| ສະມາຄົມມິດຕະພາບ ຫວຽດນາມ - ມຽນມາ ເປັນເຈົ້າການ, ມີຄວາມປະດິດຄິດສ້າງໃນສະພາບການໃໝ່ | |
| ຈັດຕັ້ງບັນດາການເຄື່ອນໄຫວວັດທະນະທຳ, ສິລະປະ ຫວຽດນາມ - ສະຫະພັນລັດເຊຍ |
 |
| ພາບປະກອບ |
ມີຄຳເຫັນໃນທີ່ປະຊຸມ, ທ່ານດັ່ງດິ່ງກຸ່ຍ ເອກອັກຄະລັດຖະທູດ - ຫົວໜ້າຄະນະຜູ້ແທນປະຈຳການຂອງຫວຽດນາມທີ່ສະຫະປະຊາຊາດ ຮຽກຮ້ອງໃຫ້ທຸກຝ່າຍຢຸດຕິໃນທັນທີຕໍ່ການກະທຳຂອງສັດຕູ ແລະ ເລີ່ມຕົ້ນການເຈລະຈາຮອບດ້ານ ໄປສູ່ຄຳສັ່ງຢຸດຍິງຢ່າງຍືນຍົງ.
ຫວຽດນາມຮຽກຮ້ອງໃຫ້ທຸກຝ່າຍປະຕິບັດພັນທະຂອງກົດມະນຸດສະທຳສາກົນຢ່າງຄົບຖ້ວນ ເພື່ອສະກັດກັ້ນຄວາມອືດຫິວທີ່ຈະເກີດຂື້ນ, ລົບລ້າງຂໍ້ຈຳກັດຕ່າງໆ ແລະ ສ້າງເງື່ອນໄຂອຳນວຍຄວາມສະດວກໃຫ້ແກ່ການເຂົ້າເຖິງມະນຸດສະທຳ, ຟື້ນຟູການບໍລິການສາທາລະນະຕ່າງໆ, ພ້ອມກັນນັ້ນ ກໍນຳໃຊ້ບັນດາມາດຕະການປົກປັກຮັກສາປະຊາຊົນ, ຮັກສາພື້ນຖານໂຄ່ງລ່າງ, ບຸກຄະລາກອນທາງມະນຸດສະທຳ.
ຫວຽດນາມສະເໜີໃຫ້ແຕ່ລະຝ່າຍທີ່ກ່ຽວຂ້ອງ ຫຼີກຫຼ່ຽງທຸກການກະທຳ ທີ່ສ້າງຄວາມສັບສົນຕື່ມອີກຕໍ່ສະພາບການ, ປະຕິບັດຫຼັກການບໍ່ແຊກແຊງເຂົ້າວຽກງານພາຍໃນຂອງບັນດາປະເທດ ແລະ ແກ້ໄຂຂໍ້ຂັດແຍ່ງດ້ວຍມາດຕະການຢ່າງສັນຕິວິທີ.
ຫວຽດນາມ ສະໜັບສະໜູນບົດບາດຂອງຄະນະຕາງໜ້າຂັ້ນສູງ ຂອງສະຫະພັນທະວີບອາຟຣິກາ ກ່ຽວກັບຂຸນເຂົາອາຟຣິກາ, ຄວາມພະຍາຍາມຕ່າງໆທີ່ທັນການ ແລະ ມີລັກສະນະສ້າງສາຂອງ ປະຊາຄົມໂລກ, ບັນດາປະເທດບ້ານໃກ້ເຮືອນຄຽງ, ອົງການໃນພາກພື້ນ ໃນການຊ່ວຍເຫຼືອ Ethiopia ຜ່ານຜ່າຄວາມຫຍຸ້ງຍາກກໃນປັດຈຸບັນ ບົນພື້ນຖານການເຄົາລົບເອກະລາດ, ອະທິປະໄຕ, ເປັນເອກະພາບ ແລະ ຜືນແຜ່ນດິນອັນຄົມຖ້ວນຂອງ Ethiopia.
ໄຊພອນ
