ຕອນບ່າຍວັນທີ 6 ສິງຫາ, ໂດຍຍົກໃຫ້ເຫັນທັດສະນະ ກ່ຽວກັບການຊ້ອມຮົບຂອງຈີນ ຢູ່ໝູ່ເກາະຮວ່າງຊາ, ທ່ານນາງໂຄສົກກະຊວງການຕ່າງປະເທດຫວຽດນາມ ເລທິທູຮັ່ງ ຢືນຢັນວ່າ ຫວຽດນາມມີຫຼັກຖານປະຫວັດສາດ ແລະ ພື້ນຖານນິຕິກຳອັນຄົບຖ້ວນ ເພື່ອຢັ້ງຢືນອະທິປະໄຕຂອງຕົນ ສຳລັບໝູ່ເກາະ ຮວ່າງຊາ ແລະ ເຈື່ອງຊາ ທີ່ສອດຄ່ອງກັບກົດໝາຍສາກົນ.
 |
| ທ່ານນາງໂຄສົກກະຊວງການຕ່າງປະເທດຫວຽດນາມ ເລທິທູຮັ່ງ |
ການປະຕິບັດການຊ້ອມຮົບຂອງຈີນ ຢູ່ໃນເຂດໝູ່ເກາະ ຮວ່າງຊາ ໄດ້ລະເມີດອະທິປະໄຕຂອງຫວຽດນາມ ສຳລັບໝູ່ເກາະນີ້, ເຊິ່ງໄປຝືນກັບຈິດໃຈຂອງຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ DOC, ອັນໄດ້ເຮັດໃຫ້ສະຖານະການສັບສົນ, ບໍ່ເອື້ອອຳນວຍໃຫ້ແກ່ການເຈລະຈາໃນປະຈຸບັນ ລະຫວ່າງຈີນ ແລະ ອາຊຽນ ກ່ຽວກັບກົດການປະພຶດລະຫວ່າງບັນດາຝ່າຍຢູ່ທະເລຕາເວັນອອກ.
ໂຄສົກກະຊວງການຕ່າງປະເທດເໜັ້ນໜັກວ່າ "ຫວຽດນາມຮຽກຮ້ອງໃຫ້ຈີນເຄົາລົບອະທິປະໄຕຂອງຫວຽດນາມ ສຳລັບໝູ່ເກາະ ຮວ່າງຊາ, ຢຸດເຊົາ ແລະ ບໍ່ໃຫ້ເກີດການລະເມີດທີ່ຄ້າຍຄືກັນນີ້ ທີ່ເຮັດໃຫ້ສະຖານະການຢູ່ໃນທະເລຕາເວັນອອກ ສັບສົນຂຶ້ນຕື່ມອີກ".
ກ່ອນໜ້ານັ້ນ, ໃນວັນທີ 4 ສິງຫາ, ກົມການທະຫານທະເລ ແຂວງ Hainan (ຈີນ) ໄດ້ປະກາດວ່າ ຫ້າມບໍ່ໃຫ້ເຮືອ, ກ່ຳປັ່ນເຂົ້າໄປໃນພື້ນທີ່ກວ້າງກວ່າ 100.000 ຕາລາງກິໂລແມັດຢູ່ທະເລຕາເວັນອອກ ເພື່ອຮັບໃຊ້ການຊ້ອມຮົບ. ພື້ນທີ່ນີ້ກວມເອົາເຄິ່ງໜຶ່ງໝູ່ເກາະ ຮວ່າງຊາ ຂອງຫວຽດນາມ.
ຄຳຮຸ່ງ
