| ໂລກລະບາດໂຄວິດ - 19 ຍັງສືບຕໍ່ມີການຜັນແປຢ່າງສົບສົນໃນທົ່ວໂລກ | |
| ເກາະເຈື່ອງຊາ ຮ່ວມແຮງຮ່ວມໃຈກັບທົ່ວປະເທດ ໃນການຕ້ານໂລກລະບາດໂຄວິດ - 19 |
 |
| ທ່ານ ຟ້າມບິ່ງດ່າມ ຫົວໜ້າສະຖານກົງສູນໃຫຍ່ ຫວຽດນາມ ປະຈຳ ຮົ່ງກົງ (ຈີນ) (ພາບ: TTXVN) |
ຮົ່ງກົງແມ່ນສູນການຄ້າສາກົນແຖວໜ້າ, ແມ່ນຊ່ອງທາງນຳແຫຼ່ງທຶນຕົ້ນຕໍໄປຍັງຈີນ ໃນຊຸມທົດສະວັດທີ່ຜ່ານມາ.
ປັດຈຸບັນ, ຮົ່ງກົງແມ່ນນັກລົງທຶນຕ່າງປະເທດໃຫຍ່ອັນດັບທີ 5 ຂອງ ຫວຽດນາມ, ຖັດຈາກ ສ.ເກົາຫຼີ, ຍີ່ປຸ່ນ, ສິງກະໂປ ແລະ ໄຕຫວັນ (ຈີນ) ດ້ວຍ 2.001 ໂຄງການ, ທີ່ມີຍອດເງິນລົງທຶນຈົດທະບຽບເກືອບ 26,9 ຕື້ USD ແຕ່ວ່າ ເມື່ອທຽບໃສ່ກັບກຳລັງ, ຄວາມສາມາດບົ່ມຊ້ອນຂອງ ຮົ່ງກົງ ແລ້ວ ທີ່ຕັ້ງຂອງອັນດັບນີ້ແມ່ນບໍ່ເໝາະສົມເທົ່າທີ່ຄວນ.
ບາງວິສາຫະກິດຮົ່ງກົງໃຫ້ຮູ້ວ່າ ພວມມີໂຮງງານຜະລິດຢູ່ ຈີນ, ປັດຈຸບັນກໍ່ມີແຜນການຍ້າຍມາຍັງ ຫວຽດນາມ ແລ້ວ. ເພາະສະນັ້ນ, ການສົ່ງເສີມການລົງທຶນຈະແມ່ນບຸລິມະສິດແຖວໜ້າໃນການຜັນຂະຫຍາຍການທູດເສດຖະກິດ ເພື່ອຮັບໃຊ້ການພັດທະນາ.
ບຸລິມະສິດທີ 2 ແມ່ນການສົ່ງເສີມການທ່ອງທ່ຽວ. ຮົ່ງກົງ ມີກ່ວາ 60.000 ຄົນທີ່ມີຊັບສິນຫຼາຍກ່ວາ 5 ລ້ານ USD. ນອກຈາກນັ້ນ, ຊາວຕ່າງປະເທດທີ່ເຮັດວຽກຢູ່ ຮົ່ງກົງ ກໍ່ມີລາຍຮັບສູງພໍສົມຄວນ.
ນີ້ແມ່ນຕະຫຼາດທ່ອງທ່ຽວສຳຄັນ, ມີລະດັບການໃຊ້ຈ່າຍສູງ, ໃນຂະນະນັ້ນ ຫວຽດນາມ ທີ່ທ່າໄດ້ປຽບກ່ຽວກັບໄລຍະພູມີສາດ, ມີຈຳນວນຖ້ຽວເຮືອບິນໄປຍັງທັງ 3 ພາກ ແລະ ກໍ່ພວມແມ່ນປາຍທາງທີ່ໄດ້ຮັບຄວາມນິຍົມຊົມຊອບຈາກຊາວຮົ່ງກົງ.
ເຖິງຢ່າງໃດກໍ່ຕາມ, ພາຍຫຼັງໂລກລະບາດໂຄວິດ - 19, ທຸກປະເທດລ້ວນແຕ່ວາງອອກບັນດາບ້ວງກະຕຸ້ນການທ່ອງທ່ຽວ, ລ້ວນແຕ່ມີຄວາມວ່ອງໄວໃນການຍົກອອກບັນດາຜະລິດຕະພັນໃໝ່ ເພື່ອຕອບສະໜອງການປ່ຽນແປງຂອງຕະຫຼາດຍ້ອນຜົນກະທົບຈາກໂລກລະບາດໂຄວິດ - 19.
ຫວຽດນາມ ຍັງມີກາລະໂອກາດອັນໃຫຍ່ຫຼວງ, ແຕ່ສິ່ງທ້າທາຍກໍ່ບໍ່ແມ່ນໜ້ອຍ. ຟື້ນຟູ ແລະ ພັດທະນາຕະຫຼາດການທ່ອງທ່ຽວຮົ່ງກົງ ແມ່ນໜ້າທີ່ສຳຄັນ.
ທີ 3 ແມ່ນກ່ຽວກັບການຄ້າ. ຮົ່ງກົງນອກຈາກແມ່ນຕະຫຼາດພາຍໃນປະເທດແລ້ວ ກໍ່ຍັງແມ່ນສູນກາງສົ່ງຜ່ານການຂົນສົ່ງການຄ້າສາກົນ ອີກດ້ວຍ.
ທີ 4 ກ່ຽວກັບການສຶກສາ. ໃນ 8 ມະຫາວິທະຍາໄລພາກລັດ ຂອງຮົ່ງກົງມີ 4 ໂຮງຮຽນນອນໃນ Top 50 ຂອງໂລກ.
ທີ 5 ແມ່ນການປົກປ້ອງພົນລະເມືອງ, ສ້າງປະຊາຄົມ: ມີກຸ່ມຜູ້ອອກແຮງງານທົ່ວໄປ, ກຸ່ມປັນຍາຊົນ, ນັກຊ່ຽວຊານ, ນັກສຶກສາ. ໜ້າທີ່ແມ່ນສ້າງປະຊາຄົມທີ່ມີຄວາມສາມັກຄີ, ໝັ້ນຄົງເຂັ້ມແຂງ, ຊ່ວຍເຫຼືອເຊິ່ງກັນແລະກັນ, ມຸ່ງໄປເຖິງປະເທດຊາດ.
ບຸນຄົງ
