 |
| ພາບປະກອບ |
ຕາມບັນຊີລາຍຊື່ແລ້ວ, ບິ່ງເຟືອກ ຈະມີເດັກອາຍຸ 16-17 ປີ 48.506 ຄົນໄດ້ຮັບການສັກວັກຊິນກັນໂຄວິດ-19 ໄລຍະທຳອິດໃນປີ 2021 (ແຕ່ວັນທີ 21 – 22 ພະຈິກ).
ຢູ່ບັນດາຈຸດສັກວັກຊິນຢູ່ເຂດຫ່າງໄກສອກຫຼີກ, ແຂວງ ບິ່ງເຟືອກ ໄດ້ຈັດຕັ້ງ ທີມປະຖົມພະຍາບານສຸກເສີນເຄື່ອນທີ່ຢູ່ແຕ່ລະກຸ່ມ 3-4 ຕາແສງ ຫຼື ຈຸດສັກວັກຊິນ; ຮັບປະກັນການປະຕິບັດຖືກຕາມຄວາມຮຽກຮ້ອງຕ້ອງການ, ຂໍ້ກຳນົດ ກ່ຽວກັບການສັກວັກຊິນກັນໂຄວິດ-19.
ແມ່ເຖົ້າ ບ່າທິກິມເຟື້ອງ ຢູ່ ບ້ານບົ່ນຊັງ ໃຫ້ຮູ້ວ່າ: ພະຍາດໂຄວິດ-19 ມີການຜັນແປຢ່າງສັບສົນ, ຈຳນວນຜູ້ຕິດເຊື້ອຍັງມີຫຼາຍ, ສະນັ້ນເມື່ອໄດ້ຍິນວ່າລູກໄດ້ຮັບການສັກວັກຊິນ, ຂ້າພະເຈົ້າດີໃຈຫຼາຍ. ຂອບໃຈອຳນາດການປົກຄອງບ້ານ, ຕາແສງ ແລະເມືອງ ທີ່ໄດ້ເອົາໃຈໃສ່ລູກຂອງຂ້າພະເຈົ້າໃຫ້ໄດ້ຮັບການສັກວັກຊິນ ແລະຫວັງວ່າ ລູກຈະໄດ້ກັບຄືນໄປໂຮງຮຽນໂດຍໄວ”.
ນາງ ທິໂສດາ (ອາຍຸ 17 ປີ, ຢູ່ບ້ານຈ່າງຮາຍ, ຕາແສງໂລກກວາງ, ເມືອງລົກນິງ) ໃຫ້ຮູ້ວ່າ: “ເປັນຄັ້ງທຳອິດທີ່ໄດ້ຮັບການສັກວັກຊິນ ສະນັ້ນ ຮູ້ສຶກຕື່ນເຕັ້ນ, ແຕ່ຄິດວ່າຈະໄດ້ກັບຄືນໄປໂຮງຮຽນໃນໄວໆນີ້, ນ້ອງຮູ້ສຶກດີໃຈຫຼາຍ ."
ຕາງໜ້າຄະນະຊີ້ນຳປ້ອງກັນ, ຕ້ານພະຍາດໂຄວິດ-19 ແຂວງບິ່ງເຟືອກ ໃຫ້ຮູ້ວ່າ: ຄາດວ່າຈະໄດ້ສັກວັກຊິນ Pfizer - BioNTech ປະມານ 6.832 ໂດສໃຫ້ເດັກອາຍຸ 16-17 ປີ ຢູ່ເມືອງລົກນີງ, ເຂດຊາຍແດນຕິດກັບກຳປູເຈຍ.
ໄຊພອນ
