| ຊຸກຍູ້ການຮ່ວມມືລະຫວ່າງ ຫວຽດນາມ ແລະ ລັດເຊຍ ຢ່າງມີປະສິດທິຜົນ | |
| ຊຸກຍູ້ການພົວພັນເສດຖະກິດ - ການຄ້າ ລະຫວ່າງ ຫວຽດນາມ - ລັດເຊຍ |
ທີ່ການຕ້ອນຮັບທ່ານປະທານປະເທດ ຫງວຽນຊວນຟຸກ ມີ ທ່ານພົນເອກ ຟານວັນຢາງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ; ທ່ານພົນໂທ ຫ່ວງຊວນຈ້ຽນ, ຮອງລັດຖະມົນຕີກະຊວງປ້ອງກັນປະເທດ, ປະທານສະຖາບັນຄະນະຫວຽດນາມ ປະຈໍາ ຄະນະກຳມະການປະສານງານລະຫວ່າງລັດຖະບານ ກ່ຽວກັບສູນເຂດຮ້ອນ ຫວຽດນາມ - ລັດເຊຍ; ທ່ານ Bezdetko Gennady Stepanovich, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສະຫະພັນລັດເຊຍ ປະຈຳ ຫວຽດນາມ.
 |
| ປະທານປະເທດ ຢ້ຽມຢາມ ແລະ ເຮັດວຽກຢູ່ສູນເຂດຮ້ອນ ຫວຽດນາມ - ລັດເຊຍ. (ພາບ: qdnd) |
ທ່ານປະທານປະເທດ ຫງວຽນຊວນຟຸກ ແລະ ບັນດາຜູ້ແທນ ໄດ້ຮັບຟັງ ທ່ານປະລິນຍາເອກ ວິທະຍາສາດ Kuznetsov ແລະ ທ່ານພົນຈັດຕະວາ ດັ້ງໂຫ່ງຈ້ຽນ (ຜູ້ອຳນວຍການສູນເຂດຮ້ອນ ຫວຽດນາມ - ລັດເຊຍ) ລາຍງານບາງການເຄື່ອນໄຫວສຳຄັນ ແລະ ພົ້ນເດັ່ນໃນຊຸມປີມໍ່ໆມານີ້, ພ້ອມທັງທິດທາງ ແລະ ແງ່ຫວັງພັດທະນາຍາວນານຂອງສູນ.
ນັບແຕ່ໄດ້ສ້າງຕັ້ງຂຶ້ນ, ສູນເຂດຮ້ອນຫວຽດນາມ - ລັດເຊຍ ໄດ້ຮັບການພັດທະນາຢ່າງບໍ່ຢຸດຢັ້ງ, ກາຍເປັນອົງການວິທະຍາສາດ ແລະ ເຕັກໂນໂລຢີຫຼາຍຂະແໜງ, ດຳເນີນການຄົ້ນຄ້ວາພື້ນຖານ ແລະ ທົ່ວໄປກ່ຽວກັບເຂດອາກາດຮ້ອນ.
 |
| ທ່ານປະທານປະເທດ ຫງວຽນຊວນຟຸກ ໄດ້ຮັບຮູ້, ຊົມເຊີຍ ແລະ ຕີລາຄາສູງບັນດາໝາກຜົນ ແລະ ຜົນງານດີເລີດທີ່ສູນເຂດຮ້ອນ ຫວຽດນາມ - ລັດເຊຍ. (ພາບ: qdnd) |
ດ້ວຍການເຂົ້າຮ່ວມຂອງຫຼາຍອົງການວິທະຍາສາດ ຂອງສະຫະພັນລັດເຊຍ ແລະ ຫວຽດນາມ, ສູນ ເຂດຮ້ອນ ຫວຽດນາມ - ລັດເຊຍ ບັນລຸໄດ້ບັນດາຜົນງານທີ່ສຳຄັນ ໃນການຄົ້ນຄ້ວາວິທະຍາສາດໃນບັນດາທິດ ຄື: ລະບົບນິເວດເຂດຮ້ອນ, ຄວາມທົນທານເຂດຮ້ອນ, ຊີວະການແພດເຂດຮ້ອນ ແລະ ບຳລຸງສ້າງພະນັກງານວິທະຍາສາດທີ່ມີລະດັບວິຊາສະເພາະສູງ. ຫວ່າງມໍ່ໆມານີ້, ສູນເຂດຮ້ອນ ຫວຽດນາມ - ລັດເຊຍ ໄດ້ນຳເອົາອຸປະກອນທີ່ທັນສະໄໝ ໂດຍການສະໜັບສະໜູນຈາກສະຫະພັນລັດເຊຍ ເຂົ້າຮ່ວມການປ້ອງກັນ ແລະ ຄວບຄຸມພະຍາດໂຄວິດ-19 ຢູ່ຫຼາຍຈຸດຮ້ອນຂອງຫວຽດນາມ ຄື: ນະຄອນໂຮ່ຈິມິນ, ບິ່ງເຢືອງ, ນະຄອນດ່າໜັງ, ບັກຢາງ.
 |
| ທ່ານ Bezdetko Gennady Stepanovich, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສະຫະພັນລັດເຊຍ ປະຈຳ ຫວຽດນາມ. |
ກ່າວຄຳເຫັນທີ່ການພົບປະ, ທ່ານປະທານປະເທດ ຫງວຽນຊວນຟຸກ ໄດ້ຮັບຮູ້, ຊົມເຊີຍ ແລະ ຕີລາຄາສູງບັນດາໝາກຜົນ ແລະ ຜົນງານດີເລີດທີ່ສູນເຂດຮ້ອນ ຫວຽດນາມ - ລັດເຊຍ ບັນລຸໄດ້ໃນ 3 ທົດສະວັດຜ່ານມາ. ທ່ານປະທານປະເທດ ຫງວຽນຊວນຟຸກ ເນັ້ນໜັກວ່າ: ສູນເຂດຮ້ອນ ຫວຽດນາມ - ລັດເຊຍ ແມ່ນຮູບແບບການຮ່ວມມືດ້ານວິທະຍາສາດພິເສດ ໃນການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ອະດີດສະຫະພາບໂຊວຽດ (ສະຫະພັນລັດເຊຍ ປະຈຸບັນ).
ທ່ານປະທານປະເທດ ຫງວຽນຊວນຟຸກ ປາດຖະໜາວ່າ ສູນຈະສືບຕໍ່ເພີ່ມທະວີການຮ່ວມມືຄົ້ນຄວ້າ, ລົງທຶນເຂົ້າລວງເລິກ, ຫັນພື້ນຖານໂຄງລ່າງ ແລະ ເຕັກໂນໂລຢີເປັນທັນສະໄໝ, ຊຸກຍູ້ບັນດາທ່າໄດ້ປຽບໃນການຮ່ວມມືໂດຍກົງ ແລະ ເຊື່ອມຕໍ່ລະຫວ່າງບັນດາຫົວໜ່ວຍ, ອົງການວິທະຍາສາດ - ເຕັກໂນໂລຢີ ແລະ ບັນດາອົງການການຜະລິດຂອງ ຫວຽດນາມ, ສະຫະພັນລັດເຊຍ ແລະ ປະເທດອື່ນໆ; ເປີດກວ້າງການຮ່ວມມືສາກົນ ແລະ ວິທະຍາສາດເຕັກໂນໂລຢີເຂດຮ້ອນ.
ຄຳຮຸ່ງ
