 |
| ການເຮັດວຽກລະຫວ່າງສອງຝ່າຍ (ພາບ: daidoanket.vn) |
ທ່ານຝຸ່ງແຄ໊ງຕ່າຍ ໄດ້ຢັ້ງຢືນວ່າ: ໃນໄລຍະຜ່ານມາ ແນວໂຮມປະເທດຊາດ ຫວຽດນາມ ແລະ ແນວໂຮມສາມັກຄີພັດທະນາປະເທດຊາດ ກຳປູເຈຍ ຍາມໃດກໍ່ໄດ້ຮັກສາການພົວພັນຮ່ວມມືມິດຕະພາບທີ່ເປັນມູນເຊື້ອອັນດີງາມລະຫວ່າງສອງຝ່າຍ, ສົມທົບກັນຜັນຂະຫຍາຍບັນດາເນື້ອໃນທີ່ໄດ້ຮັບການລົງນາມໃນບົດບັນທຶກຊ່ວຍຈຳໂຄງການຮ່ວມມືຂອງສະພາປະທານແນວໂຮມປະເທດຊາດ 3 ປະເທດ ກຳປູເຈຍ - ລາວ - ຫວຽດນາມ, ຖະແຫຼງການຮ່ວມ ແລະ ຄຳໝັ້ນສັນຍາແຂ່ງຂັນຂອງກອງປະຊຸມເສັ້ນຊາຍແດນ ຫວຽດນາມ ກຳປູເຈຍ.
ແນວໂຮມປະເທດຊາດ ຫວຽດນາມ ທຸກຂັ້ນເປັນຕົ້ນແມ່ນແນວໂຮມບັນດາແຂວງທີ່ມີເສັ້ນຊາຍແດນຕິດກັບກຳປູເຈຍ ໄດ້ຈັດຕັ້ງຫຼາຍໂຄງການ, ຂົນຂວາຍປະຊາຊົນບັນດາທ້ອງຖິ່ນທີ່ມີເສັ້ນຊາຍແດນລວມກັນຮ່ວມມືກັບປະຊາຊົນບັນດາທ້ອງຖິ່ນ ຂອງກຳປູເຈຍ, ຊ່ວຍກັນພັດທະນາເສດຖະກິດ, ການປະຕິບັດກົດໝາຍ, ຮັກສາຄວາມໝັ້ນຄົງ, ຄວາມເປັນລະບຽບຮຽບຮ້ອຍເສັ້ນຊາຍແດນໃຫ້ເປັນຢ່າງດີ, ຈັດຕັ້ງບັນດາການເຄື່ອນໄຫວແລກປ່ຽນພົວພັນວັດທະນະທຳສິລະປະ, ກິລາ-ກາຍະກໍາ, ປະກອບສ່ວນສຳຄັນເຂົ້າໃນວຽກງານປັບປຸງ ແລະ ພັດທະນາການພົວພັນຖານບ້ານໃກ້ເຮືອນຄຽງ, ມິດຕະພາບທີ່ເປັນມູນເຊື້ອລະຫວ່າງສອງປະເທດໃຫ້ຍືນຍົງ.
ທ່ານຮອງປະທານ ຝຸ່ງແຄ໊ງຕ່າຍ ມີຄວາມຫວັງວ່າ ໃນຖານະຕຳແໜ່ງໃໝ່ແມ່ນ ທ່ານເອກອັກຄະລັດຖະທູດຜູ້ມີອຳນາດເຕັກແຫ່ງ ສາທາລະນະລັດສັງຄົມນິຍາມ ຫວຽດນາມ ປະຈຳ ລາຊະອານາຈັກກຳປູເຈຍ, ທ່ານ ຫງວຽນຮຸຍຕັງ ຈະມີຄວາມສົນໃຈ, ສະໜັບສະໜູນ ແລະ ສົມທົບກັບຄະນະກຳມະການສູນກາງແນວໂຮມປະເທດຊາດ ຫວຽດນາມ ຜັນຂະຫຍາຍບັນດາເນື້ອໃນຮ່ວມມືກັບສະພາແຫ່ງຊາດ ແນວໂຮມສາມັກຄີພັດທະນາປະເທດຊາດ ກຳປູເຈຍ.
ທ່ານ ຫງວຽນຮຸຍຕັງ ຢັ້ງຢືນວ່າ ດ້ວຍບົດບາດແມ່ນເອກອັກຄະລັດຖະທູດ ຫວຽດນາມ ປະຈຳ ກຳປູເຈຍ, ທ່ານຈະມານະພະຍາຍາມຈົນສຸດຄວາມສາມາດຂອງຕົນ ເພື່ອຮ່ວມເດີນທາງກັບແນວໂຮມ, ຊຸກຍູ້ ແລະ ຕິດພັນສອງອົງການແນວໂຮມຂອງສອງປະເທດ.
ຕາມທ່ານ ຫງວຽນຮຸຍຕັງ ແລ້ວ ປີ 2022 ຈະແມ່ນປີ ສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງສອງປະເທດ ຫວຽດນາມ - ກຳປູເຈຍ, ແນວໂຮມປະເທດຊາດ ຫວຽດນາມ ດ້ວຍບົດບາດຂອງຕົນ ຈະຊຸກຍູ້ການໂຄສະນາເຜີຍແຜ່, ສຶກສາໄປຍັງປະຊາຊົນທຸກຊັ້ນຄົນ ເປັນຕົ້ນແມ່ນລຸ້ນໜຸ່ມ ກ່ຽວກັບມູນເຊື້ອມິດຕະພາບ ລະຫວ່າງສອງປະເທດ, ມີຄວາມເອົາໃຈຊຸກຍູ້ການຈັດຕັ້ງບັນດາການເຄື່ອນໄຫວການແພດເຂດຊາຍແດນ, ມີແຜນການຈັດຕັ້ງບັນດາຊຸດບຳລຸງສ້າງ, ແລກປ່ຽນບົດຮຽນປະສົບການວຽກງານແນວໂຮມໃຫ້ແກ່ພະນັກງານຂອງແນວໂຮມປະເທດກຳປູເຈຍ...
ທ່ານ ຫງວຽນຮຸຍຕັງ ກໍ່ຢັ້ງຢືນວ່າ, ໃນໄລຍະປະຕິບັດງານຢູ່ ກຳປູເຈຍ, ດ້ວຍບົດບາດແມ່ນເອກອັກຄະລັດຖະທູດ ຂ້າພະເຈົ້າຈະເປັນເຈົ້າການໃນການສົມທົບ, ໜູນຊ່ວຍແນວໂຮມປະເທດຊາດ ຫວຽດນາມ ເພື່ອຈັດຕັ້ງການມາຢ້ຽມຢາມ ແລະ ເຮັດວຽກຢູ່ ກຳປູເຈຍ ຂອງບັນດາຄະນະຜູ້ແທນ, ຄະນະປະຕິບັດງານຂັ້ນສູງຢ່າງສຳເລັດຜົນ.
ບຸນຄົງ
