| WeWork ໜູນຊ່ວຍການເພີ່ມຄວາມໄວໃນການ Startup ຢູ່ ຫວຽດນາມ | |
| ເພີ່ມທະວີການຄຸ້ມຄອງຂີ້ເຫຍື້ອພລາສຕິກຢູ່ຫວຽດນາມ |
 |
| ຫວຽດນາມ - ລາວ ເພີ່ມທະວີການຮ່ວມມືໃນວຽກງານສື່ມວນຊົນ. ພາບ: vov |
ຕອນເຊົ້າວັນທີ 17 ສິງຫາ ຢູ່ນະຄອນຫຼວງວຽງຈັນ, ທ່ານເອກອັກຄະລັດຖະທູດ ຫວຽດນາມ ປະຈຳ ລາວ ຫງວຽນບ໋າຮຸ່ງ ພ້ອມດ້ວຍຜູ້ຕາງໜ້າບັນດາອົງການສື່ມວນຊົນ ຫວຽດນາມ ປະຈຳ ລາວ ໄດ້ເຂົ້າອວຍພອນສະມາຄົມນັກຂ່າວ ລາວ ເນື່ອງໃນໂອກາດສະເຫຼີມສະຫຼອງວັນສື່ມວນຊົນ ລາວ ຄົບຮອບ 71 ປີ (13/08/1950 – 13/08/2021).
ໃນຄຳປາໄສອວຍພອນ, ທ່ານເອກອັກຄະລັດຖະທູດ ຫງວຽນບ໋າຮຸ່ງ ໄດ້ໃຫ້ຮູ້ວ່າ ໃນໄລຍະກວ່າ 7 ທົດສະວັດຜ່ານມາ, ສື່ມວນຊົນລາວ ບໍ່ພຽງແຕ່ປະຕິບັດວຽກງານໂຄສະນາ, ເຜີຍແຜ່ບັນດາແນວທາງ, ແຜນນະໂຍບາຍຂອງພັກ, ລັດ ລາວ ສູ່ປະຊາຊົນ ແລະ ເພື່ອນມິດສາກົນໄດ້ເປັນຢ່າງດີເທົ່ານັ້ນ, ຫາກຍັງມີການປະກອບສ່ວນຢ່າງໃຫຍ່ຫຼວງເຂົ້າໃນການຮັກສາ ແລະ ເພີ່ມພູນຄູນສ້າງສາຍພົວພັນໄມຕີຈິດມິດຕະພາບ, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງສອງປະເທດ ຫວຽດນາມ - ລາວ ແລະ ລາວ - ຫວຽດນາມ ອີກດ້ວຍ.
ທ່ານ ຫງວຽນບ໋າຮຸ່ງ ເນັ້ນໜັກວ່າ ໃນທຸກການພົບປະຍາມໃດການນໍາສອງປະເທດກໍ່ໄດ້ຢັ້ງຢືນວ່າ ເຖິງວ່າສະພາບການໃນພາກພື້ນ ແລະໃນໂລກມີການປ່ຽນແປງຄືແນວໃດກໍ່ຕາມ, ແຕ່ສອງປະເທດຍາມໃດກໍ່ຈະຄຽງບ່າຄຽງໄຫຼ່ພ້ອມກັນ, ຍາມໃດກໍ່ສະໜັບສະໜູນກັນ ແລະສືບຕໍ່ມານະພະຍາຍາມເພື່ອເຮັດການພົວພັນມິດຕະພາບອັນຍິ່ງໃຫຍ່, ນ້ໍາໃຈສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງປະເທດໃຫ້ເລິກເຊິ່ງກວ່າອີກ.
ທ່ານເອກອັກຄະລັດຖະທູດ ຫງວຽນບ໋າຮຸ່ງ ປາດຖະໜາວ່າ ບັນດາອົງການສື່ມວນຊົນຂອງ ລາວ ແລະ ຫວຽດນາມ ຈະສືບຕໍ່ຍູ້ແຮງການໂຄສະນາ, ເຜີຍແຜ່ກ່ຽວກັບສາຍພົວພັນລະຫວ່າງສອງປະເທດ; ສືບຕໍ່ໃຫ້ການຮ່ວມມື ແລະ ສ້າງເງື່ອນໄຂສະດວກໃຫ້ແກ່ບັນດາອົງການສື່ມວນຊົນຫວຽດນາມ ປະຈຳ ລາວ. ທ່ານເອກອັກຄະລັດຖະທູດ ຫວຽດນາມ ປະຈຳ ລາວ ກໍຢັ້ງຢືນວ່າຈະສົມທົບຢ່າງຕັ້ງໜ້າ ແລະ ໜູນຊ່ວຍສູງສຸດໃຫ້ແກ່ບັນດາອົງການສື່ມວນຊົນ ລາວ ເພື່ອນັບມື້ນັບພັດທະນາ.
ເນື່ອງໃນໂອກາດນີ້, ຜູ້ຕາງໜ້າບັນດາອົງການສື່ມວນຊົນຫວຽດນາມ ປະຈໍາລາວ ແລະບັນດາອົງການສື່ມວນຊົນລາວ ກໍ່ໄດ້ແລກປ່ຽນກ່ຽວກັບແບບວິທີການຮ່ວມມື ແລະສົມທົບກັນໃນວຽກງານສື່ມວນຊົນໃຫ້ດີກວ່າເກົ່າ, ເປັນຕົ້ນແມ່ນໃນບັນດາເຫດການໃຫຍ່ຂອງສອງປະເທດ, ພິເສດແມ່ນໃນປີສາມັກຄີມິດຕະພາບຫວຽດນາມ-ລາວ, ລາວ-ຫວຽດນາມ ປີ 2022 ທີ່ຈະມາເຖິງນີ້.
ໄຊພອນ
