ທ່ານ Pedr Finn (ພົນລະເມືອງອົດສະຕາລີ) ອາໄສຢູ່ນະຄອນດ່ານັງ ໄດ້ສົ່ງຈົດໝາຍຂອບໃຈເຖິງລັດຖະບານ ແລະ ປະຊາຊົນຫວຽດນາມ. ລາວຂຽນວ່າ: “ຂ້າພະເຈົ້າໄດ້ ແລະ ກໍາລັງດໍາລົງຊີວິດ ຄືແຂກທີ່ພິເສດຢູ່ໃນປະເທດທີ່ສຸດຍອດນີ້. ໄດ້ເປັນເວລາຫຼາຍປີແລ້ວ ແຕ່ຂ້າພະເຈົ້າຍັງມີຄວາມຕະລຶງ ກັບຄວາມມ່ວນຊື່ນ, ພູມໃຈ, ຄວາມຮອບຄອບຖີ່ຖ້ວນຂອງປະຊາຊົນຢູ່ທີ່ນີ້.”
ທ້າວ Pedr Finn ກ່າວວ່າ ລາວໄດ້ຮັບໂທລະສັບໂດຍບັງເອີນ ເພື່ອຢື້ຢາມຖາມຂ່າວກ່ຽວກັບຊີວິດປະຈຸບັນຂອງລາວ ຢູ່ໃນເຂດທີ່ຢູ່ອາໄສທີ່ພວມປະຕິບັດການແຍກປ່ຽວທາງການແພດ ເພື່ອປ້ອງກັນ COVID-19 ຈາກຄະນະນໍາຕາແສງ Nai Hien Dong, ຕໍາຫຼວດຕາແສງ, ຫົວໜ້າໜ່ວຍ ແລະ ໄດ້ຮັບຫຼາຍຂອງຂວັນສະໜັບສະໜູນທີ່ແທດຈິງ.
 |
| ທ່ານ Matthew Keenan ໄດ້ຮັບການໜູນຊ່ວຍ. |
“ຫວຽດນາມແມ່ນປະເທດທີ່ມີຄວາມຮອບຄອບຖີ່ຖ້ວນ ແລະ ມີຄວາມຮັກແພງຊ່ວຍເຫຼືອກັນຢ່າງແທ້ຈິງ. ມີຄວາມເອົາໃຈໃສ່ພວກເຮົາເຖິງແມ່ນວ່າໃນເວລາທີ່ທົ່ວປະເທດ ກຳລັງຕໍ່ສູ້ຕ້ານກັບການລະບາດຂອງພະຍາດ ດ້ວຍຊັບພະຍາກອນທັງໝົດກໍ່ຕາມ. ອີກເທື່ອໜຶ່ງ, ຂ້າພະເຈົ້າຂໍຂອບໃຈຢ່າງເລິກເຊິ່ງຕໍ່ກັບປະເທດນີ້ - ແຫ່ງທີ່ຂ້າພະເຈົ້າເອກອ້າງທະນົງໃຈເອີ້ນວ່າເປັນເຮືອນຫຼັງທີສອງຂອງຂ້າພະເຈົ້າ. ນັ້ນແມ່ນຄວາມໂຊກດີຂອງຂ້າພະເຈົ້າ. ຂອບໃຈຫວຽດນາມ!” ທ່ານ Pedr ຂຽນ.
ກໍ່ຢູ່ທີ່ນະຄອນດານັງ, ທ່ານ Matthew Keenan (ສັນຊາດອາເມລິກາ) ແບ່ງປັນວ່າ: “ຮ້ານຄ້າ ແລະ ຮ້ານອາຫານປິດຫຼາຍມື້. ກຳລັງຕຳຫຼວດໄປສົ່ງເຂົ້າ, ອາຫານ ແລະ ໝາກໄມ້ໃຫ້ຄົນຕ່າງປະເທດທີ່ຢູ່ເຮືອນໃນໄລຍະເວລາແຍກຫ່າງສັງຄົມ. ຂອບໃຈກຳລັງຕຳຫຼວດນະຄອນດານັງ ສຳລັບຈິດໃຈເຈດຕະນາດີ. ທຸກຢ່າງລ້ວນແຕ່ປົກກະຕິ".
