 |
| ການນຳນະຄອນໂຮ່ຈີມິນ ອວຍພອນສະຖານກົງສູນໃຫຍ່ ລາຊະອານາຈັກ ກຳປູເຈຍ (ພາບ: thanhuytphcm.vn) |
ທ່ານ ເຈິ່ນເຟືອກແອັງ ຫົວໜ້າພະແນກພົວພັນຕ່າງປະເທດນະຄອນໂຮ່ຈີມິນ ໄດ້ສະແດງຄວາມຊົມເຊີຍຕໍ່ບັນດາຜົນງານເຊິ່ງລາຊະອານາຈັກ ກຳປູເຈຍ ບັນລຸໄດ້ໃນໄລຍະຜ່ານມາ, ພິເສດແມ່ນການການຄວບຄຸມໂລກລະບາດໂຄວິດ - 19, ນຳຊີວິດການເປັນຢູ່ກັບຄືນສູ່ສະພາບປົກກະຕິໃໝ່. ທ່ານ ເຈິ່ນເຟືອກແອັງ ຫົວໜ້າພະແນກພົວພັນຕ່າງປະເທດນະຄອນ ໂຮ່ຈີມິນ ກໍ່ຕີລາຄາສູງການພົວພັນລະຫວ່າງ ຫວຽດນາມ - ກຳປູເຈຍ ເວົ້າລວມ, ລະຫວ່າງນະຄອນໂຮ່ຈີມິນ ແລະ ນະຄອນຫຼວງ Phnom Penh ເວົ້າສະເພາະ ໄດ້ມີບັນດາບາດກ້າວພັດະທະນາຢ່າງໝັ້ນແກ່ນ. ໃນໄລຍະຈະມາເຖິງ, ສອງປະເທດ, ສອງນະຄອນຍັງຈະຈະສືບຕໍ່ມີບັນດາການເຄື່ອນໄຫວແລກປ່ຽນຄະນະຜູ້ແທນ ແລະ ພົບປະທຸກຂັ້ນ, ເພີ່ມທະວີການພົວພັນຮ່ວມມືດ້ານເສດຖະກິດ, ວັດທະນະທຳ, ການສຶກສາ...
ທ່ານ ເຈິ່ນເຟືອກແອັງ ຫົວໜ້າພະແນກພົວພັນຕ່າງປະເທດນະຄອນໂຮ່ຈີມິນ ເນັ້ນໜັ້ກວ່າ: “ນະຄອນໂຮ່ຈີມິນ ມີຄວາມເຄົາລົບຕໍ່ການປະກອບສ່ວນອັນລ້ຳຄ່າເຊິ່ງ ລັດຖະບານ ກຳປູເຈຍ ແລະ ນະຄອນຫຼວງ Phnom Penh ສະຫງວນໃຫ້ ຫວຽດນາມ ແລະ ນະຄອນໂຮ່ຈີມິນ ໃນວຽກງານປ້ອງກັນ, ຕ້ານໂລກລະບາດໂຄວິດ - 19 ໃນໄລຍະຜ່ານມາ, ຂ້າພະເຈົ້າເຊື່ອໝັ້ນວ່າ ບັນດາວຽກງານດັ່ງກ່າວຂອງສອງປະເທດ ໄດ້ພິສູດໃຫ້ເຫັນການພົວພັນ “ຖານບ້ານໃກ້ເຮືອນຄຽງອັນດີງາມ, ນ້ຳໃຈມິດຕະພາບທີ່ເປັນມູນເຊື້ອ, ການຮ່ວມມືຢ່າງຮອບດ້ານ, ຍືນຍົງຍາວນານ” ພວມພັດທະນາຢ່າງຕັ້ງໜ້າ”
ສ່ວນທ່ານ ຫົວໜ້າສະຖານກົງສູນໃຫຍ່ ລາຊະອານາຈັກ ກຳປູເຈຍ ປະຈຳ ນະຄອນໂຮ່ຈີມິນ ໄດ້ສະແດງຄວາມຂອບອົກຂອບໃຈຢ່າງຈິງໃຈກ່ຽວກັບຄວາມເອົາໃຈໃສ່, ການໜູນຊ່ວຍຂອງການນຳນະຄອນ ແລະ ບັນດາພະແນກ, ຂະແໜງການນະຄອນໂຮ່ຈີມິນ ຕໍ່ວຽກງານປ້ອງກັນ, ຕ້ານໂລກລະບາດໂຄວິດ - 19 ຂອງ ກຳປູເຈຍ ໃນໄລຍະຜ່ານມາ, ທ່ານກໍ່ຢັ້ງຢືນວ່າ ຈະມານະພະຍາຍາມຈົນສຸດຄວາມສາມາດຂອງຕົນ ເພື່ອຊຸກຍູ້ການພົວພັນສອງຝ່າຍພັດທະນາຢ່າງຮອບດ້ານ, ແທດຈິງ, ມີປະສິດທິຜົນ, ເປັນຕົ້ນແມ່ນໃນສະພາບການສອງປະເທດຈັດຕັ້ງການສະເຫຼີມສະຫຼອງ ວັນສ້າງຕັ້ງການພົວພັນທາງການທູດຄົບຮອບ 55 ປີ ໃນປີ 2022 (24 ມິຖຸນາ 1967 – 24 ມິຖຸນາ 2022).
ບຸນຄົງ
