| ທ່ານປະທານສະພາແຫ່ງຊາດ ເວືອງດິ່ງເຫ້ວ ພົບປະ, ສະແດງຄວາມຮູ້ບຸນຄຸນບັນດາຄູອາຈານຢູ່ມະຫາວິທະຍາໄລແພດສາດຮ່າໂນ້ຍ | |
| ທ່ານນາງຮອງປະທານປະເທດພົບປະກັບຄູອາຈານດີເດັ່ນເມື່ອເຂົ້າຮ່ວມລາຍການ “ແບ່ງປັນກັບຄູອາຈານ”ປີ 2021 |
ວັນຄູແຫ່ງຊາດຫວຽດນາມ ວັນທີ 20 ພະຈິກ ແມ່ນໜຶ່ງໃນຈຸດວັດທະນະທຳຄຸນສົມບັດການເຄົາລົບຄູອາຈານຂອງຫວຽດນາມ ນັບແຕ່ດົນນານມາແລ້ວ. ສໍາລັບຄູອາຈານຕ່າງປະເທດ, ໃນໂອກາດນີ້ເຂົາເຈົ້າກໍ່ໄດ້ຮັບຂອງຂວັນວັນຄູເຊິ່ງໃນຄວາມຄິດຂອງເຂົາເຈົ້າແມ່ນຫນ້າແປກ ແລະໜ້າອອນຊອນໃຈທີ່ສຸດ.
 |
| ອາຈານ ພູມພິທັດ ອຸປະເສີດ ພວມສິດສອນຢູ່ພາກວິຊາພາສາ ແລະ ວັດທະນະທໍາອາຊີຕາເວັນອອກສ່ຽງໃຕ້, ມະຫາວິທະຍາໄລພາສາຕ່າງປະເທດ - ມະຫາວິທະຍາໄລແຫ່ງຊາດຮ່າໂນ້ຍ. |
ອາຈານ ພູມພິທັດ ອຸປະເສີດ ມາຈາກປະເທດລາວອ້າຍນ້ອງ, ປະຈຸບັນເປັນອາຈານສອນ ຢູ່ ພາກວິຊາພາສາ ແລະວັດທະນະທຳອາຊີຕາເວັນອອກສ່ຽງໃຕ້, ມະຫາວິທະຍາໄລພາສາຕ່າງປະເທດ-ມະຫາວິທະຍາໄລແຫ່ງຊາດຮ່າໂນ້ຍ ກໍ່ມີຄວາມປະທັບໃຈພິເສດໃນວັນຄູແຫ່ງຊາດຫວຽດນາມ.
ອາຈານ ພູມພິທັດ ອຸປະເສີດ ແບ່ງປັນວ່າ: “ຂ້າພະເຈົ້າໄດ້ດຳລົງຊີວິດ ແລະຮ່ຳຮຽນ ຢູ່ ຫວຽດນາມ ມາເປັນເວລາຫຼາຍປີແລ້ວ ແລະໄດ້ມີໂອກາດເຂົ້າຮ່ວມການສະເຫຼີມສະຫຼອງວັນຄູແຫ່ງຊາດຫວຽດນາມກໍ່ຫຼາຍເທື່ອແລ້ວ, ນີ້ເປັນປີທີ 3 ທີ່ຂ້າພະເຈົ້າໄດ້ເຂົ້າຮ່ວມໃນຖານະເປັນອາຈານສອນ, ແຕ່ຄວາມຮູ້ສຶກຕື້ນຕັນໃຈຕື່ນເຕັ້ນຄືດັ່ງຄັ້ງທຳອິດ”.
ອາຈານ ພູມພິທັດ ອຸປະເສີດ ໃຫ້ຮູ້ວ່າ: ທຸກໆປີ, ເມື່ອໃກ້ຈະຮອດວັນຄູແຫ່ງຊາດ, ຂ້າພະເຈົ້າມີຮູ້ສຶກກະຕືລືລົ້ນ ແລະຄອງຄອຍ. ໂດຍໄດ້ຮັບດອກໄມ້, ບັດອວຍພອນ ແລະໄດ້ຮັບຟັງຄຳຂອບໃຈຈາກບັນດານັກສຶກສາ ແລະພໍ່ແມ່ຜູ້ປົກຄອງສຳລັບວຽກງານທີ່ຕົນໄດ້ເຮັດ, ນັ້ນແມ່ນກຳລັງໃຈທີ່ດີທີ່ສຸດ.
