ສະຖານທູດຫວຽດນາມ ປະຈຳລັດເຊຍ ຊຸກຍູ້ການຕ່າງປະເທດປະຊາຊົນໃນສະພາບການໃໝ່
	ເຊີນລາ ສົ່ງອອກໝາກມັງກອນແດງ ຈຳນວນ 10 ໂຕນໄປຍັງລັດເຊຍ

ຕອນບ່າຍວັນທີ 16 ກັນຍາ, ຢູ່ທຳນຽບປະທານປະເທດ, ທ່ານປະທານປະເທດຫວຽດນາມ ຫງວຽນຊວັນຟຸກ ໄດ້ໂອ້ລົມທາງໂທລະສັບກັບທ່ານປະທານາທິບໍດີລັດເຊຍ Valdimir Putin. ທີ່ການໂອ້ລົມ, ທ່ານປະທານປະເທດ ຫງວຽນຊວັນຟຸກ ຢືນຢັນວ່າ, ຍາມໃດຫວຽດນາມ ກໍ່ຖືການພົວພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດຮອບດ້ານກັບສະຫະພັນລັດເຊຍ ເປັນສຳຄັນ; ທ່ານປາດຖະໜາຢາກເພີ່ມທະວີການຮ່ວມມືໃນການປ້ອງກັນ ຕ້ານໂລກລະບາດໂຄວິດ-19 ແລະ ໃນທຸກຂົງເຂດ.

ທ່ານປະທານປະເທດຫວຽດນາມ ຫງວຽນຊວັນຟຸກ ໄດ້ໂອ້ລົມທາງໂທລະສັບກັບທ່ານປະທານາທິບໍດີລັດເຊຍ Valdimir Putin. (ພາບ: TTXVN)

ເມື່ອແລກປ່ຽນກ່ຽວກັບບັນດາບັນຫາສາກົນ ແລະ ພາກພື້ນ, ການນຳ 2 ທ່ານຢືນຢັນສືບຕໍ່ສົມທົບກັນຢ່າງແໜ້ນແຟ້ນ ແລະ ມີປະສິດທິຜົນຢູ່ບັນດາເວທີປາໄສພາກພື້ນ, ໃນນັ້ນເຫັນດີແກ້ໄຂບັນດາການຂັດແຍ້ງກັນຢູ່ທະເລຕາເວັນອອກ ໂດຍສັນຕິວິທີ, ບົນພື້ນຖານເຄົາລົບກົດໝາຍສາກົນ. ທ່ານປະທານປະເທດ ຫງວຽນຊວັນຟຸກ ຢືນຢັນວ່າ, ຍາມໃດ ຫວຽດນາມ ກໍ່ຊົມເຊີຍ ແລະ ພ້ອມແລ້ວທີ່ຈະເປັນຂົວເຊື່ອມຕໍ່ເພື່ອໃຫ້ລັດເຊຍ ເປີດກວ້າງການຮ່ວມມືກັບ ອາຊຽນ ແລະ ພາກພື້ນອາຊີ - ປາຊີຟິກ.

ເນື່ອງໃນໂອກາດນີ້, ທ່ານປະທານາທິບໍດີລັດເຊຍ ໄດ້ເຊື້ອເຊີນທ່ານປະທານປະເທດ ຫງວຽນຊວັນຟຸກ ມາຢ້ຽມຢາມສະຫະພັນລັດເຊຍ ຢ່າງເປັນທາງການ. ທ່ານປະທານປະເທດ ຫງວຽນຊວັນຟຸກ ໄດ້ຮັບຄຳເຊື້ອເຊີນ ແລະ ປາດຖະໜາວ່າຈະໄດ້ຮັບທ່ານປະທານາທິບໍດີ Putin ມາຢ້ຽມຢາມ ຫວຽດນາມ ຢ່າງເປັນທາງການ.