ຊີ້ນຳແກ້ໄຂຄວາມຫຍຸ້ງຍາກ ໃຫ້ບັນດາຕະຫຼາດສົ່ງອອກຜະລິດຕະພັນກະເສດ ໂດຍໄວ. ຫວຽດນາມ ໄດ້ສົ່ງອອກຊີ້ນໄກ່ໄປຍັງຕະຫຼາດທີ່ເຄັ່ງຄັດ ຄື ຍີ່ປຸ່ນ ດ້ວຍປະລິມານທີ່ຫຼາຍສົມຄວນ.
ຄຳຮຸ່ງ