ປະຈຸບັນນະຄອນດານັງ ມີຄົນຕ່າງປະເທດດໍາລົງຊີວິດ ແລະ ເຮັດວຽກທັງໝົດ 4.851 ຄົນ. ວັນທີ 2 ກັນຍາ, ທ່ານ ຮວິ່ງດຶກເຈື່ອງ - ຫົວໜ້າພະແນກການຕ່າງປະເທດນະຄອນດານັງ ໃຫ້ຮູ້ວ່າ ໃນໄລຍະປະຕິບັດການແຍກຫ່າງກັນທີ່ເຄັ່ງຄັດ, ສາຍດ່ວນຂອງພະແນກ ໄດ້ຮັບປະມານ 180 ສາຍໂທລະສັບ, ອີເມວ ແລະ ຂໍ້ຄວາມສະເໜີຂໍຄວາມຊ່ວຍເຫຼືອຈາກຄົນຕ່າງປະເທດ ທີ່ອາໄສຢູ່ໃນບໍລິເວນ, ສ່ວນໃຫຍ່ແມ່ນສະເໜີຂໍໃຫ້ຊື້ອາຫານ ແລະ ຢຸກຢາ; ຄໍາແນະນໍາກ່ຽວກັບວິທີການກວດວິເຄາະ, ສັກຢາວັກຊີນຕ້ານ COVID-19, ຂັ້ນຕອນການຕໍ່ກຳນົດວີຊາ, ຂັ້ນຕອນເພື່ອກັບຄືນປະເທດ; ລົງທະບຽນສັກຢາປ້ອງກັນພະຍາດລະບາດໃຫ້ທັນເວລາ.
 |
| ທ່ານນາງ ເຈິນຖິເຝື່ອງ, ຮອງປະທານສະຫະພັນບັນດາອົງການຈັດຕັ້ງມິດຕະພາບຮ່າໂນ້ຍ ໃຫ້ຂອງຂວັນແກ່ຄົນຕ່າງປະເທດ. |
ວັນທີ 3 ກັນຍາ, ຢູ່ຮ່າໂນ້ຍ, ຄະນະກໍາມະການແນວໂຮມແຫ່ງຊາດຫວຽດນາມ ແລະ ສະຫະພັນບັນດາອົງການຈັດຕັ້ງມິດຕະພາບນະຄອນ ໄດ້ ມອບເຄື່ອງໃຊ້ຈໍາເປັນ ແລະ ອຸປະກອນການແພດໃຫ້ຄົນຕ່າງປະເທດ 72 ຄົນຢູ່ສອງເມືອງທີ່ປະສົບກັບຫຍຸ້ງຍາກ ໄຕໂຮ່ ແລະ ຮ່ວານກ໋ຽມ ຍ້ອນການລະບາດຂອງພະຍາດໂຄວິດ -19.
ຄົນອັງກິດຄົນໜຶ່ງຕື້ນຕັນໃຈເວົ້າວ່າ: “ຂ້າພະເຈົ້າຮູ້ສຶກຕະລຶງ ແລະ ຕື້ນຕັນໃຈຫຼາຍ. ຂ້າພະເຈົ້າໄດ້ຮັບຂອງຂວັນອັນອົບອຸ່ນ ແລະ ຈາກໃຈຂອງລັດຖະບານຫວຽດນາມ. ຂ້າພະເຈົ້າໄດ້ອາໄສຢູ່ຫວຽດນາມເປັນເວລາສອງປີແລ້ວ. ຂ້າພະເຈົ້າບໍ່ສາມາດກັບບ້ານ ແລະ ໄປຢາມຄອບຄົວຂອງຕົນໄດ້, ແຕ່ຂ້າພະເຈົ້າມີຄວາມໂຊກດີທີ່ໄດ້ເອີ້ນຫວຽດນາມວ່າເປັນບ້ານເກີດແຫ່ງທີສອງຂອງຕົນ ແລະ ທຸກຄົນເປັນຄອບຄົວທີສອງຂອງຂ້າພະເຈົ້າ.”
ທ່ານນາງ ເຈິນຖິເຝື່ອງ, ຮອງປະທານສະຫະພັນບັນດາອົງການຈັດຕັ້ງມິດຕະພາບຮ່າໂນ້ຍ ໃຫ້ຮູ້ວ່າ: “ສະຫະພັນບັນດາອົງການຈັດຕັ້ງມິດຕະພາບນະຄອນ ໄດ້ລະດົມການໜູນຊ່ວຍ; ໃນເວລາດຽວກັນ, ກໍ່ປະສານສົມທົບກັບເມືອງ ແລະ ສະມາຄົມມິດຕະພາບຂັ້ນຮາກຖານ ເພື່ອກວດຄືນ ແລະ ເກັບກຳສະພາບການຂອງຄົນຕ່າງປະເທດທີ່ອາໄສ, ສຶກສາ ແລະ ເຮັດວຽກຢູ່ໃນບໍລິເວນ, ເພື່ອໜູນຊ່ວຍກໍລະນີທີ່ຫຍຸ້ງຍາກ ເນື່ອງຈາກການລະບາດຂອງພະຍາດໂຄວິດ -19.
ຄຳຮຸ່ງ
