 |
ບັນຍາກາດກອງປະຊຸມຄົບຄະນະ ຄັ້ງທີ 8 ຂອງຄະນະບໍລິຫານງານສູນກາງພັກ ສະໄໝທີ X
ກອງຊຸມຄັ້ງນີ້ ໄດ້ຄົ້ນຄວ້າປຶກສາຫາລື ແລະ ໃຫ້ທິດຊີ້ນຳຕໍ່ບັນຫາສຳຄັນ ຄື: ຕີລາຄາຄວາມຄືບໜ້າການຈັດຕັ້ງຜັນຂະຫຍາຍມະຕິກອງປະຊຸມຄົບຄະນະ ຄັ້ງທີ 7 ຂອງຄະນະບໍລິຫານງານສູນກາງພັກ ສະໄໝທີ X ກ່ຽວກັບການແກ້ໄຂຄວາມຫຍຸ້ງຍາກດ້ານເສດຖະກິດມະຫາພາກ ເປັນຕົ້ນ ການຈັດຕັ້ງປະຕິບັດງົບປະມານຂອງລັດ, ການແກ້ໄຂໜີ້ສິນສາທາລະນະ, ການປັບປຸງລັດວິສາຫະກິດ, ການບໍລິການຂອງລັດ ເພື່ອອຳນວຍຄວາມສະດວກໃຫ້ພາກທຸລະກິດ, ການຫຼຸດຜ່ອນຂອດຂັ້ນທີ່ກົດໜ່ວງຖ່ວງດຶງການພັດທະນາ, ການແກ້ໄຂບັນຫາເງິນຕາ ການຈໍລະຈອນສິນຄ້າ, ການຊຸກຍູ້ສົ່ງເສີມວິສາຫະກິດຂະໜາດກາງ - ຂະໜາດນ້ອຍ ແລະ ການສ້າງຖານລາຍຮັບໃໝ່ ເປັນເອກະພາບຮັບຮອງເອົາທິດທາງແຜນວຽກຈຸດສຸມ ແລະ ມາດຕະການໄລຍະສັ້ນ, ໄລຍະຍາວ ເພື່ອແກ້ໄຂບັນຫາດັ່ງກ່າວຕິດພັນກັບການສ້າງເງື່ອນໄຂ ແລະ ປັດໄຈຕົວຈິງ ເພື່ອເສີມຂະຫຍາຍບັນດາທ່າແຮງບົ່ມຊ້ອນຂອງຊາດພັດທະນາໃຫ້ເກີດຂະແໜງເສດຖະກິດປາຍແຫຼມ, ສ້າງຄວາມສາມາດໃໝ່ຂອງພື້ນຖານການຜະລິດ ແລະ ການບໍລິການ ຮັບປະກັນທິດພັດທະນາແບບຍືນຍົງ ແລະ ສີຂຽວ ຮັບຟັງລາຍງານກ່ຽວກັບສະພາບການພັດທະນາຊົນນະບົດໃນໄລຍະຜ່ານມາ ເຊິ່ງພັກເຮົາຍາມໃດກໍຖືເອົາວຽກງານຊົນນະບົດ, ເປັນໜ້າທີ່ຍຸດທະສາດ ທັງເປັນວຽກບຸລິມະສິດສຳຄັນ ແລະ ເປັນແຜນນະໂຍບາຍໃຫຍ່ທີ່ຕ້ອງດຳເນີນໄປຢ່າງຕໍ່ເນື່ອງ ເພື່ອແກ້ໄຂຄວາມທຸກຍາກ ແລະ ສ້າງຄວາມຮັ່ງມີໃຫ້ປະຊາຊົນ ໄລຍະຜ່ານມາຊົນນະບົດຢູ່ປະເທດລາວໂດຍລວມໄດ້ມີໂສມໜ້າຫັນປ່ຽນໃໝ່ຢ່າງຈະແຈ້ງ ນັບທັງພື້ນຖານໂຄງລ່າງ, ລະບົບສາທາລະນຸປະໂພກການຜະລິດບໍລິການລ້ວນແຕ່ໄດ້ມີການພັດທະນາ ຄວາມທຸກຍາກຫຼຸດລົງເປັນກ້າວໆ ລະບົບການເມືອງຢູ່ຮາກຖານໄດ້ຮັບການປັບປຸງມີຄວາມໜັກແໜ້ນ ເຂັ້ມແຂງ.