| ຍູ້ແຮງການພົວພັນຮ່ວມມືດ້ານວັດທະນະທຳ, ກິລາ ແລະ ທ່ອງທ່ຽວ ຫວຽດນາມ - ກຳປູເຈຍ | |
| ເພີ່ມທະວີການຮ່ວມມືພົວພັນແລກປ່ຽນປະຊາຊົນ ກັບ ນະຄອນ St.Petersburg (ລັດເຊຍ) |
 |
| ທ່ານຮອງລັດຖະມົນຕີການຕ່າງປະເທດ ຫງວຽນກວກຢຸງ. ພາບ: TTXVN |
ໃນສອງວັນແຕ່ວັນທີ 26-27 ພະຈິກ, ທ່ານຮອງລັດຖະມົນຕີການຕ່າງປະເທດ ຫງວຽນກວກຢຸງ ໄດ້ໄປຢ້ຽມຢາມ ແລະ ເຮັດວຽກຢູ່ແຂວງ ເງ້ອານ ເພື່ອປຶກສາຫາລືກ່ຽວກັບບັນດາມາດຕະການໜູນຊ່ວຍທ້ອງຖິ່ນພັດທະນາເສດຖະກິດການຕ່າງປະເທດ.
ທ່ານຮອງລັດຖະມົນຕີ ຫງວຽນກວກຢຸງ ຢືນຢັນວ່າ: ກະຊວງການຕ່າງປະເທດຈະພ້ອມກັບແຂວງໃນການປະຕິບັດເປົ້າໝາຍໜູນຊ່ວຍທ້ອງຖິ່ນໃນການເຊື່ອມຕໍ່, ເພີ່ມທະວີການຮ່ວມມືສາກົນ, ພັດທະນາເສດຖະກິດ, ດຶງດູດການລົງທຶນ, ໜູນຊ່ວຍດ້ານສາທາລະນະສຸກ, ມະນຸດສະທຳຈາກບັນດາຄູ່ຮ່ວມມືຕ່າງປະເທດ.
ທ່ານຮອງລັດຖະມົນຕີ ຫງວຽນກວກຢຸງ ແລະ ຜູ້ຕາງໜ້າການນຳແຂວງ ເງ້ອານ ພ້ອມກັບສະຖານທູດອາເມລິກາ ແລະ ຫ້ອງການ MIA ອາເມລິກາ ປະຈຳ ຮ່າໂນ້ຍ ໄດ້ລົງຢ້ຽມຢາມສະໜາມການຂຸດຄົ້ນປະສົມຂອງ MIA ຢູ່ແຂວງ ແທງຕຽນ, ເມືອງ ແທງເຈືອງ, ແຂວງ ເງ້ອານ.
ທ່ານຮອງນາຍົກລັດຖະມົນຕີເນັ້ນໜັກນະໂຍບາຍມະນຸດສະທຳ, ແຜນນະໂຍບາຍ “ປ່ອຍວາງອະດີດ, ມຸ່ງໄປເຖິງອະນາຄົດ” ຂອງຫວຽດນາມ; ຢືນຢັນວ່າ ການຮ່ວມມື MIA ຈະສືບຕໍ່ສ້າງເງື່ອນໄຂເພື່ອໃຫ້ສອງຝ່າຍສ້າງຄວາມໄວ້ເນື້ອເຊື່ອໃຈ, ເພີ່ມທະວີການຮ່ວມມືໃນຂົງເຂດອື່ນໆຄື: ການເມືອງ - ການທູດ, ເສດຖະກິດ - ການຄ້າ, ສາທາລະນະສຸກ, ມະນຸດສະທຳ, ແກ້ໄຂຜົນຮ້າຍຢ້ອນຫຼັງຈາກສົງຄາມ ຢູ່ ຫວຽດນາມ.
ທ່ານ Noah Zaring, ຜູ້ຮັກສາການຮອງເອກອັກຄະລັດຖະທູດອາເມລິກາ ປະຈຳ ຮ່າໂນ້ຍ ໄດ້ສະແດງຄວາມຂອບອົກຂອບໃຈຕຕໍ່ລັດຖະບານ ແລະ ປະຊາຊົນ ຫວຽດນາມ ທີ່ໄດ້ໃຫ້ການໜູນຊ່ວຍວຽກງານມະນຸດສະທຳຂອງ MIA; ພິເສດ, ສືບຕໍ່ຜັນຂະຫຍາຍການເຄື່ອນໄຫວຢ່າງປອດໄພ ແລະ ມີປະສິດທິຜົນໃນສະພາບການຜັນແປຢ່າງສັບສົນຂອງໂລກລະບາດໂຄວິດຢູ່ 2 ປະເທດ; ຢືນຢັນລັດຖະບານ ອາເມລິກາ ຈະເພີ່ມທະວີການໜູນຊ່ວຍໃຫ້ແກ່ຫວຽດນາມ ໃນການແກ້ໄຂຜົນຮ້າຍຢ້ອນຫຼັງຈາກສົງຄາມ ແລະ ຍຸ້ແຮງການຮ່ວມມືໃນບບັນດາຂົງເຂດອື່ນໆກວ່າອີກ, ພິເສດແມ່ນຂົງເຂດການແພດ ເພື່ອຕ້ານ Covid-19.
ໄຊພອນ
