ສືບຕໍ່ນຳເອົາພົນລະເມືອງຫວຽດນາມຢູ່ມຽນມາ ແລະ ບຣູໄນກັບຄືນບ້ານຢ່າງປອດໄພ

11:53 | 16/08/2021

ຍສໝ - ໃນວັນທີ 10 ສິງຫາ 2021, ອີງຕາມການຈັດແຜນຂອງກະຊວງການຕ່າງປະເທດ ແລະ ອົງການທີ່ມີໜ້າທີ່, ສະຖານທູດຫວຽດນາມ ປະຈຳມຽນມາ ໄດ້ຈັດຖ້ຽວບິນສະເພາະຂອງສາຍການບິນ Bamboo Airways ເຊິ່ງໄດ້ໂດຍສານພົນລະເມືອງທີ່ຖືກຕິດຄ້າງ 182 ຄົນ ກັບຄືນປະເທດ ເນື່ອງຈາກພະຍາດ COVID-19. ໃນມື້ດຽວກັນ, ພົນລະເມືອງຫວຽດນາມ 154 ຄົນຈາກປະເທດບຣູໄນ ກໍ່ໄດ້ກັບຄືນປະເທດຢ່າງປອດໄພ ດ້ວຍຖ້ຽວບິນໂດຍສານເໝົາລຳຂອງ LILAMA.

	ຖ້ຽວບິນໄດ້ນຳສົ່ງພົນລະເມືອງຫວຽດນາມ ເກືອບ 240 ຄົນຈາກຟີລິບປິນ ກັບຄືນບ້ານຢ່າງປອດໄພ
	ນຳສົ່ງພົນລະເມືອງຫວຽດນາມເກືອບ 500 ຄົນ ຈາກຍີ່ປຸ່ນ ແລະ ສ.ເກົາຫຼີ ກັບຄືນບ້ານຢ່າງປອດໄພ

ສາຍການບິນ Bamboo Airways ໄດ້ປະຕິບັດມາດຕະການກ່ຽວກັບການປ້ອງກັນູວາມສະຫງົບ, ຄວາມປອດໄພ ແລະ ຫຼັກສຸຂາອະນາໄມ ໃນຕະຫຼອດຖ້ຽວບິນຢ່າງເຂັ້ມງວດ. ພະນັກງານ ແລະ ຂ້າລັດຖະການຂອງສະຖານທູດທັງໝົດ ໄດ້ໄປສະໜາມບິນເພື່ອຈັດແຈງ ແລະ ໜູນຊ່ວຍພົນລະເມືອງຈົນເຖິງກໍລະນີສຸດທ້າຍ.

ສືບຕໍ່ນຳເອົາພົນລະເມືອງຫວຽດນາມຢູ່ມຽນມາ ແລະ ບຣູໄນກັບຄືນບ້ານຢ່າງປອດໄພ.

ປະຈຸບັນ ມຽນມາ ເປັນປະເທດທີ່ມີສອງວິກິດການ, ສະພາບການຂອງຄົນຫວຽດນາມຢູ່ທີ່ນີ້ ຍິ່ງປະສົບກັບຄວາມຫຍຸ້ງຍາກຫຼາຍກວ່າອີກ. ນັບແຕ່ເດືອນມີນາ 2020 ເປັນຕົ້ນມາ, ເມື່ອມີການລະບາດຂອງພະຍາດໂຄວິດ -19 ຢູ່ມຽນມາ, ມີພົນລະເມືອງຫວຽດນາມ ຈຳນວນ 1,928 ຄົນ ໄດ້ກັບຄືນປະເທດດ້ວຍຖ້ຽວບິນສະເພາະ ໂດຍລັດຖະບານ, ກະຊວງການຕ່າງປະເທດ, ບັນດາກະຊວງ ແລະ ຂະແໜງການຈັດແຜນ.

ໃນວັນດຽວກັນ, ອົງການທີ່ມີໜ້າທີ່ຫວຽດນາມ, ສະຖານທູດຫວຽດນາມປະຈຳ ບຣູໄນ, ບໍລິສັດ LILAMA SEA Brunei (ຂຶ້ນກັບບໍລິສັດປະກອບເຄື່ອງຈັກຫວຽດນາມ) ແລະ ບໍລິສັດການບິນ Vietjet ໄດ້ປະສານສົມທົບກັບ ອົງການທີ່ມີໜ້າທີ່ ບຣູໄນ ພາພົນລະເມືອງຫວຽດນາມ 154 ຄົນ ກັບເມືອປະເທດຢ່າງປອດໄພດ້ວຍຖ້ຽວບິນຖ້ຽວບິນໂດຍສານເໝົາລຳຂອງ LILAMA.

ຄຳຮຸ່ງ