| ເພິ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ ລາວ | |
| ອີຕາລີ ປາດຖະໜາຢາກຊຸກຍູ້ການພົວພັນກັບ ຫວຽດນາມ |
 |
| ທ່ານ Kuroiwa Yuji ຜູ້ວ່າການແຂວງ Kanagawa ແນະນຳກ່ຽວກັບພາບພົດການພົວພັນ ລະຫວ່າງສອງປະເທດ ໃຫ້ແກ່ທ່ານເອກອັກຄະລັດຖະທູດ ຫວຽດນາມ ປະຈຳ ຍີ່ປຸ່ນ ຫວູຮົ່ງນາມ (ພາບ: VOV) |
ໃນສະພາບການໂລກລະບາດໂຄວິດ - 19 ກໍ່ຜົນກະທົບບໍ່ແມ່ນໜ້ອຍຕໍ່ບັນດາການເຄື່ອນໄຫວພົບປະແລກປ່ຽນລະຫວ່າງຫວຽດນາມແລະຍີ່ປຸ່ນ, ເຫດການ “ງານວາງສະແດງຍິ່ຫໍ້ຫວຽດນາມ - Kanagawa - ຍີ່ປຸ່ນ” ໄດ້ດຶງດູດຄວາມສົນໃຈເປັນພິເສດຂອງຊາວຍີ່ປຸ່ນ.
ງານວາງສະແດງກັບຍີ່ຫໍ້, ບໍລິສັດນັບສິບແຫ່ງໄດ້ແນະນຳບັນດາຂີດໝາຍກ່ຽວກັບການພົວພັນລະຫວ່າງ Kanagawa ແລະຫວຽດນາມເຊິ່ງແມ່ນການເຄື່ອນໄຫວພົວພັນແລກປ່ຽນວັດທະນະທຳ, ມະນຸດ... ໄດ້ເຮັດໃຫ້ທ່ານຜູ້ຊົມຮູ້ສຶກໄດ້ເຖິງການພົວພັນທີ່ສະໜິດສະໜົມພິເສດລະຫວ່າງຫວຽດນາມແລະບາງແຂວງທີ່ມີຄວາມຂະຫຍັນຂັນເຄື່ອນ, ພັດທະນາທີ່ສຸດຂອງຍີ່ປຸ່ນ, ມີທີ່ຕັ້ງໃກ້ກັບໂຕກຽວ.
ຫຼາຍປີມານີ້, ພາຍລັງງານບຸນຫວຽດນາມຢູ່ຍີ່ປຸ່ນໄດ້ຈັດຕັ້ງປະຈຳປີຢູ່ໂຕກຽວ, ງານບຸນຫວຽດນາມປະຈຳ Kanagawa ໄດ້ກາຍເປັນເຫດການວັດທະນະທຳທີ່ດຶງດູດໃຈ, ສະແດງໃຫ້ເຫັນຄວາມສະໜິດຕິດພັນລະຫວ່າງຫວຽດນາມແລະບັນດາທ້ອງຖິ່ນຂອງຍີ່ປຸ່ນ, ໃນນັ້ນ Kanagawa ແມ່ນ ແບບຢ່າງ.
ເຖິງຢ່າງໃດກໍ່ຕາມ, ຍ້ອນຜົນກະທົບຈາກໂລກລະບາດໂຄວິດ - 19 ດັ່ງນັ້ນປີ 2020 ແລະ 2021 ງານບຸນບໍ່ໄດ້ຈັດຕັ້ງ. ເພາະສະນັ້ນ, “ງານວາງສະແດງຍີ່ຫໍ້ຫວຽດນາມ - Kanagawa - ຍີ່ປຸ່ນ” ເຖິງວ່າມີຂອບຂະໜາດໃຫຍ່, ແຕ່ນັ້ນກໍ່ແມ່ນການສືບຕໍ່ກ່າວແຈ້ງກ່ຽວກັບການພົວພັນພິເສດລະຫວ່າງສອງຝ່າຍແລະງານບຸນຫວຽດນາມແລະຍີ່ປຸ່ນ.
ທ່ານເອກອັກຄະລັດຖະທູດຫວຽດນາມ ປະຈຳ ຍີ່ປຸ່ນຫວູຮົ່ງນາມໃຫ້ຮູ້ວ່າສະພາບການໂລກລະບາດໂຄວິດ - 19 ຢູ່ຍີ່ປຸ່ນແລະຫວຽດນາມເຖິງວ່າຍັງມີການຜັນແປຫຼາຍຢ່າງທີ່ບໍ່ສາມາດຄາດຄະເນລ່ວງໜ້າໄດ້ນັ້ນ, ແຕ່ໄລຍະຈະມາເຖິງການເຄື່ອນໄຫວພົບພົວໃນຫຼາຍຂົງເຂດລະຫວ່າງຫວຽດນາມແລະ Kanagawa ຈະບັນລຸໄດ້ບັນດາໝາກຜົນທີ່ດີກ່ວາອີກ, ປະກອບສ່ວນເຂົ້າໃນການພົວພັນທີ່ສະໜິດຕິດພັນ, ສະໜິດສະໜົມລະຫວ່າງສອງຝ່າຍ.
ບຸນຄົງ
