| ສະຫະລັດອາເມລິກາ ຈະບໍ່ຈຳກັດການຄ້າຕໍ່ສິນຄ້າສົ່ງອອກຂອງຫວຽດນາມ | |
| ຊຸກຍູ້ການຮ່ວມມືດ້ານການຄ້າ ແລະ ການທ່ອງທ່ຽວລະຫວ່າງ ຫວຽດນາມ - ອີຢີບ |
 |
| ຊຸກຍູ້ການຄ້າຊາຍແດນ ລະຫວ່າງຊາຍແດນ ຫວຽດນາມ ແລະ ກວາງຊີ (ຈີນ). |
ທ່ານລັດຖະມົນຕີ ຫງວຽນຮົ່ງຢຽນ ໄດ້ສະເໜີໃຫ້ທ່ານເລຂາພັກ Loc Tam Xa ເອົາໃຈໃສ່ ແລະ ສືບຕໍ່ສົມທົບກັບບັນດາກະຊວງ, ຂະແໜງການທີ່ມີໜ້າທີ່ ເພື່ອສ້າງເງື່ອນໄຂສະດວກໃຫ້ແກ່ການເຄື່ອນໄຫວການຄ້າສອງຝ່າຍ ຄື: ຍົກລະດັບບັນດາດ່ານຊາຍແດນ; ຟື້ນຟູການຜ່ານດ່ານຢູ່ບາງດ່ານຊາຍແດນທີ່ຖືກປິດຊົ່ວຄາວ ເນື່ອງຈາກການລະບາດຂອງພະຍາດ COVID-19 ໂດຍໄວ; ແກ່ຍາວເວລາກວດກາລະບຽບການຜ່ານດ່ານຢູ່ດ່ານຊາຍແດນ, ຕະຫຼາດ; ຊຸກຍູ້ການເປີດປະຕູ ໃຫ້ແກ່ຕະຫຼາດຜະລິດຕະພັນກະເສດຂອງຫວຽດນາມ…
ທ່ານລັດຖະມົນຕີ ຫງວຽນຮົ່ງຢຽນ ໄດ້ສະເໜີໃຫ້ສອງຝ່າຍ ຮີບດ່ວນສ້າງຕັ້ງສາຍດ່ວນ ເພື່ອສົມທົບກັນແກ້ໄຂວຽກງານທີ່ເປັນປົກກະຕິ ແລະ ກະທັນຫັນ, ຮັບປະກັນການແລກປ່ຽນມາດຕະການຄຸ້ມຄອງການນໍາເຂົ້າ ແລະ ບັນດາການດັດປັບນະໂຍບາຍ ແລະ ຄວາມຕ້ອງການຂອງຕະຫຼາດຢ່າງວ່ອງໄວ ແລະ ທັນການ; ແລກປ່ຽນ ແລະ ລົງນາມໃນບົດບັນທຶກຊ່ວຍຈຳການຮ່ວມມື ລະຫວ່າງສອງອົງການເຊື່ອມຕໍ່ ເຊິ່ງແມ່ນກົມສົ່ງເສີມການຄ້າ ແລະ ກົມວາງສະແດງສາກົນກວາງຊີ, ບົດບັນທຶກຊ່ວຍຈຳກ່ຽວກັບການຮ່ວມມືສະໜັບ ສະໜູນການຂຸດຄົ້ນເສັ້ນທາງລົດໄຟຂົນສົ່ງຄອນເທນເນີ ຫວຽດນາມ-ຈີນ.
ທ່ານເລຂາພັກ Loc Tam Xa ໄດ້ຢືນຢັນບົດບາດສໍາຄັນຂອງການຮ່ວມມື ຫວຽດນາມ - ກວາງຊີ ແລະ ສະແດງຄວາມພ້ອມທີ່ຈະປະສານສົມທົບກັບກະຊວງອຸດສາຫະກໍາ ແລະ ການຄ້າຫວຽດນາມ ໃນການຈັດຕັ້ງຜັນຂະຫຍາຍບັນດາມາດຕະການທີ່ຄົບຊຸດ ແລະ ທັນການ ເພື່ອອໍານວຍຄວາມສະດວກ ໃຫ້ແກ່ການຮ່ວມມືທາງດ້ານເສດຖະກິດ - ການຄ້າລະຫວ່າງສອງຝ່າຍ, ໂດຍສະເພາະແມ່ນກິດຈະກໍາການຄ້າຊາຍແດນ. ເພີ່ມທະວີການເປີດກວ້າງການຮ່ວມມືທາງດ້ານເສດຖະກິດ ແລະ ການຄ້າສອງຝ່າຍ, ຍູ້ໄວຄວາມສາມາດໃນການກວດກາລະບຽບການຜ່ານດ່ານ ແລະ ເປີດກວ້າງຂອບຂະໜາດຂອງເດີ່ນຂົນສົ່ງສິນຄ້າຢູ່ບໍລິເວນດ່ານຊາຍແດນ; ສົມທົບກັນຈັດງານວາງສະແດງສິນຄ້າ ຈີນ-ອາຊຽນ ຄັ້ງທີ 18 (CAEXPO 2021).
ຄຳຮຸ່ງ
