| ໜູນຊ່ວຍຄູສອນຊາວລັດເຊຍ ທີ່ປະສົບກັບຄວາມຫຍຸ້ງຍາກ ຍ້ອນໂລກລະບາດໂຄວິດ - 19 | |
| ນະຄອນໂຮ່ຈີມິນຮັບວັກຊິນກັນໂຄວິດ - 19 AstraZeneca ຕື່ມອີກ 54.700 ໂດສ |
 |
| ສັກວັກຊິນກັນໂຄວິດ - 19 ໃຫ້ແກ່ແມ່ຍິງທີ່ຖືພາ 13 ອາທິດຂຶ້ນໄປ (ພາບ: tuoitre.vn) |
ເມື່ອບໍ່ດົນມານີ້, ກະຊວງສາທາລະນະສຸກ ໄດ້ປະກາດໃຊ້ຂໍ້ຕົກລົງສະບັບເລກທີ 4355/QĐ-BYT ກ່ຽວກັບການແນະນຳຊົ່ວຄາວກ່ຽວກັບການກວດກ່ອນການສັກວັກຊິນໃຫ້ແກ່ແມ່ຍິງຖືພາ.
ກະຊວງສາທາລະນະສຸກໄດ້ສະເໜີໃຫ້ບັນດາໜ່ວຍງານຮີບດ່ວນກວດກາຄືນບັນຊີລາຍຊື່ແມ່ຍິງທີ່ຖືພາແຕ່ 13 ອາທິດຂຶ້ນໄປ ໃນບໍລິເວນ ເພື່ອຄຸ້ມຄອງ, ສ້າງແຜນການ ແລະ ຈັດຕັ້ງການສັກວັກຊິນກັນໂຄວິດ - 19 ຢູ່ບັນດາຮາກຖານທີ່ມີຄວາມອາດສາມາດສຸກເສີນໃຫ້ແກ່ແມ່ຍິງຖືພາ ພາຍຫຼັງອະທິບາຍຄວາມສ່ຽງ/ຜົນປະໂຫຍດ ແລະ ບັນດາຜູ້ຕົກລົງທີ່ຈະສັກວັກຊິນ.
ຕ້ອງບຸລິມະສິດໃຫ້ແກ່ບັນດາບໍລິເວນ, ພາກພື້ນທີ່ພວມມີໂລກລະບາດ ແລະ ກຳລັງສາທາລະນະສຸກແຖວໜ້າ, ບັນດາເປົ້າໝາຍຕ່າງໆທີ່ເໝາະສົມກັບສະພາບການຕົວຈິງ ແລະ ຮຽກຮ້ອງໃຫ້ມີການປ້ອງກັນ, ຕ້ານໂລກລະບາດໃນບໍລິເວນ.
ການຈັດຕັ້ງສັກວັກຊິນກັນໂຄວິດ - 19 ຕ້ອງຮັບປະກັນຄວາມປອດໄພ, ປະສິດທິຜົນ, ປະຕິບັດບັນດາມາດຕະການປ້ອງກັນ, ຕ້ານໂລກລະບາດຢ່າງເຂັ້ມງວດ, ທັງໃນ ແລະ ຫຼັງເວລາສັກວັກຊິນ.
ໃນກໍລະນີຕ້ອງຍ້າຍໄປຍັງຮາກຖານສັກວັກຊິນອື່ນ, ຮາກຖານທີ່ຮັບສັກວັກຊິນໃນເບື້ອງຕົ້ນຕ້ອງໜູນຊ່ວຍແນະນຳໃຫ້ແກ່ຜູ້ສັກວັກຊິນ ໄປຍັງຮາກຖານສັກວັກຊິນຢ່າງສະດວກ, ມີປະສິດທິຜົນ.
ກະຊວງສາທາລະນະສຸກ ໄດ້ສະເໜີໃຫ້ບັນດາໜ່ວຍງານຕ້ອງກວດກ່ອນການສັກວັກຊິນຢ່າງຖືກຕ້ອງຕາມຂໍ້ກຳນົດຂອງກະຊວງສາທາລະນະສຸກ ແລະ ກຳນົດຊະນິດວັກຊິນທີ່ຈະນຳໃຊ້ຕາມການແນະນຳຂອງຜູ້ຜະລິດທີ່ໄດ້ລົງນາມກັບກະຊວງສາທາລະນະສຸກ, ບໍ່ລໍຖ້າ ຫຼື ເລືອກວັກຊິນ.
ປະຕິບັດການຕິດຕາມ, ແນະນຳພາຍຫຼັງການສັກວັກຊິນຖືກຕາມບັນດາການແນະນຳຂອງກະຊວງສາທາລະນະສຸກ.
ສືບຕໍ່ໂຄສະນາ, ຂົນຂວາຍເພື່ອແມ່ຍິງຖືພາທີ່ມີເງື່ອນໄຂມາສັກວັກຊິນຢ່າງຕັ້ງໜ້າ ເຂົ້າຮ່ວມການສັກວັກຊິນຢ່າງທັນການ ແລະ ຄົບຖ້ວນ.
ຕາມ “ການແນະນຳຊົ່ວຄາວກ່ຽວກັບການກວດກ່ອນເວລາສັກວັກຊິນກັນໂຄວິດ - 19” ຂອງກະຊວງສາທາລະນະສຸກ ແລ້ວ, ແມ່ຍິງຖືພາ, ພວມໃຫ້ລູກກິນນົມ ແມ່ນກຳນົດສັກວັກຊິນກັນໂຄວິດ - 19 Sputnik V.
ບຸນຄົງ
