| ວົງເງິນສົ່ງອອກຜະລິດຕະພັນກະເສດ-ເຄື່ອງປ່າຂອງດົງ-ສິນໃນນໍ້າ ບັນລຸ 38,8 ຕື້ໂດລາສະຫະລັດ | |
| ນາຍົກລັດຖະມົນຕີຫວຽດນາມ ຕ້ອນຮັບຜູ້ອໍານວຍການບໍລິຫານທະນາຄານໂລກ |
 |
| ນາຍົກລັດຖະມົນຕີຫວຽດນາມ ພົບປະກັບປະທານສະພາສູງຝຣັ່ງ. ພາບ: kinhtexaydung.petrotimes.vn |
ຕອນບ່າຍວັນທີ 3 ພະຈິກ (ຕາມເວລາທ້ອງຖິ່ນ), ທ່ານ ຟ້າມມີງຈິ໊ງ ນາຍົກລັດຖະມົນຕີຫວຽດນາມ ແລະຄະນະຜູ້ແທນຂັ້ນສູງຫວຽດນາມ ໄດ້ໄປ ຮອດສະໜາມບິນ Orly ຢູ່ນະຄອນຫຼວງປາຣີ, ເລີ່ມຕົ້ນການຢ້ຽມຢາມ ສ.ຝະຣັ່ງ ຢ່າງເປັນທາງການ ໃນລະຫວ່າງວັນທີ 3 – 5 ພະຈິກ, ຕາມຄໍາເຊື້ອຂອງທ່ານ Jean Castex ນາຍົກລັດຖະມົນຕີຝຣັ່ງ.
ພິທີຕ້ອນຮັບທ່ານນາຍົກລັດຖະມົນຕີ ຫວຽດນາມ ຟ້າມມີງຈິ໊ງ ແລະຄະນະຜູ້ແທນຂັ້ນສູງ ຫວຽດນາມ ໄດ້ດຳເນີນທີ່ວັງ Invalides ຢູ່ນະຄອນຫຼວງປາຣີ. ພາຍຫຼັງພິທີຕ້ອນຮັບ, ທ່ານນາຍົກລັດຖະມົນຕີ ຫວຽດນາມ ຟ້າມມີງຈິ໊ງ ໄດ້ມີການພົບປະກັບ ທ່ານ Gerard Larcher ປະທານສະພາສູງ ຝຣັ່ງ.
ທ່ານນາຍົກລັດຖະມົນຕີ ຫວຽດນາມ ຟ້າມມີງຈິ໊ງ ຕີລາຄາສູງບັນດາການປະກອບສ່ວນອັນສຳຄັນຂອງ ລັດຖະສະພາຂອງສອງປະເທດເຂົ້າໃນການເພີ່ມທະວີການພົວພັນຮ່ວມມືຫຼາຍ ດ້ານລະຫວ່າງຫວຽດນາມ-ຝຣັ່ງ, ໃນນັ້ນມີວິວັດການຊຸກຍູ້ການຮ່ວມມືລະຫວ່າງ ບັນດາທ້ອງຖິ່ນ; ປາດຖະໜາຢາກໃຫ້ສອງຝ່າຍສົມທົບກັນຢ່າງແໜ້ນແຟ້ນເພື່ອຈັດຕັ້ງກອງປະຊຸມການຮ່ວມມືລະຫວ່າງທ້ອງຖິ່ນ ຄັ້ງທີ 12 ຢູ່ຮ່າໂນ້ຍ ໃນປີ 2022 ຢ່າງສໍາເລັດຜົນ; ທ່ານກໍ່ຫວັງວ່າ ຝ່າຍຝຣັ່ງຈະສືບຕໍ່ໜູນຊ່ວຍພັດທະນາກໍາລັງຄວາມສາມາດດ້ານການແພດ, ການສຶກສາ ແລະວັດທະນະທຳໃຫ້ແກ່ຫວຽດນາມ
ທ່ານ Gerard Larcher ປາດຖະໜາວ່າ ການພົວພັນມິດຕະພາບທີ່ເປັນມູນເຊື້ອ ແລະຄູ່ຮ່ວມມືຍຸດທະສາດລະຫວ່າງສອງປະເທດ ຈະສືບຕໍ່ເຂົ້າສູ່ລວງເລິກ ແລະ ແທດຈິງໃນທຸກຂົງເຂດ, ນັບແຕ່ການເມືອງ, ການປ້ອງກັນຊາດ-ປ້ອງກັນຄວາມສະຫງົບ ຕະຫຼອດເຖິງເສດຖະກິດ, ວັດທະນະທຳ, ວິທະຍາສາດເຕັກໂນໂລຊີ ແລະການສຶກສາ.
ທ່ານປະທານສະພາສູງ ໄດ້ເຫັນດີເປັນເອກະພາບສົມທົບກັນຜັນຂະຫຍາຍສັນຍາການຄ້າເສລີຫວຽດນາມ-ອີຢູ (EVFTA) ຢ່າງມີປະສິດທິຜົນ ແລະສະໜັບສະໜູນການໃຫ້ສັດຕະຍາບັນສັນຍາອາລັກຂາການລົງທຶນຫວຽດນາມ-ອີຢູ (EVIPA) ເພື່ອແນໃສ່ຫັນກໍາລັງຄວາມສາມາດບົ່ມຊ້ອນໃນການຮ່ວມມືດ້ານເສດຖະກິດ, ການຄ້າ ແລະການລົງທຶນລະຫວ່າງຫວຽດນາມ, ຝະຣັ່ງ ແລະບັນດາປະເທດອີຢູ ໃຫ້ຫຼາຍທີ່ສຸດ, ພ້ອມກັນນັ້ນ ກໍ່ສະແດງຄວາມພ້ອມທີ່ຈະພິຈາລະນາຊຸກຍູ້ ຄະນະ ກຳມະການເອີລົບ (EC) ຍົກເລີກ “ບັດເຫຼືອງ” ຕໍ່ສິນໃນນໍ້າຂອງ ຫວຽດນາມ ໂດຍໄວ.
ໄຊພອນ
