| ເກາະເຈື່ອງຊາ ຮ່ວມແຮງຮ່ວມໃຈກັບທົ່ວປະເທດ ໃນການຕ້ານໂລກລະບາດໂຄວິດ - 19 | |
| ການບໍລິການພະລາທິການໃຫ້ແກ່ອາຊີບຫາປາຢູ່ໝຸ່ເກາະເຈື່ອງຊາ |
 |
| ພາບປະກອບ: baoquocte.vn |
ໂດຍແມ່ນສະມາຊິກຂອງ ຄະນະຊາວຫວຽດນາມ ອາໄສຢູ່ຕ່າງປະເທດ ທີ່ໄດ້ໄປຢ້ຽມຢາມເໝາະເກາະເຈື່ອງຊາ ໃນປີ 2018, ນາງ ຫ້ຽວ Constant, ແມ່ນນັກປະພັນຊາວຫວຽດນາມ ທີ່ພວມດຳລົງຊີວິດ ແລະ ເຮັດວຽກຢູ່ ຝລັ່ງ ໄດ້ຂຽນໃນເລື່ອງລາວທີ່ມີຊື່ວ່າ “ຊາວຫວຽດນາມ ອາໄສຢູ່ຕ່າງປະເທດ ກັບຮ່ວາງຊາ” ໂດຍສຳນັກພິມຈຳຍໜ່າຍ ເຢິນຈີ ຫາກໍ່ໄດ້ພິມອອກໃນເດືອນພຶດສະພາ ປີ 2021: ເຈື່ອງຊາ, ສອງຄຳທີ່ຮັກແພງ, ຍາມໃດກໍ່ດັງກ້ອງຢູ່ໃນໃຈຂອງປະຊາຊົນຊາວຫວຽດນາມ ແຕ່ລະຄົນ, ເປັນຕົ້ນແມ່ນຜູ້ຢູ່ໄກກັບບ້ານເກີດເມືອງນອນ. ຊາວຫວຽດນາມ ອາໄສຢູ່ຕ່າງປະເທດ ທຸກຄົນທີ່ ພວກຂ້າພະເຈົ້າມີຄວາມໂຊກດີເມື່ອໄດ້ສຳພາດ, ຜູ້ໃດກໍ່ອາສາສະໝັກຜັນຕົນເອງເປັນຜູ້ໂຄສະນາເຜີຍແຜ່ຂ່າວ, ເພື່ອແຜ່ກະຈາຍບັນດາສິ່ງທີ່ຕົນເອງໄດ້ເຫັນໄດ້ຟັງກ່ຽວກັບອະທິປະໄຕອັນສັກກະລະບູຊາຂອງເຂດທະເລໝູ່ະເກາະ... ພ້ອມກັບພໍ່ແມ່ປະຊາຊົນ ແລະ ນັກຮົບພາຍໃນປະເທດ, ຊາວຫວຽດນາມ ອາໄສຢູ່ຕ່າງປະເທດໄດ້ຕັດສິນໃຈຮ່ວມແຮງຮ່ວມໃຈກັນປະກອບສ່ວນເພື່ອປົກປ້ອງອະທິປະໄຕເຂດທະເລໝູ່ເກາະ ແລະ ຜືນແຜ່ນດິນຂອງປະເທດຊາດຢ່າງໝັ້ນແກ່ນ.
ເດືອນພຶດສະພາ 2014, ເມື່ອຈີນ ສ້າງຮ້ານເຈາະນ້ຳມັນ ໄຮຢາງ 981 ແບບຜິດກົດໝາຍຢູ່ເຂດເສດຖະກິດພິເສດ, ຜືນແຜ່ນດິນຂອງ ຫວຽດນາມ, ມີຊາວຫວຽດນາມ ນັບພັນຄົນ ໄດ້ພ້ອມກັນລົງຖະໜົນເດີນຂະບວນປະທ້ວງ ຜ່ານບັນດາເສັ້ນທາງຢູ່ ໂຕກຽວ (ຍີ່ປຸ່ນ), ແບກລິນ (ເຢຍລະມັນ), ປຣາຮາ (ສ.ເຊັກໂກ) ແລະ ຫຼາຍແຫ່ງໃນໂລກ ເພື່ອຄັດຄ້ານການກະທຳຂອງ ຈີນ, ຮ້ອງໂຮຄຳຂວັນ “ເຈື່ອງຊາ, ຮ່ວາງຊາ ແມ່ນຂອງ ຫວຽດນາມ” ດັງກ້ອງໄປທົ່ວ.
