ກອງປະຊຸມປຶກສາຫາລືຂັ້ນລັດຖະມົນຕີເສດຖະກິດ ລະຫວ່າງອາຊຽນ ແລະ ບັນດາຄູ່ຮ່ວມມື

	ນາຍົກລັດຖະມົນຕີ ຫວຽດນາມ ປາດຖະໜາວ່າ ບັນດາຄູ່ຮ່ວມມື, ອົງການຈັດຕັ້ງ, ນັກອຸປະຖຳສາກົນຈະເອົາໃຈໃສ່ພ້ອມກັບຫວຽດນາມ ສ້າງແຫຼ່ງກໍາລັງໃໝ່ຈາກການຮ່ວມມື
	ສປປ ລາວ ເປັນປະທານຮ່ວມເປີດ ປີສົ່ງເສີມເສດຖະກິດດິຈິຕອນ ລະຫວ່າງອາຊຽນ ແລະ ສປ ຈີນ ໂດຍຜ່ານກອງປະຊຸມທາງໄກ

ຄະນະຜູ້ແທນ ຫວຽດນາມເຂົ້າຮ່ວມກອງປະຊຸມທາງໄກ (ພາບ:TTXVN)

ກ່ຽວກັບການຮ່ວມມືເສດຖະກິດ ອາຊຽນ-ອາເມລິກາ, ບັນດາລັດຖະມົນຕີ ໄດ້ຮັບຮູ້ຄວາມຄຶບຫນ້າສຳຄັນໃນວິວັດການຜັນຂະຫຍາຍຂໍ້ຕົກລົງແມ່ກ່ຽວກັບດ້ານການຄ້າ ແລະການລົງທຶນ ໄລຍະ 2019 – 2020 ລະຫວ່າງ ອາຊຽນ ແລະ ອາເມລິກາ (TIFA) ແລະແຜນການດຳເນີນງານປະຕິບັດ “ຂໍ້ລິເລີ່ມການຮ່ວມມືດ້ານການຄ້າເປີດກວ້າງ” (E3) ໄລຍະ 2020- 2021 ພ້ອມທັງຮັບຮອງເອົາແຜນການຜັນຂະຫຍາຍຂໍ້ຕົກລົງ (TIFA) ແລະ ຂໍ້ລິເລີ່ມ(E3) ໃນໄລຍະ 2021- 2022, ສຸມໃສ່ເຂົ້າໃນບາງຂົງເຂດ.

ກ່ຽວກັບການຮ່ວມມືເສດຖະກິດ ອາຊຽນ - ອິນເດຍ, ບັນດາທ່ານລັດຖະມົນຕີ ຊົມເຊີຍເລື່ອງ ທຸກປະເທດໄດ້ສຳເລັດການໃຫ້ສັດຕະຍາບັນສັນຍາການລົງທຶນ ອາຊຽນ - ອິນເດຍ ແລະ ຮັບຮູ້ຄວາມຄຶບຫນ້າການປຶກສາຫາລືກ່ຽວກັບຂອບເຂດກວດກາຄືນເພື່ອແນໃສ່ຍົກລະດັບສັນຍາການຄ້າສິນຄ້າ ອາຊຽນ - ອິນເດຍ, ມຸ່ງໄປເຖິງເປົ້າໝາຍສ້າງຄວາມສະດວກດ້ານການຄ້າໃຫຍ່ກວ່າໃຫ້ແກ່ບັນດາວິສາຫະກິດ.

ກ່ຽວກັບການຮ່ວມມືດ້ານເສດຖະກິດ ອາຊຽນ - ສະຫະພາບເອີລົບ, ບັນດາທ່ານລັດຖະມົນຕີ ຢືນຢັນຄວາມສຳຄັນຂອງການເພີ່ມທະວີການຮ່ວມມືດ້ານການຄ້າ ແລະການລົງທຶນ ລະຫວ່າງສອງພາກພື້ນ, ແບ່ງປັນຜົນປະໂຫຍດ, ຄວາມສາມາດບົ່ມຊ້ອນ ແລະທ່າແຮງການຮ່ວມມື. ກອງປະຊຸມກໍ່ຮັບຮອງເອົາໂຄງການການລົງທຶນ ແລະການຄ້າ ອາຊຽນ - ອີຢູ ໄລຍະ 2020 – 2021 ແລະ ຮັບຮູ້ວິວັດການສ້າງຮ່າງສັນຍາແມ່ດ້ານການຄ້າ ແລະການລົງທຶນ ລະຫວ່າງ ອາຊຽນ ແລະອີຢູ.

ກ່ຽວກັບການຮ່ວມມືເສດຖະກິດ ລະຫວ່າງອາຊຽນ ແລະ ລັດເຊຍ, ສອງຝ່າຍເຫັນດີຮັບຮອງເອົາວິວັດການຮ່ວມມືດ້ານການຄ້າ ແລະການລົງທຶນ ອາຊຽນ - ລັດເຊຍ ສະບັບປັບປຸງ ແລະ ໂຄງການເຮັດວຽກການຮ່ວມມືດ້ານການຄ້າ ການລົງທຶນ ລະຫວ່າງອາຊຽນແລະລັດເຊຍໄລຍະ2021- 2025.