| ສາທາລະນະລັດເຊັກ ໂອນວັກຊີນກັນ COVID -19 500,000 ໂດສ ໃຫ້ແກ່ຫວຽດນາມ | |
| ປະເທດລາວ ໄດ້ເລີ່ມຕົ້ົ້ນທົດລອງການສັກວັກຊິນ ຕ້ານພະຍາດ COVID – 19 |
 |
| ໃຫ້ກຳລັງໃຈ ແລະມອບຂອງຂວັນໃຫ້ຄົນຕ່າງປະເທດທີ່ໄດ້ຮັບຜົນກະທົບຈາກ COVID-19. ພາບ: baoquocte.vn |
ທີ່ການມອບ - ຮັບ, ທ່ານເຈີ່ນຫືວເຟືອກ, ປະທານຄະນະກໍາມະການແນວໂຮມປະເທດຊາດຫວຽດນາມ ຢູ່ນະຄອນ ຖຸດຶກ ໄດ້ກ່າວໃຫ້ກໍາລັງໃຈ, ແບ່ງປັນກັບຊາວຕ່າງປະເທດທີ່ອາໄສຢູ່ໃນບໍລິເວນນະຄອນຖຸດຶກກ່ຽວກັບຄວາມຫຍຸ້ງຍາກທີ່ເຂົາເຈົ້າໄດ້ປະເຊີນໜ້າໃນໄລຍະນະຄອນ ຖຸດຶກ ນໍາໃຊ້ບັນດາມາດຕະການປ້ອງກັນພະຍາດ COVID-19. ພ້ອມກັນນັ້ນ, ທ່ານກໍ່ຫວັງວ່າ ຄົນຕ່າງປະເທດທີ່ອາໄສຢູ່ໃນບໍລິເວນນະຄອນຖຸດຶກ ຈະສືບຕໍ່ສະໜັບສະໜູນນະໂຍບາຍຂອງນະຄອນໂຮ່ຈີມິນ ແລະປະຕິບັດຕາມບັນດາຂໍ້ກຳນົດກ່ຽວກັບການປ້ອງກັນການລະບາດຂອງພະຍາດ COVID-19 ຂອງທ້ອງຖິ່ນ, ຜ່ານນັ້ນ ກໍ່ປະກອບສ່ວນເຂົ້າໃນການຄວບຄຸມ ແລະເອົາຊະນະ ພະຍາດ COVID-19, ນໍາຊີວິດກັບຄືນສູ່ສະພາບສະຫງົບສຸກໂດຍໄວ.
ການນຳນະຄອນຖຸດຶກ ໄດ້ມອບຂອງຂວັນທີ່ມີມູນຄ່າ 2,5 ລ້ານດົ່ງ (ລວມມີ ເງິນສົດ, ສິນຄ້າ ແລະ ເຄື່ອງໃຊ້ທີ່ຈຳເປັນ) ໃຫ້ຄົນຕ່າງປະເທດທີ່ອາໄສຢູ່ໃນບໍລິເວນດັ່ງກ່າວ. ນະຄອນໂຮ່ຈີມິນມີຊາວຕ່າງປະເທດທີ່ມາຮໍ່າຮຽນ, ເຮັດວຽກ ແລະດໍາລົງຊີວິດຫຼາຍກວ່າໝູ່ໃນທົ່ວປະເທດ, ໃນນັ້ນ ຊາວຕ່າງປະເທດສ່ວນຫຼາຍອາໄສຢູ່ໃນນະຄອນຖຸດຶກ.
ເມື່ອບໍ່ດົນມານີ້, ຄະນະກໍາມະການປະຊາຊົນນະຄອນໂຮ່ຈີມິນ ກໍ່ໄດ້ຈັດຕັ້ງການສັກຢາວັກຊີນປ້ອງກັນພະຍາດໂຄວິດ -19 ໃຫ້ກັບຄົນຕ່າງປະເທດທີ່ພວມດໍາລົງຊີວິດ, ຮໍ່າຮຽນ ແລະເຮັດວຽກຢູ່ໃນບໍລິເວນນະຄອນໂຮ່ຈີມິນໂດຍໄວ ຕາມຄວາມສາມາດ ແລະແຫຼ່ງກໍາລັງຂອງນະຄອນ.
ໄຊພອນ
