| ທ່ານເອກອັກຄະລັດຖະທູດ ຟ້າມຊາວມາຍ: ການພົວພັນຫວຽດນາມ - ຈີນ ໄດ້ນຳມາເຊິ່ງຜົນປະໂຫຍດຢ່າງແທດຈິງມາໃຫ້ປະຊາຊົນສອງປະເທດ | |
| ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ຈະໄປຢ້ຽມຢາມສະຫະພັນລັດເຊຍຢ່າງເປັນທາງການ |
ນີ້ແມ່ນການຢ້ຽມຢາມຈີນຢ່າງເປັນທາງການຄັ້ງທຳອິດ ຂອງທ່ານລັດຖະມົນຕີການຕ່າງປະເທດ ຫວຽດນາມ ນັບແຕ່ກອງປະຊຸມໃຫຍ່ຄັ້ງທີ 13 ຂອງພັກ. ການຕ້ອນຮັບລັດຖະມົນຕີການຕ່າງປະເທດ ໃນການຢ້ຽມຢາມຢ່າງເປັນທາງການ ແມ່ນຮູບແບບການທູດໂດຍກົງສູງສຸດ ເຊິ່ງຈີນພວມຈັດຕັ້ງປະຕິບັດ ໃນສະພາບທີ່ຈີນ ຍັງດຳເນີນຍຸດທະສາດ " ໂຄວິດ Zero ".
ການຢ້ຽມຢາມໄດ້ດຳເນີນໄປໃນສະພາບການ ທີ່ການພົວພັນລະຫວ່າງສອງປະເທດສືບຕໍ່ຮັກສາທ່າອ່ຽງພັດທະນາຢ່າງໝັ້ນຄົງ.
 |
| ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ໄດ້ໄປຢ້ຽມຢາມຈີນຢ່າງເປັນທາງການ. (ພາບ: TTXVN) |
ນັບແຕ່ກອງປະຊຸມຄັ້ງທີ 13 ຂອງຄະນະຊີ້ນຳການຮ່ວມມືສອງປະເທດຫວຽດນາມ - ຈີນ ມາຮອດປະຈຸບັນ, ການພົວພັນລະດັບສູງ ແລະ ບັນດາຂັ້ນ ໄດ້ຮັບການຮັກສາໄວ້ໃນຮູບແບບທີ່ມີໄຫວພິບ: ທ່ານເລຂາທິການໃຫຍ່ ຫງວຽນຟູຈ້ອງ ໄດ້ໂອ້ລົມທາງໂທລະສັບກັບທ່ານເລຂາທິການໃຫຍ່, ປະທານຈີນ ສີຈິນຜິງ (ເດືອນກັນຍາ 2021), ທ່ານນາຍົກລັດຖະມົນຕີ ຟ້າມມິງຈິງ ໄດ້ເຂົ້າຮ່ວມກອງປະຊຸມສຸດຍອດພິເສດສະເຫຼີມສະຫຼອງການພົວພັນອາຊຽນ - ຈີນ ຄົບຮອບ 30 ປີ (ພະຈິກ 2021).
ການຮ່ວມມືດ້ານເສດຖະກິດ, ການຄ້າ ແລະ ການລົງທຶນສືບຕໍ່ຂະຫຍາຍຕົວ. 10 ເດືອນຕົ້ນປີ 2021 ບັນລຸ 133,65 ຕື້ USD (ລື່ນກາຍວົງເງິນການຄ້າທັງປີ 2020), ເພີ່ມຂຶ້ນ 29,23%. ໂຄງການທາງລົດໄຟຕົວເມືອງ ກາດລິງ - ຫ່າໂດງ ໄດ້ເລີ່ມເຂົ້າສູ່ການເຄື່ອນໄຫວການຄ້າຢ່າງເປັນທາງການ. ສອງຝ່າຍສືບຕໍ່ປຶກສາຫາລືບັນດາມາດຕະການອຳນວຍຄວາມສະດວກ ໃຫ້ແກ່ການນຳເຂົ້າ ແລະ ສົ່ງອອກສິນຄ້າ, ຊຸກຍູ້ການຈັດຕັ້ງປະຕິບັດບ້ວງທຶນຊ່ວຍເຫຼືອລ້າ ໃຫ້ຫວຽດນາມ ແລະ ເຫັນດີດຳເນີນກອງປະຊຸມກຸ່ມຄະນະປະຕິບັດງານ ກ່ຽວກັບການຫັນເປັນຄວາມສະດວກດ້ານການຄ້າ ໂດຍໄວ.
ການຮ່ວມມືປ້ອງກັນພະຍາດໂຄວິດ-19 ໄດ້ຮັບຜົນດີຫຼາຍຢ່າງ. ຫວຽດນາມ ໄດ້ຮັບຢາວັກຊີນ 3,5 ລ້ານໂດສ ທີ່ຈີນຊ່ວຍເຫຼືອ ແລະ ວັກຊິນ 20 ລ້ານໂດສ ທີ່ລັດຖະບານສັ່ງຊື້. ສອງຝ່າຍໄດ້ຮັກສາການແລກປ່ຽນ ກ່ຽວກັບການຄຸ້ມຄອງຊາຍແດນທາງບົກ ແລະ ຜັນຂະຫຍາຍບັນດາກົນໄກເຈລະຈາບັນຫາຢູ່ທະເລ.
ນອກຈາກນັ້ນ, ການຮ່ວມມືລະຫວ່າງສອງປະເທດ ຍັງມີບາງບັນຫາທີ່ຍັງຄ້າງຄາຢູ່ ເຊັ່ນ: ຜະລິດຕະພັນຂອງຫວຽດນາມບາງປະເພດ ຍັງບໍ່ທັນເຂົ້າສູ່ຕະຫຼາດຈີນໄດ້ ເນື່ອງຈາກມີລະບຽບການໃນການສະກັດກັ້ນພະຍາດລະບາດທີ່ລະອິດລະອ້ຽວ; ຈີນ ກຳລັງຈະນຳໃຊ້ລະບຽບການໃໝ່ຈຳນວນໜຶ່ງ ກ່ຽວກັບການກວດກາສະບຽງອາຫານ ແລະ ຜະລິດຕະພັນກະສິກຳ ເຊິ່ງຈະເລີ່ມແຕ່ເດືອນມັງກອນປີ 2022. ສະຖານະການຢູ່ທະເລຕາເວັນອອກ ບໍ່ເກີດມີບັນດາເຫດການໃຫຍ່, ແຕ່ຍັງມີການຜັນແປທີ່ສັບສົນ.
ຄຳຮຸ່ງ
