ສະຫະລັດອາເມຣິກາ ສະໜັບສະໜູນ ປະເທດຫວຽດນາມ ເອກະລາດ ແລະ ວັດທະນາຖາວອນ
	ນາຍົກລັດຖະມົນຕີ ຫງວຽນຊວນຝຸກ ຕ້ອນຮັບຮອງປະທານາທິບໍດີ ອາເມລິກາ

ອີງຕາມສຳນັກຂ່າວສານ Reuters ແລ້ວ, ໃນການກ່າວຄຳເຫັນຢູ່ທີ່ເຂດ Gardens by the Bay ຂອງສິງກະໂປ, ທ່ານນາງ Harris ຢືນຢັນວ່າ ອາຊີຕາເວັນອອກສ່ຽງໃຕ້ມີບົດບາດ “ສໍາຄັນທີ່ສຸດ” ຕໍ່ກັບສະຫະລັດອາເມລິກາ. ທ່ານນາງ Kamala Harris ກໍ່ເນັ້ນໜັກເຖິງການພົວພັນຄູ່ຮ່ວມມືຂອງສະຫະລັດອາເມລິກາກັບສິງກະໂປ, ອາຊີຕາເວັນອອກສ່ຽງໃຕ້ ແລະ ອາຊີ-ປາຊີຟິກ ແມ່ນບູລິມະສິດແຖວໜ້າຂອງສະຫະລັດອາເມລິກາ.

ທ່ານນາງຮອງປະທານາທິບໍດີ ຢືນຢັນວ່າ ສະຫະລັດອາເມລິກາ ພວມເດີນຕາມພາກພື້ນອາຊີ-ປາຊີຟິກທີ່ເສລີ ແລະ ເປີດກວ້າງ, ມີຜົນປະໂຫຍດ ແລະ ຄຳໝັ້ນສັນຍາທີ່ຍາວນານຢູ່ໃນພາກພື້ນ, ພ້ອມທັງສະໜັບສະໜູນສິດເສລີໃນການເດີນທະເລໃນພາກພື້ນ.

ທ່ານນາງຮອງປະທານາທິບໍດີອາເມລິກາ Kamala Harris.

ກ່ຽວກັບເລື່ອງນີ້, ທ່ານນາງ Harris ໄດ້ກ່າວວ່າ ປັກກິ່ງ ກໍາລັງສືບຕໍ່ການກະທໍາທີ່ "ບັງຄັບ" ແລະ "ຂົ່ມຂູ່" ຢູ່ທະເລຕາເວັນອອກ, ແລະ ກ່າວວ່າ ພຶດຕິກໍາຂອງຈີນຂົ່ມຂູ່ທີ່ຈະທໍາລາຍຄວາມເປັນລະບຽບຮຽບຮ້ອຍ ແລະ ອຳນາດອະທິປະໄຕອີງຕາມກົດໝາຍຂອງບັນດາປະເທດ.

ເພື່ອສະແດງໃຫ້ເຫັນເຖິງຄຳໝັ້ນສັນຍາຂອງ Washington, ທ່ານນາງ Harris ໄດ້ປະກາດວ່າ ສະຫະລັດອາເມລິກາ ຈະເປັນປະທານຈັດຕັ້ງເວທີປາໄສການຮ່ວມມືເສດຖະກິດອາຊີ-ປາຊີຟິກ (APEC) ໃນປີ 2023.

ໃນປີ 2019, ການຄ້າສອງສົ້ນລະຫວ່າງສະຫະລັດອາເມລິກາ ແລະ ອາຊີ-ປາຊີຟິກບັນລຸໄດ້ 2 ພັນຕື້ໂດລາສະຫະລັດ. "ດຽວນີ້, ໃນຂະນະທີ່ພວກເຮົາພວມປະເຊີນກັບໄພຂົ່ມຂູ່ຕໍ່ຄວາມເປັນລະບຽບຮຽບຮ້ອຍນີ, ຂ້າພະເຈົ້າ ມີໜ້າຢູ່ທີ່ນີ້ເພື່ອຢືນຢັນຄຳໝັ້ນສັນຍາຂອງພວກຂ້າພະເຈົ້າດ້ວຍວິໄສທັດຂອງຕົນ," ທ່ານນາງ Harris ກ່າວ.

ທ່ານນາງ Harris ຢືນຢັນວ່າ ສະຫະລັດອາເມລິກາ ຈະລົງທຶນເວລາ ແລະ ຊັບພະຍາກອນຂອງຕົນ ເພື່ອປັບປຸງສາຍພົວພັນຄູ່ຮ່ວມມືທີ່ສໍາຄັນຂອງຕົນ, ລວມມີ ທັງສິງກະໂປ ແລະ ຫວຽດນາມ.