ອາຈານ ພູມພິທັດ ອຸປະເສີດ ແບ່ງປັນວ່າ: “ວັນຕອບບຸນແທນຄຸນຄູອາຈານ ຢູ່ ຫວຽດນາມ ແມ່ນວັນພິເສດທີ່ສຸດ. ຢູ່ ຫວຽດນາມ, ອາຊີບຄູໄດ້ຮັບຖືວ່າແມ່ນອາຊີບທີ່ລ້ຳຄ່າທີ່ສຸດ. ການສິດສອນບໍ່ແມ່ນວຽກທີ່ງ່າຍດາຍ ໂດຍສະເພາະ ແມ່ນຄູອາຈານຄົນລາວ ຄືຂ້າພະເຈົ້າ ເມື່ອຄວາມແຕກຕ່າງທາງດ້ານພາສາ ແລະວັດທະນະທໍາເປັນອຸປະສັກແທ້ໆ. ຍິ່ງໄປກວ່ານັ້ນ, ໃນຫ້ອງຮຽນທີ່ມີນັກສຶກສາຫຼາຍຄົນ, ນັກສຶກສາແຕ່ລະຄົນມີພື້ນຖານທີ່ແຕກຕ່າງກັນ, ດັ່ງນັ້ນຄູສອນຕ້ອງມີວິທີການສອນທີ່ແຕກຕ່າງກັນຕໍ່ນັກສຶກສາແຕ່ລະຄົນ. ໂດຍໄດ້ຮັບຮູ້ການປະກອບສ່ວນຂອງຕົນເຂົ້າໃນພາລະກິດການສຶກສາ, ພິເສດແມ່ນສາມາດປະກອບສ່ວນເຂົ້າໃນການເຊື່ອມຕໍ່ວັດທະນະທຳ ແລະການສຶກສາລະຫວ່າງສອງປະເທດອ້າຍນ້ອງ ຫວຽດນາມ - ລາວ ແມ່ນເປັນກຽດທີ່ສຸດສໍາລັບຂ້າພະເຈົ້າ”.
 |
| ອາຈານ ພູມພິທັດ ອຸປະເສີດ ພ້ອມກັບນັກສໍາມະນາກອນຊາຍແດນ. |
ເມື່ອແບ່ງປັນກ່ຽວກັບວາດສະໜາທີ່ໄດ້ເປັນອາຈານສອນຢູ່ພາກວິຊາພາສາ ແລະ ວັດທະນະທຳອາຊີຕາເວັນອອກສ່ຽງໃຕ້, ມະຫາວິທະຍາໄລພາສາຕ່າງປະເທດ - ມະຫາວິທະຍາໄລແຫ່ງຊາດຮ່າໂນ້ຍ, ອາຈານ ພູມພິທັດ ອຸປະເສີດ ໃຫ້ຮູ້ວ່າ: ກ່ອນໜ້ານີ້ ຂ້າພະເຈົ້າບໍ່ເຄີຍຄິດວ່າຈະໄດ້ເປັນຄູສອນຍ້ອນເມື່ອມາຫວຽດນາມ, ຄວາມຫວັງຂອງຂ້າພະເຈົ້າແມ່ນຢາກເປັນນັກການທູດເຊື່ອມຕໍ່ນໍ້າໃຈມິດຕະພາບ ຫວຽດນາມ-ລາວ.
ໃນຂະບວນການຂອງການຮໍ່າຮຽນຢູ່ປະເທດຮູບຕົວໜັງສື S, ດໍາລົງຊີວິດ ຢູ່ ໃນສະພາບແວດລ້ອມທີ່ຮຽກຮ້ອງໃຫ້ມີທັກສະຫຼາຍຢ່າງ, ອາຈານ ພູມພິທັດ ອຸປະເສີດ ລອງສອນພາສາລາວ ຢູ່ ສູນການສຶກສາ. ໃນເບື້ອງຕົ້ນແມ່ນຢາກຖອດຖອນ ໄດ້ບົດຮຽນ, ປະສົບການ, ແຕ່ຕໍ່ມາ ອາຈານ ພູມພິທັດ ອຸປະເສີດ ຍິ່ງມີຄວາມມັກຮັກກັບວຽກງານນີ້ຫຼາຍຂຶ້ນ.
“ຂ້າພະເຈົ້າຮູ້ສຶກໂຊກດີ ແລະດີໃຈທີ່ໄດ້ເປັນອາຈານສອນ ຢູ່ ພາກວິຊາພາສາ ແລະວັດທະນະທຳອາຊີຕາເວັນອອກສຽງໃຕ້, ມະຫາວິທະຍາໄລພາສາຕ່າງປະເທດ - ມະຫາວິທະຍາໄລແຫ່ງຊາດຮ່າໂນ້ຍ ເຊິ່ງເປັນບ່ອນໃຫ້ຂ້າພະເຈົ້າໄດ້ມີໂອກາດສອນພາສາ ແລະແນະນໍາວັດທະນະທໍາຂອງປະເທດຕົນເຖິງບັນດານັກສຶກສາຢູ່ທີ່ນີ້. ຂ້າພະເຈົ້າຈະມານະພະຍາຍາມອຸທິດຈົນສຸດຄວາມສາມາດຂອງຕົນໃຫ້ວຽກງານ ແລະສົ່ງຕໍ່ກໍາລັງຄວາມມັກຮັກນີ້ເພື່ອໃຫ້ບັນດານັກສຶກສາຮຽນພາສາລາວໄດ້ດີຂຶ້ນ. ຂ້າພະເຈົ້າໄດ້ດໍາລົງຊີວິດ ແລະເຮັດວຽກ ຢູ່ ຫວຽດນາມ ຢ່າງໝັ້ນຄົງແລ້ວສະນັ້ນຂ້າພະເຂົ້າຢາກເປັນຄຸູສອນຍາວນານຢູ່ທີ່ນີ້.
ກອງແກ້ວ
