| ດ່ານັ້ງ: ມີຫຼາຍຮູບແບບ Startup ຂອງ ໄວໜຸ່ມ ປະສົບຜົນສຳເລັດ | |
| ຫວຽດນາມ ປະກອບສ່ວນຫຼາຍຢ່າງຢູ່ເວທີປາໄສທະເລ ASEAN ຄັ້ງທີ 11 ແລະ ເວທີປາໄສທະເລ ASEAN ເປີດກວ້າງ ຄັ້ງທີ່ 9 |
 |
| ພາບປະກອບ: vov |
ເວທີປາໄສມີການເຂົ້າຮ່ວມຂອງຜູ້ຕາງໜ້າໂຄງການພັດທະນາ ສະຫະປະຊາຊາດ UNDP ຫວຽດນາມ, ຜູ້ຕາງໜ້າ VCCI ແລະ ການເຂົ້າຮ່ວມຂອງນັກທຸລະກິດໜຸ່ມ, ທີ່ປຶກສາ Startup 100 ຄົນ.
ເວທີປາໄສຈັດຕັ້ງເພື່ອແນໃສ່ຮັບຮູ້ບັນດາຄວາມຫຍຸ້ງຍາກ ແລະ ມາດຕະການໜູນຊ່ວຍວິສາຫະກິດ Startup ທີ່ກໍ່ຜົນກະທົບຢູ່ພາກພື້ນ ອາຊີ - ປາຊີຟິກ ໃນໄລຍະເກີດໂລກລະບາດໂຄວິດ - 19, ສະໜອງການສັງເກດລວມ ແລະ ຮອບດ້ານກ່ຽວກັບບັນດາທ່າອ່ຽງໃນປັດຈຸບັນ ໃນບັນດາຂົງເຂດ Startup ທີ່ກ່ຽວຂ້ອງເຖິງບັນດາສິ່ງທ້າທາຍຂອງທົ່ວໂລກ.
ກ່າວຄຳເຫັນໄຂເວທີປາໄສ, ທ່ານ ຮ່ວາງກວາງຟ່ອງ, ຮອງປະທານຜູ້ປະຈຳການຫ້ອງການການຄ້າ ແລະ ອຸດສາຫະກຳ ຫວຽດນາມ, ຢັ້ງຢືນວ່າ: ປີ 2021 ສືບຕໍ່ແມ່ນປີປະສົບກັຍບຄວາມຫຍຸ້ງຍາກບໍ່ພຽງແຕ່ສຳລັບ ຫວຽດນາມ ເທົ່ານັ້ນ ຫາກຍັງແມ່ນຫຼາຍປະເທດໃນໂລກອີກດ້ວຍ. ໂລກລະບາດໂຄວິດ - 19 ຄຸກຄາມ ເຮັດໃຫ້ບັນດາການເຄື່ອນໄຫວຂອງບັນດາວິສາຫະກິດຖືກຢຸດສະຫງັກ, ບັນດາວິສາຫະກິດໜຸ່ມກໍ່ຕ້ອງມານະພະຍາຍາມແບກຫາບຄວາມຫຍຸ້ງຍາກຫຼາຍຢ່າງ. VCCI ປາດຖະໜາວ່າ ຜ່ານບັນດາການເຄື່ອນໄຫວ Startup, ແທດຈິງ, ມີປະສິດທິຜົນ ຈະສ້າງເງື່ອນໄຂໃຫ້ແກ່ບັນດາວິສາຫະກິດໜຸ່ມມີກຳລັງແຮງຢ່າງພຽງພໍເພື່ອຜ່ານຜ່າໂລກລະບາດໂຄວິດ - 19. ໂຄງການ Startup ແຫ່ງຊາດ ໂດຍວາລະສານເວທີປາໄສວິສາຫະກິດ ຈັດຂຶ້ນ ພວມເສີມຂະຫຍາຍທ່າແຮງຂອງອົງການໜູນຊ່ວຍຊຸກຍູ້ການ Startup, ດຶງດູດຄວາມສົນໃຈຂອງປະຊາຄົມ Startup ໃນທົ່ວປະເທດ ແລະ ອົງການຈັດຕັ້ງສາກົນ.
ເວທີປາໄສ Startup ສາກົນ ໄດ້ຈັດຂຶ້ນກົງກັບໂອກາດສັບປະດາເລີ່ມຕົ້ນທຸລະກິດໃນທົ່ວໂລກ (Global Entrepreneurship Week – GEW) ຂອງເຄືອຂ່າຍ Startup ທົ່ວໂລກ (GEN). ນີ້ແມ່ນຂໍ້ລິເລີ່ມ ທີ່ໄດ້ເລີ່ມຕົ້ນແຕ່ປີ 2007. ຢູ່ ຫວຽດນາມ, ເພື່ອຊຸກຍູ້ຈິດໃຈເລີ່ມຕົ້ນທຸລະກິດ, VCCI ໄດ້ຕອບສະໜອງ ແລະ ກາຍເປັນຄູ່ຮ່ວມມືທີ 131 ເປັນປະທານຈັດສັບປະດາ Startup ທົ່ວໂລກຢູ່ ຫວຽດນາມ ແຕ່ປີ 2013.
ບຸນຄົງ
