| ກອງປະຊຸມສະພາປະທານສານ ບັນດາປະເທດ ອາຊຽນ ແມ່ນອົງການດ້ານການເມືອງ ສຳຄັນຂອງ ອາຊຽນ | |
| ຫວຽດນາມ ຮ່ວມມືກັບປະຊາຄົມສາກົນ ພ້ອມກັນຊຸກຍູ້ການຄ້າ ແລະ ການພັດທະນາ |
 |
| ທ່ານເອກອັກຄະລັດຖະທູດ ດັ້ງດິ່ງກຸ່ຍ ຫົວໜ້າຜູ້ຕາງໜ້າຫວຽດນາມ ປະຈຳ ສປຊ (ພາບ: TTXVN) |
ທ່ານເອກອັກຄະລັດຖະທູດ ດັ້ງດິ່ງກຸຍ ຫົວໜ້າຜູ້ຕາງໜ້າຫວຽດນາມ ປະຈຳ ສປຊ ເນັ້ນໜັກວ່າ ກົດໝາຍສາກົນ, ບັນດາຫຼັກການພື້ນຖານຂອງ ກົດບັດ ສປຊ ແມ່ນ ພື້ນຖານຂອງລະບົບສາກົນ, ຮຽກຮ້ອງໃຫ້ບັນດາປະເທດເຄົາລົບຫຼັກການແກ້ໄຂການຂັດແຍ້ງກັນໂດຍສັນຕິວິທີ, ຍົກສູງບົດບາດຂອງສານສາກົນ ແລະ ບັນດາອົງການພິພາກສາສາກົນ ໃນການແກ້ໄຂການຂັດແຍ້ງສາກົນ ໂດຍສັນຕິວິທີ ແລະ ຊຸກຍູ້ການປະຕິບັດອຳນາດນິຕິບັນຍັດ ຢູ່ລະດັບສາກົນ.
ໂດຍກ່ຽວຂ້ອງເຖິງສະພາບການຢູ່ ທະເລຕາເວັນອອກ, ທ່ານເອກອັກຄະລັດຖະທູດ ດັ້ງດິ່ງກຸ້ຍ ໄດ້ຢັ້ງຢືນວ່າ ຫວຽດນາມ ພວມມານະພະຍາຍາມພ້ອມກັບບັນດາປະເທດ ອາຊຽນ ສ້າງເຂດອາຊີຕາເວັນອອກສ່ຽງໃຕ້ແຫ່ງສັນຕິພາບ, ສະຖຽນລະພາບ ແລະ ວັດຖະນາຖາວອນ.
ທ່ານເອກອັກຄະລັດຖະທູດ ດັ້ງດິ່ງກຸ໊ຍ ໄດ້ເນັ້ນໜັກວ່າ ທະເລຕາເວັນອອກ ສວມບົດບາດສຳຄັນ ຕໍ່ພາກພື້ນ ແລະ ໂລກ, ແມ່ນເສັ້ນທາງທະເລ ແລະ ການພົວພັນຄ້າຂາຍທີ່ສຳຄັນ, ເຊື່ອມຕໍ່ປາຊີຟິກ ແລະ ມະຫາສະໝຸດອິນເດຍ.
ທ່ານເອກອັກຄະລັດຖະທູດ ສະແດງຄວາມວິຕົກກັງວົນຢ່າງເລິກເຊິ່ງຕໍ່ບັນດາການຜັນແປທີ່ສັບສົນຫວ່າງມໍ່ໆມານີ້ຢູ່ທະເລຕາເວັນອອກ ແລະ ຖືວ່າ ບັນດາການກະທຳນີ້ ເຮັດໃຫ້ຄວາມໄວ້ເນື້ອເຊື່ອໃຈລະຫວ່າງບັນດາປະເທດຫຼຸດໜ້ອຍຖອຍລົງ, ເພີ່ມຄວາມເຄັ່ງຕຶງຂຶ້ນ ແລະ ກໍ່ຜົນສະທ້ອນຕໍ່ສັນຕິພາບ, ຄວາມໝັ້ນຄົງ ແລະ ສະຖຽນລະພາບຢູ່ພາກພື້ນ.
ຜູ້ຕາງໜ້າ ຫວຽດນາມ ຮຽກຮ້ອງໃຫ້ທຸກຝ່າຍທີ່ກ່ຽວຂ້ອງປະຕິບັດກົດໝາຍສາກົນ, ພິເສດແມ່ນສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (UNCLOS) ປີ 1982, ຊຸກຍູ້ການສ້າງຄວາມໄວ້ເນື້ອເຊື່ອໃຈ, ຈຳກັດບັນດາການກະທຳແບບພຽງລຳພັງຝ່າຍດຽວທີ່ເຮັດໃຫ້ສະພາບການສັບສົນຂຶ້ນຕື່ມ, ເພີ່ມທະວີຄວາມເຄັ່ງຕຶງຢູ່ທະເລ, ແກ້ໄຂການຂັດແຍ້ງກັນໂດຍສັນຕິວິທີ ທີ່ສອດຄ່ອງກັບກົດບັດ ສປຊ, ກົດໝາຍສາກົນ, ໃນນັ້ນມີ UNCLOS ໃນການກຳນົດບັນດາການຮຽກສິດທາງທະເລ.
ທ່ານເອກອັກຄະລັດຖະທູດ ຢັ້ງຢືນວ່າ ອາຊຽນ ມານະພະຍາຍາມປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ ຢ່າງຄົບຖວ້ນ ແລະ ປະຕິບັດສຳເລັດກົດແຫ່ງການປະພຶດຢູ່ທະເລຕາເວັນອອກ ໃຫ້ມີຜົນສັກສິດ ແລະ ມີປະສິດທິຜົນ, ສອດຄ່ອງກັບກົດໝາຍສາກົນ, ໃນນັ້ນມີ UNCLOS.
ບຸນຄົງ