ພ້ອມນີ້ ກໍຍັງມີຂໍ້ຄົງຄ້າງຈຳນວນໜຶ່ງທີ່ຕ້ອງໄດ້ສືບຕໍ່ແກ້ໄຂ ທີ່ພົວພັນເຖິງຄວາມຮັບຜິດຊອບນຳພາ-ຊີ້ນຳຂອງຄະນະພັກ ແລະ ອຳນາດການປົກຄອງແຕ່ລະຂັ້ນ ຄວາມເປັນເຈົ້າຂອງປະຊາຊົນ ບັນຫາການບໍລິການສາທາລະນະສຸກ ຄຸນນະພາບຂອງການສຶກສາຢູ່ຊົນນະບົດ ແລະ ອື່ນໆ.
ກອງປະຊຸມໄດ້ມອບໃຫ້ກົມການເມືອງສູນກາງພັກ ສືບຕໍ່ຊີ້ນຳການຄົ້ນຄວ້າບັນຫາໃຫ້ເລິກເຊິ່ງ ຈະແຈ້ງ ແລະ ອອກເປັນຄຳສັ່ງ ເພື່ອຊີ້ນຳວຽກງານພັດທະນາຊົນນະບົດໃຫ້ມີການຫັນປ່ຽນໃໝ່ໃນຊຸມປີຕໍ່ໜ້າ ແລະ ໄດ້ຕີລາຄາຕໍ່ບັນຫາການແບ່ງຂັ້ນຄຸ້ມຄອງບໍລິຫານລັດ ເຊິ່ງເປັນບັນຫາສຳຄັນໜຶ່ງໃນການສືບຕໍ່ສ້າງ ແລະ ບູລະນະລັດປະຊາທິປະໄຕ ປະຊາຊົນ ຕາມຈຸດໝາຍກ້າວຂຶ້ນສູ່ສັງຄົມນິຍົມ ໃນໄລຍະຜ່ານມາ ພັກ-ລັດ ໄດ້ເອົາໃຈໃສ່ຊີ້ນຳການແບ່ງຂັ້ນຄຸ້ມຄອງຕາມທິດແບ່ງຄວາມຮັບຜິດຊອບ ແບ່ງສິດ ແລະ ຄວາມເປັນເຈົ້າການໃຫ້ທ້ອງຖິ່ນຫຼາຍຂຶ້ນ ສູນກາງເຮັດໜ້າທີ່ຄຸ້ມຄອງມະຫາພາກເປັນຕົ້ນຕໍ ໂດຍສະເພາະ ການສ້າງແຂວງເປັນຫົວໜ່ວຍຍຸດທະສາດ ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ສ້າງບ້ານເປັນຫົວໜ່ວຍພັດທະນາ ເຮັດໃຫ້ໜ້າທີ່ ຂອບເຂດສິດ ແລະ ຄວາມຮັບຜິດຊອບຂອງບັນດາອົງການບໍລິຫານຂັ້ນສູນກາງ ແລະ ທ້ອງຖິ່ນແຕ່ລະຂັ້ນ ຖືກກຳນົດໄວ້ໃນກົດໝາຍຢ່າງຈະແຈ້ງ ໄດ້ຮັບການປັບປຸງໃຫ້ໜັກແໜ້ນ ແລະ ເຂັ້ມແຂງຂຶ້ນຕື່ມ.
（ແຫຼ່ງຂໍ້ມູນ： vientianemai.net）
