 |
| ບັນດານ້ອງນ້ອຍເກັບຂີ້ເຫຍື້ອປຼາດສຕິກ ຢູ່ແມ່ນ້ຳເຮືອງ (ພາບ: TTO) |
ຕາມຖານຂໍ້ມູນເອເລັກໂຕນິກ ເທື່ອທຽນເຫວ້, ດ້ວຍເງິນໜູນຊ່ວຍໃຫ້ແກ່ໂຄງການທີ່ມີຈຳນວນ ກ່ວາ 65 ຕື້ດົ່ງ, ໂຄງການຕັ້ງເປົ້າໝາຍຮອດປີ 2024 ນະຄອນເຫ້ວ ຈະມີ 70% ຂີ້ເຫຍື້ອແຂງໄດ້ຄັດແຍກຢູ່ແຫຼ່ງສະໜອງ, ເກັບກູ້ ແລະ ແກ້ໄຂ, ຍູ້ແຮງການປ່ອຍຂີ້ເຫຍື້ອຜະລິດຄືນໃໝ່ຈາກເຂດຝັງຂີ້ເຫຍື້ອ.
ຮອດປີ 2030, ລະບົບບັນດາແມ່ນ້ຳ ແລະ ລະບົບນິເວດພາກພື້ນດິນນ້ຳຖ້ວມໃນບໍລິເວນນະຄອນເຫວ້ ຈະໄດ້ຮັບການປົກປັກຮັກສາຈາກການມົນລະພິດຂີ້ເຫຍື້ອ ຜ່ານການເຂົ້າຮ່ວມໂຄງການຕົວເມືອງຫຼຸດຜ່ອນປຼາດສຕິກ ແລະ ການເຂົ້າຮ່ວມຢ່າງຕັ້ງໜ້າຂອງບັນດາຝ່າຍທີ່ກ່ຽວຂ້ອງຈາກບັນດາອົງການຈັດຕັ້ງພາກລັດ - ເອກະຊົນ, ອົງການຈັດຕັ້ງສັງຄົມ ແລະ ປະຊາຄົມທ້ອງຖິ່ນ.
ເວລາປະຕິບັດໂຄງການແຕ່ປີ 2021 – 2024, ໄດ້ແບ່ງປັນ 2 ໄລຍະ. ໄລຍະທີ 1 - ເລີ່ມຕົ້ນໂຄງການຈະຄົ້ນຄ້ວາສະພາບການຄຸ້ມຄອງຂີ້ເຫຍື້ອແຂງ, ໃນນັ້ນໄດ້ສຸມໃສ່ຂີ້ເຫຍື້ອ ປຼາດສຕິກຢູ່ນະຄອນເຫວ້ເປັນພື້ນຖານສ້າງແຜນການການເຄື່ອນໄຫວໃຫ້ແກ່ໄລຍະ 2, ນະຄອນເຫວ້ໄດ້ລົງນາມຄຳໝັ້ນສັນຍານຳເຫ້ວກາຍເປັນຕົວເມືອງຫຼຸດຜ່ອນປຼາດຕິກ.
ໄລຍະທີ 2 - ຜັນຂະຫຍາຍໂຄງການຈະໜູນຊ່ວຍເຫວ້ຜັນຂະຫຍາຍແຜນການກະທຳນຳເຫວ້ກາຍເປັນຕົວເມືອງຫຼຸດຜ່ອນປຼາດຕິກ, ຄວາມຕ້ອງການໃນການນຳໃຊ້ ແລະ ຈຳນວນຂີ້ເຫຍື້ອ ໄດ້ຫຼຸດຜ່ອນດ້ວຍບັນດາກຸ່ມເປົ້າໝາຍ, ຍົກອັດຕາຄອບຄົວສຳຜັດກັບການບໍລິການເກັບຂີ້ເຫຍື້ອ ຢູ່ບັນດາເຂດເປົ້າໝາຍ, ດັດປັບອັດຕາຂີ້ເຫຍື້ອຜະລິດຄືນໃໝ່ໃນກຸ່ມບັນດາຝ່າຍທີ່ກ່ຽວຂ້ອງ ຢູ່ບໍລິເວນໂຄງການ, ດັດປັບຄຸນນະພາບການຄຸ້ມຄອງໃນບໍລິເວນໂຄງການ.
ໂດຍໄດ້ຮູ້ວ່າ ປີ 2016 ເຫວ້ແມ່ນນະຄອນທຳອິດທີ່ກອງທຶນອະນຸລັກທຳມະຊາດໂລກ (WWF) ໄດ້ຮັບຮອງເອົາ “ນະຄອນຂຽວແຫ່ງຊາດ”. ທີ່ເວທີປາໄສການທ່ອງທ່ຽວ ອາຊຽນ 2018 ແລະ ງານຕະຫຼາດນັດການທ່ອງທ່ຽວສາກົນ Travex (ໄທ) ເຫວ້ ໄດ້ຮັບນາມມະຍົດ ນະຄອນທ່ອງທ່ຽວສະອາດ ອາຊຽນ 2018 – 2020.
ບຸນຄົງ
