 |
ກອງປະຊຸມໃຫຍ່ຄັ້ງທີ 10 ຂອງພັກປະຊາຊົນປະຕິວັດລາວ.
ໃນຊຸມປີຜ່ານມາເຖິງວ່າປະ ເທດເຮົາມີຜົນສຳເລັດທີ່ເປັນພື້ນຖານໃຫຍ່ຫລວງຫລາຍດ້ານ; ພັກ ເຮົາໄດ້ຕັ້ງໜ້າປັບປຸງຕົນເອງຢ່າງບໍ່ຢຸດຢັ້ງ, ແຕ່ພວກເຮົາກໍ່ຍັງມີຂໍ້ຂາດຕົກບົກພ່ອງຈຳນວນບໍ່ໜ້ອຍທີ່ ຕ້ອງແກ້ໄຂໃຫ້ຕົກໄປ. ພາຍໃນພັກ ຂອງພວກເຮົາ ກໍ່ຍັງມີຫລາຍບັນຫາທີ່ຕ້ອງສຸມໃສ່ແກ້ໄຂຢ່າງຮີບດ່ວນ ບັນດາປະກົດການຫຍໍ້ທໍ້ຕ່າງໆ ເຊິ່ງແມ່ນບັນຫາທ້າທາຍຕໍ່ບົດບາດອິດທິພົນຂອງພັກ ແລະ ກະທົບໂດຍກົງ ຕໍ່ຄວາມເຫລື້ອມໃສສັດທາ ແລະ ຄວາມເຊື່ອໝັ້ນຂອງປະຊາຊົນຕໍ່ ພັກເຮົາ. ບັນຫາ ແລະ ສິ່ງທ້າທາຍ ຕໍ່ບົດບາດອິດທິພົນຂອງພັກຄືດັ່ງກ່າວ ຈະຕ້ອງໄດ້ຮັບການແກ້ໄຂຮີບດ່ວນ, ຕ້ອງເພີ່ມທະວີບົດບາດການ ນໍາພາ ແລະ ຄວາມເປັນແບບຢ່າງ ນໍາໜ້າຂອງພັກ, ປັບປຸງ ແລະ ປົວ ແປງພາຍໃນພັກໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນຢູ່ສະ ເໝີ ເພື່ອໃຫ້ທຽບທັນກັບການເລັ່ງ ທວງຂອງການພັດທະນາ, ສົມກັບ ເປັນກອງນໍາໜ້າຂອງຊົນຊັ້ນກຳມະ ກອນ, ເປັນຕົວແທນແຫ່ງສິດຜົນປະໂຫຍດຂອງຊາວຜູ້ອອກແຮງງານ ແລະ ປວງຊົນລາວ ທັງຊາດ.
ພຶດຕິກຳຕົວຈິງ ໄດ້ໃຫ້ພວກເຮົາເຫັນແຈ້ງ, ເພື່ອຍົກສູງຄວາມສາມາດນໍາພາ ແລະ ລັກສະນະນໍາໜ້າ ຂອງພັກ ການຜັນຂະຫຍາຍມະຕິ ກອງປະຊຸມໃຫຍ່ຄັ້ງທີ X ຂອງພັກ ໄດ້ເຂົ້າສູ່ລວງເລິກຂອງທຸກຂົງເຂດ ວຽກງານ, ບັນຫາສຳຄັນທີ່ສ່ອງ ແສງ ໃຫ້ເຫັນແຈ້ງຄວາມເອົາໃຈໃສ່ ໃນການຍົກສູງຄວາມສາມາດນໍາ ພາ ແລະ ລັກສະນະນໍາໜ້າຂອງພັກ ອັນໜຶ່ງແມ່ນການປະຕິບັດ ເປັນ ແບບຢ່າງກ່ຽວກັບການ ປະຢັດ ແລະ ຕ້ານການຟູມເຟືອຍ ໃນລະດັບການ ນໍາຂັ້ນສູງຂອງພັກ-ລັດ. ນອກນັ້ນ ໃນປີຜ່ານມາ ການຈັດຕັ້ງຜັນຂະຫຍາຍຄຳ ສັ່ງເລກທີ 15/ນຍ ວ່າ ດ້ວຍການເພີ່ມທະວີ ຄວາມເຂັ້ມງວດ ໃນການຄຸ້ມຄອງ ແລະ ກວດ ກາການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້ ກໍ່ເຫັນວ່າມີຄວາມ ສັກສິດ, ໄດ້ຮັບຄໍາຍ້ອງຍໍຊົມເຊີຍ ຈາກປະຊາຊົນ ເຖິງຄວາມເດັດຂາດ ກ້າຕັດສິນໃຈແກ້ໄຂບັນຫາທີ່ຜົນ ກະທົບຕໍ່ການພັດທະນາ ກໍ່ຄືກະທົບ ຕໍ່ບົດບາດອິດທິພົນຂອງພັກເຮົາ; ນອກນັ້ນ ໃນປີຜ່ານມາ ໄດ້ມີການ ປັບປຸງບັນດາຂອດວຽກທີ່ຍັງເຫັນ ວ່າກົດໜ່ວງການພັດທະນາ ໃຫ້ມີທ່າກ້າວອັນໃໝ່ ບໍ່ວ່າຢູ່ໃນຂົງເຂດ ປກຊ-ປກສ, ເສດຖະກິດ ກໍ່ຄືວັດທະ ນະທຳສັງຄົມ.
ເວົ້າລວມແລ້ວໃນສະພາບການໃໝ່ ມັນໄດ້ເລັ່ງທວງໃຫ້ພັກເຮົາ ຕ້ອງຍົກສູງຄວາມສາມາດນໍາພາ ແລະ ລັກສະນະ ນໍາໜ້າຂອງພັກ ຢ່າງບໍ່ຢຸດຢັ້ງ; ທັງນີ້ກໍ່ຍ້ອນວ່າມັນແມ່ນ ປັດໄຈຕັດສິນ ການກ້າວຂຶ້ນຂອງ ພາລະກິດປະຕິວັດຢູ່ປະເທດເຮົາ; ແມ່ນບັນຫາຮີບດ່ວນຂອງການກໍ່ສ້າງພັກໃນປັດຈຸບັນ.
（ແຫຼ່ງຂໍ້ມູນ： ຂປລ）
