| ຊຸກຍູ້ການຄ້າຊາຍແດນ ລະຫວ່າງຊາຍແດນ ຫວຽດນາມ ແລະ ກວາງຊີ (ຈີນ) | |
| ວິສາຫະກິດຊາວຫວຽດນາມຢູ່ຕ່າງປະເທດ ໄດ້ເຊື່ອມຕໍ່ເພື່ອນຳເອົາສິນຄ້າຂອງຫວຽດນາມ ໄປຍັງ ເອີຣົບ |
ປະຈຸບັນ, ທາງລົດໄຟຫວຽດນາມເຊື່ອມຕໍ່ກັບທາງລົດໄຟຈີນ ແລະ ຜ່ານຈີນໄປສູ່ບັນດາປະເທດອາຊີກາງ, ຈາກນັ້ນໄປເອີຣົບ ແລະ ຕາເວັນອອກກາງ. ລົດໄຟຫວຽດນາມ ສາມາດແລ່ນໄປປະເທດຈີນ ໂດຍຜ່ານ 2 ດ່ານສະຖານີລົດໄຟຄື: ສະຖານີລາວກາຍ ເສັ້ນທາງຮ່າໂນ້ຍ - ລາວກາຍ ແລະ ສະຖານີດົງດັງຢູ່ເສັ້ນທາງຮ່າໂນ້ຍ - ດົງດັງ (ແຂວງລ້າງເຊີນ).
 |
| ພາບປະກອບ |
ອີງຕາມສັນຍາລະຫວ່າງລັດຖະບານ ກ່ຽວກັບເຄືອຂ່າຍທາງລົດໄຟຂ້າມທະວີບອາຊີ ເຊິ່ງຫວຽດນາມໄດ້ເຂົ້າຮ່ວມນັບແຕ່ປີ 2006, ມີຜົນບັງຄັບໃຊ້ໃນເດືອນທັນວາ 2009, ເຄືອຂ່າຍທາງລົດໄຟຂ້າມທະວີບອາຊີ ໃນພາກພື້ນສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ທັງໝົດລ້ວນແຕ່ໄປຜ່ານປະເທດຈີນ. ເພື່ອເຊື່ອມຕໍ່ກັບປະເທດອື່ນໃນອາຊີ, ໂດຍຜ່ານ 2 ຈຸດສົ່ງຜ່ານຢູ່ປະເທດຈີນ: ຄຸນໝິງ ແລະ ໜານໜິງ. ບັນດາເສັ້ນທາງຫຼັກເຊື່ອມຕໍ່ຈາກຄຸນໝິງ ຫາ ວຽງຈັນ (ລາວ) - ບາງກອກ (ປະເທດໄທ), ຜ່ານຮ່າໂນ້ຍ - ນະຄອນໂຮ່ຈີມິນ (ຫວຽດນາມ) - ພະນົມເປັນ (ກໍາປູເຈຍ) - ບາງກອກ, ຜ່ານມັນດາເລ ແລະ Yangon (ມຽນມາ) - ບາງກອກ; ເສັ້ນທາງເຊື່ອມຕໍ່ຈາກ ໜານໜິງ ຜ່ານ ຮ່າໂນ້ຍ - ນະຄອນໂຮ່ຈີມິນ. ຈາກບ່ອນນັ້ນ, ປາຍທາງແມ່ນສິງກະໂປ.
ຄຳຮຸ່ງ
