| ສະຖານທູດຫວຽດນາມ ເພີ່ມທະວີການຮ່ວມມືກັບມະຫາວິທະຍາໄລ FHNW ປະເທດສະວິດເຊີແລນ | |
| ເພີ່ມທະວີການພົວພັນແລກປ່ຽນປະຊາຊົນລະຫວ່າງ ສະວິດເຊີແລນ ແລະ ຫວຽດນາມ ຢູ່ນະຄອນ ເກີ່ນເທີ |
ໃນຕອນເຊົ້າວັນທີ 13 ສິງຫາ, ອຸປະກອນການແພດດັ່ງກ່າວ ໄດ້ມາຮອດສະໜາມບິນສາກົນ ເຕິນເຊີນເຍິດ ໂດຍ ທ່ານກົງສຸນໃຫຍ່ສະວິດເຊີແລນປະຈຳຫວຽດນາມ Martin Maier ມອບໂດຍກົງໃຫ້ ທ່ານຮອງສາດສະດາຈານ-ດຣ. ຫງວຽນເຈື່ອງເຊີນ - ຮອງລັດຖະມົນຕີກະຊວງສາທາລະນະສຸກຫວຽດນາມ.
 |
| ສະວິດເຊີແລນ ໄດ້ສະໜອງອຸປະກອນການແພດ ເພື່ອຊ່ວຍຫວຽດນາມ ໃນການຕ້ານພະຍາດໂຄວິດ-19. |
ອຸປະກອນການແພດທັງໝົດ ທີ່ມີນໍ້າໜັກ 13 ໂຕນ ໄດ້ຂົນສົ່ງໂດຍສາຍການບິນສະວິດສະວິດເຊີແລນ Eldelweiss ຈາກເມືອງ Zurich ໄປຫານະຄອນໂຮ່ຈີມິນ. ນີ້ແມ່ນຂອງຂວັນຈາກລັດຖະບານສະວິດເຊີແລນ ເພື່ອສະໜັບສະໜູນຫວຽດນາມຢ່າງຮີບດ່ວນ ໃນຄວາມພະຍາຍາມປ້ອງກັນຕ້ານການລະບາດຂອງພະຍາດໂຄວິດ -19, ດ້ວຍມູນຄ່າທັງໝົດ 5,5 ລ້ານໂດລາສະຫະລັດ (ເທົ່າກັບ 126 ຕື້ດົ່ງ).
ປະເທດສະວິດເຊີແລນ ພວມຢືນຄຽງຂ້າງກັບຫວຽດນາມ ແລະ ບັນດາປະເທດອາຊີ ໃນການຕໍ່ສູ້ຮ່ວມກັນ ເພື່ອຕ້ານພະຍາດໂຄວິດ -19. ກ່ອນໜ້ານີ້ ສະວິດເຊີແລນ ກໍ່ໄດ້ໃຫ້ການຊ່ວຍເຫຼືອດ້ານການແພດແກ່ອິນໂດເນເຊຍ, ມົງໂກນ, ໄທ, ອິນເດຍ, ສີລັງກາ ແລະ ເນປານ.
ຄຳຮຸ່ງ