ນັບແຕ່ເມື່ອກ່ອນ, ປະຊາຄົມຊາວຫວຽດນາມ ຢູ່ຕ່າງປະເທດ ຍາມໃດກໍ່ຮ່ວມເດີນທາງກັບປະຊາຊົນທົ່ວປະເທດ, ປະກອບສ່ວນບໍ່ແມ່ນໜ້ອຍໃຫ້ແກ່ພາລະກິດແຫ່ງການຕໍ່ສູ້ປົກປ້ອງອະທິປະໄຕທະເລໝູ່ເກາະຂອງປະເທດຊາດ, ພິເສດແມ່ນເມື່ອບັນດາການຂັດແຍ້ງກັນກ່ຽວກັບເຂດທະເລຕາເວັນອອກນັບມື້ນັບເພີ່ມຂຶ້ນ. ນັບມື້ນັບມີຫຼາຍງານວາງສະແດງ, ກອງປະຊຸມສຳມະນາກ່ຽວກັບທະເລຕາເວັນອອກ ເຊິ່ງຊາວຫວຽດນາມ ອາໄສຢູ່ຕ່າງປະເທດ ໄດ້ຈັດຕັ້ງຢູ່ ຝລັ່ງ, ສ.ເກົາຫຼີ, ໂປໂລຍ ແລະ ຫຼາຍປະເທດອື່ນໆອີກ. ໄປຄຽງຄູ່ກັນນັ້ນ, ມີສ່ວນບຸກຄົນ, ສະມາຄົມຊາວຫວຽດນາມ ອາໄສຢູ່ຕ່າງປະເທດ ໄດ້ປະຕິບັດການປະກອບສ່ວນເງິນຄຳ ແລະ ສິນຄ້າທີ່ມີຄ່າ ນັບຕື້ດົ່ງ ເພື່ອສະໜັບສະໜູນໃຫ້ແກ່ກຳລັງທະຫານເຮືອທີ່ປະຕິບັດວຽກງານຢູ່ໝູ່ເກາະເຈື່ອງຊາ ແລະ ເຮືອນຮ້ານຂຸດເຈາະຢູ່ທະເລ.
ໃນຈຳນວນບັນດາສ່ວນບຸກຄົນ ແລະ ໝູ່ຄະນະທີ່ພວມມານະພະຍາຍາມຕໍ່ສູ້ເພື່ອອະທິປະໄຕທະເລໝູ່ເກາະນັ້ນ, ມີຫຼາຍຄົນໄດ້ໄປເຖິງເຈື່ອງຊາ, ເຂົ້າຮ່ວມຂະບວນການ ເຊິ່ງພວກຂ້າພະເຈົ້າຍັງໄດ້ເອີ້ນວ່າ “ຂະບວນການຂອງຫົວໃຈ”. ເປັນຕົ້ນແມ່ນບັນດາການລົງພຶດຕິກຳຕົວຈິງຢູ່ເຂດໝູ່ເກາະ ທີ່ເຕັມໄປດ້ວຍກະແສຟອງໃຫຍ່ລົມແຮງ ໄດ້ກາຍເປັນແຫຼ່ງບັນດານໃຈ, ແມ່ນກຳລັງໜູນເພື່ອໃຫ້ປະຊາຄົມຊາວຫວຽດນາມທີ່ຢູ່ໄກກັບປະເທດຊາດ ພ້ອມແລ້ວທີ່ຈະອອກສຽງ ແລະ ມີບັນດາການກະທຳລະອຽດເພື່ອປະກອບສ່ວນເຂົ້າໃນການປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຊາດ.
ຄະນະຊາວຫວຽດນາມ ອາໄສຢູ່ຕ່າງປະເທດມາຢາມ ເຈື່ອງຊາ ແລະ ເຮືອນຮ້ານຂຸດເຈາະ DK1 ແມ່ນການເຄື່ອນໄຫວປະຈຳປີໂດຍຄະນະກຳມະການແຫ່ງລັດ ກ່ຽວກັບຊາວຫວຽດນາມ ອາໄສຢູ່ຕ່າງປະເທດ ແລະ ກອງບັນຊາການທະຫານເຮືອສົມທົບກັນຈັດຕັ້ງ ເພື່ອແນໃສ່ສ້າງເງື່ອນໄຂໃຫ້ພໍ່ແມ່ປະຊາຊົນໄດ້ເຫັນປະຈັກຕາຊີວິດການເປັນຢູ່ ຂອງ ທະຫານ ແລະ ປະຊາຊົນບົນໝູ່ເກາະ ເຈື່ອງຊາ. ການເດີນທາງໄປຄັ້ງທຳອິດ ໄດ້ປະຕິບັດໃນປີ 2012, ມາຮອດປັດຈຸບັນ ໄດ້ມີ 8 ຄະນະປະຕິບັດງານໄດ້ຈັດຕັ້ງ ໂດຍມີການເຂົ້າຮ່ວມຂອງຊາວຫວຽດນາມ ອາໄສຢູ່ຕ່າງປະເທດ ກ່ວາ 500 ຄົນ ຈາກຫຼາຍປະເທດ ແລະ ເຂດແຄ້ວນໃນໂລກ. ບັນດາການຢ້ຽມຢາມເຈື່ອງຊາ ແລະ ເຮືອນຮ້ານຂຸດເຈາະ DK1 ໄດ້ສ້າງເປັນເສັ້ນທາງເຊື່ອມຕໍ່ຢ່າງໝັ້ນແກ່ນກັບປະຊາຄົມຊາວຫວຽດນາມດ້ວຍກັນ ແລະ ກັບປະເທດຊາດ, ກາຍເປັນເຫດການປະຈຳປີ ທີ່ໄດ້ຮັບຄວາມລໍຄອຍສຳລັບຊາວຫວຽດນາມ ທີ່ຢູ່ໄກບ້ານເກີດເມືອງນອນ.
ບຸນຄົງ
