| ຖະຫວາຍດອກໄມ້ເນື່ອງໃນໂອກາດວັນຄ້າຍວັນເກີດຄົບຮອບ 95 ປີຂອງຜູ້ນຳ ກູບາ Fidel Castro | |
| ສະວິດເຊີແລນ ໄດ້ສະໜອງອຸປະກອນການແພດ ເພື່ອຊ່ວຍຫວຽດນາມ ໃນການຕ້ານພະຍາດໂຄວິດ-19 |
 |
| ພາບປະກອບ |
ແຜນຮ່າງມີເປົ້າໝາຍເພື່ອ ສົມບູນແບບກົນໄກ, ນະໂຍບາຍ, ກົດໝາຍກ່ຽວກັບການຄຸ້ມຄອງຂີ້ເຫຍື້ອພລາສຕິກ; ການຜະລິດ ແລະການບໍລິໂພກຖົງຢາງພລາສຕິກທີ່ຍ່ອຍສະຫຼາຍໄດ້ຍາກ; ຜະລິດຕະພັນພລາສຕິກທີ່ໃຊ້ເທື່ອດຽວໃນຊີວິດປະຈໍາວັນ (ລວມມີ ຖ້ວຍ, ຈອກ, ຈານ, ບ່ວງ, ສ້ອມ... ).
ສູ້ຊົນຮອດປີ 2025, ບັນດາສູນການຄ້າ, ຮ້ານສັບພະສິນຄ້າໃຊ້ຖົງພລາສຕິກ 100%, ການຫຸ້ມຫໍ່ທີ່ເປັນມິດກັບສິ່ງແວດລ້ອມສຳລັບຈຸດປະສົງການດໍາລົງຊີວິດເພື່ອທົດແທນຖົງພລາສຕິກທີ່ຍ່ອຍສະຫຼາຍໄດ້ຍາກ. ບັນດາສະຖານທີ່ທ່ອງທ່ຽວ, ສະຖານທີ່ພັກເຊົາທ່ອງທ່ຽວ, ບັນດາໂຮງແຮມ ບໍ່ນຳໃຊ້ຖົງຢາງທີ່ຍ່ອຍສະຫຼາຍໄດ້ຍາກ ແລະຜະລິດຕະພັນພລາສຕິກທີ່ໃຊ້ເທື່ອດຽວ.
ຫວຽດນາມຮັບປະກັນການເກັບ, ການນໍາກັບມາໃຊ້ໃໝ່, ການຜະລິດຈາກສິ່ງເສດເຫຼືອຄືນໃໝ່, ກໍາຈັດ 85% ຈໍານວນຂີ້ເຫຍື້ອພລາສຕິກ; ຫຼຸດຜ່ອນ 50% ຂີ້ເຫຍື້ອພລາສຕິກຢູ່ໃນທະເລ ແລະມະຫາສະໝຸດ; ຄ່ອຍໆຫຼຸດຜ່ອນການຜະລິດ ແລະການນຳໃຊ້ຖົງຢາງທີ່ຍ່ອຍສະຫຼາຍໄດ້ຍາກ ແລະຜະລິດຕະພັນພລາສຕິກທີ່ໃຊ້ເທື່ອດຽວໃນຊີວິດປະຈຳວັນ.
ແຜນຮ່າງນີ້ຍັງມີເປົ້າໝາຍເພື່ອຍົກສູງຄວາມຮັບຮູ້ຂອງບັນດາອົງການ, ອົງການຈັດຕັ້ງ, ວິສາຫະກິດ, ຊຸມຊົນ ແລະປະຊາຊົນໃນການຜະລິດ, ການບໍລິໂພກ ແລະການ ກຳຈັດຂີ້ເຫຍື້ອພລາສຕິກ, ຖົງປລາສຕິກທີ່ຍ່ອຍສະຫຼາຍໄດ້ຍາກ ແລະຜະລິດຕະພັນພລາສຕິກທີ່ໃຊ້ໄດ້ເທື່ອດຽວ. ໃນໄລຍະປີ 2021-2026, ກະຊວງຊັບພະຍາກອນ ແລະສິ່ງແວດລ້ອມຈະຈັດຕັ້ງປະຕິບັດຫຼາຍມາດຕະການເພື່ອເພີ່ມທະວີວຽກງານຄຸ້ມຄອງຂີ້ເຫຍື້ອພລາສຕິກ.
ປະຈຸບັນ, ກະຊວງຊັບພະຍາກອນ ແລະສິ່ງແວດລ້ອມ, ບັນດາກະຊວງ, ຂະແໜງການ ແລະຄະນະກຳ ມະການປະຊາຊົນຂອງບັນດາແຂວງ ແລະນະຄອນທີ່ຂຶ້ນກັບສູນກາງ ໂດຍໃນຂອບເຂດຄວາມຮັບຜິດຊອບຄຸ້ມຄອງຂອງຕົນ ກໍ່ພວມເປັນເຈົ້າການໃນສ້າງແຜນການ ແລະມອບໝາຍໜ້າທີ່ວຽກງານເປັນລະອຽດໃຫ້ບັນດາໜ່ວຍງານທີ່ກ່ຽວຂ້ອງເພື່ອຈັດຕັ້ງປະຕິບັດ.
ກ້າວເຂົ້າສູ່ “ທົດສະວັດຟື້ນຟູລະບົບຊີວະພາບ”, ຫວຽດນາມ ໄດ້ມີບັນດາມາດຕະການ ເພື່ອເປັນເຈົ້າການປະຕິບັດບັນດາເປົ້າໝາຍລວມຂອງສາກົນກ່ຽວກັບການອະນຸລັກຮັກສາຊີວະນາໆພັນ. ຄວາມເປັນເຈົ້າການອາດຈະໄດ້ສະແດງອອກຜ່ານການສ້າງບັນດາກົນໄກນະໂຍບາຍໃໝ່, ຜັນຂະຫຍາຍການປະຕິບັດບັນດາຍຸດທະສາດ, ແຜນການ, ໂຄງການ, ແຜນຮ່າງກ່ຽວກັບການອະນຸລັກຮັກສາ, ນຳໃຊ້ຊີວະນາໆພັນແບບຍືນຍົງ, ຟື້ນຟູລະບົບຊີວະພາບປ່າ, ທະເລ, ດິນນ້ຳຖ້ວມຖືກຊຸດໂຊມ, ອະນຸລັກຮັກສາສັດສາວະສິ່ງ ແລະແຫຼ່ງແຢນ ຢ່າງມີປະສິດທິຜົນ.
ໄຊພອນ
