| ຫວຽດນາມ ປະຕິບັດບົດບາດປະທານ AMEM 38 ໄດ້ເປັນຢ່າງດີ | |
| ສົ່ງເສີມວິສາຫະກິດ ອາຊຽນ ແລະ ຈີນ ມາລົງທຶນຢູ່ ຫວຽດນາມ |
 |
| ທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ດ່າວງອກຢຸງ (ພາບ: tuoitre.vn) |
ນັ້ນແມ່ນສານ ທີ່ທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ດ່າວງອກຢຸງ ໄດ້ເນັ້ນໜັກຢູ່ກອງປະຊຸມສະພາປະຊາຄົມວັດທະນະທຳ ສັງຄົມ ອາຊຽນ ຄັ້ງທີ 26 ທີ່ໄດ້ດຳເນີນຕາມຮູບແບບທາງໄກ ໃນຕອນເຊົ້າວັນທີ 29 ກັນຍາ.
ກອງປະຊຸມແມ່ນເຫດການສຳຄັນທີ່ສຸດຂອງປະຊາຄົມວັດທະນະທຳ - ສັງຄົມ ອາຊຽນ ໃນປີເປັນປະທານອາຊຽນ 2021, ເພື່ອແນໃສ່ພິຈາລະນາ ແລະ ຮັບຮອງເອົາບັນດາເອກະສານ, ຖະແຫຼງການຂອງປະຊາຄົມເພື່ອຍື່ນສະເໜີກອງປະຊຸມຂັ້ນສູງ ອາຊຽນ ຄັ້ງທີ 38 ທີ່ໄດ້ດຳເນີນໃນເດືອນຕຸລາ, ພ້ອມທັງແບ່ງປັນທັດສະນະກ່ຽວກັບບັນດາບັນຫາທີ່ຈຳເປັນຕ້ອງເອົາໃຈໃສ່, ບັນດາຜົນງານຂອງປະຊາຄົມ, ການກຳນົດທິດພັດທະນາຂອງ ອາຊຽນ ໃນໄລຍະຈະມາເຖິງ ເພື່ອແນໃສ່ຫັນວິໄສທັດປະຊາຄົມອາຊຽນ ຮອດປີ 2025 ໃຫ້ປະກົດຜົນເປັນຈິງ. ກ່າວຄຳເຫັນທີ່ກອງປະຊຸມ, ທ່ານລັດຖະມົນຕີກະຊວງການຕ່າງປະເທດ ດ່າວງອກຢຸງ ເຊື່ອໝັ້ນວ່າ: ເຖິງວ່າ, ປັດຈຸບັນ, ແຕ່ລະປະເທດອາຊຽນ ພວມປະເຊີນໜ້າກັບຄວາມຫຍຸ້ງຍາກ ແລະ ສິ່ງທ້າທາຍຫຼາຍຢ່າງ, ແຕ່ພວກຂ້າພະເຈົ້າເຊື່ອໝັ້ນວ່າ ດ້ວຍຈິດໃຈ “ພວກເຮົາມີຄວາມເອົາໃຈໃສ່, ພວກເຮົາກະກຽມ, ພວກເຮົາວັດທະນາຖາວອນ”, ອາຊຽນ ຈະສືບຕໍ່ກ້າວຂຶ້ນຢ່າງໝັ້ນແກ່ນ ເພື່ອຜ່ານຜ່າໂລກລະບາດໂຄວິດ - 19 ໃນອະນາຄົດໄວໆນີ້.
ສິ້ນສຸດກອງປະຊຸມ, ລັດຖະມົນຕີບັນດາທ່ານໄດ້ອອກຖະແຫຼງການຮ່ວມ ແລະ ເຫັນດີຮັບຮອງເອົາຫຼັກການສຳລັບເອກະສານ 27 ສະບັບ, ຖະແຫຼງການເພື່ອຍື່ນສະເໜີຕໍ່ກອງປະຊຸມຂັ້ນສູງ ອາຊຽນ ຄັ້ງທີ 38.
ບຸນຄົງ
