 |
| ຮ້ານສັບພະສິນຄ້າ |
ລາຍການໂດຍຊາວໜຸ່ມນະຄອນ - ສະມາຄົມນັກສຶກສາຫວຽດນາມ ນະຄອນໂຮ່ຈີມິນສົມທົບກັບພະແນກອຸດສາຫະກຳການຄ້າ, ບໍລິສັດຫຸ້ນສ່ວນ ເຄື່ອງປະດັບອັນຍະມະນີ ຝຸຍວນ ແລະ ສະມາຄົມວິສາຫະກິດສິນຄ້າ ຫວຽດນາມ ຄຸນນະພາບສູງ, ພ້ອມກັບການຮ່ວມເດີນທາງຂອງ ສະມາຄົມນັກທຸລະກິດໜຸ່ມ ນະຄອນໂຮ່ຈີມິນ ແລະ ສະມາຄົມນັກທຸລະກິດຍິງ ນະຄອນໂຮ່ຈີມິນ ຜັນຂະຫຍາຍໃນລະຫວ່າງວັນທີ 13 – 17 ກໍລະກົດ.
ຮ້ານສັບພະສິນຄ້າ 0 ດົ່ງ ແມ່ນການເຄື່ອນໄຫວໃນໂຄງການ “ອ້ອມແຂນຫວຽດ” ເພື່ອແນໃສ່ໜູນຊ່ວຍນັກສຶກສາ ທີ່ພວມປະສົບກັບຄວາມຫຍຸ້ງຍາກຍ້ອນໂລກລະບາດໂຄວິດ - 19 ຢູ່ບັນດາຫໍພັກນັກສຶກສາໃນບໍລິເວນນະຄອນ ໂຮ່ຈີມິນ ດ້ວຍຈິດໃຈ “ບໍ່ປະໃຫ້ຜູ້ໃດຖືກປະຢູ່ທາງຫຼັງ”.
ຮູບແບບ ຮ້ານສັບພະສິນຄ້າ 0 ດົ່ງ ມາຮອດປັດຈຸບັນ ໄດ້ຮັບການຜັນຂະຫຍາຍຢູ່ກ່ວາ 10 ແຫ່ງໃນນະຄອນໂຮ່ຈີມິນ ແລະ ຈະສືບຕໍ່ເປີດກວ້າງໃນໄລຍະຈະມາເຖິງ.
ໂດຍໄດ້ຮູ້ວ່າ ສະມາຄົມນັກສຶກສາ ຫວຽດນາມ ນະຄອນໂຮ່ຈີມິນ ໄດ້ສົມທົບກັບຄະນະຄຸ້ມຄອງ ຫໍພັກ, ຄະນະຊາວໜຸ່ມ, ສະມາຄົມນັກສຶກສາ ບັນດາໂຮງຮຽນ ສຳຫຼວດ ແລະ ເກັບກຳສະຖິຕິຈຳນວນນັກສຶກສາທີ່ພວມອາໄສຢູ່ຫໍພັກ. ຕາມນັ້ນແລ້ວ, ລາຍການຍັງໄດ້ໜູນຊ່ວຍນັກສຶກສາທີ່ປະສົບກັບຄວາມຫຍຸ້ງຍາກ່ວາ 5.500 ຄົນ ເຊິ່ງພວມອາໄສຢູ່ຫໍພັກນັກສຶກສາ 37 ແຫ່ງໃນບໍລິເວນນະຄອນ ໂຮ່ຈີມິນ. ໃນນັ້ນມີນັກສຶກສາ ລາວ ແລະ ກຳປູເຈຍທີ່ບໍ່ສາມາດກັບຄືນປະເທດ ຍ້ອນຜົນສະທ້ອນຈາກໂລກລະບາດໂຄວິດ - 19.
ເພື່ອແນໃສ່ຮັບປະກັນການຮັກສາໄລຍະຫ່າງເມື່ອໂລກລະບາດໂຄວິດ - 19 ຍັງມີການຜັນແປຢາງສັບສົນຢູ່ນະຄອນໂຮ່ຈີມິນ, ນັກສຶກສາແຕ່ລະຄົນ ຈະໄດ້ຮັບລະຫັດຊື້ເຄື່ອງທີ່ມີມູນຄ່າ 300.000 ດົ່ງ ຜ່ານຂໍ້ຄວາມ SMS ເພື່ອຊື້ເຄື່ອງອອນລາຍໃນວັບໄຊ https://sieuthimini0dong.com. ຫຼັງຈາກນັ້ນລະບົບຮັບໃບສັ່ງຊື້ຈະສົ່ງໄປຍັງຜູ້ອາສາສະໝັກ ເພື່ອຈັດສິນຄ້າ, ຫຸ້ມຫໍ່ຢູ່ຫໍວັດທະນະທຳຊາວໜຸ່ມ ແລ້ວບັນດາຜູ້ອາສາສະໝັກຈະສົ່ງເຄື່ອງຂອງໄປຍັງຫໍພັກ ເພື່ອນຳໄປໃຫ້ໃຫ້ນັກສຶກສາແຕ່ລະຄົນ.
ບຸນຄົງ
