| ຫວຽດນາມມີພະຍານຫຼັກຖານຢ່າງຄົບຖ້ວນກ່ຽວກັບອະທິປະໄຕຢູ່ເຂດທະເລໝູ່ເກາະ ຮວ່າງຊາ ແລະ ເຈື່ອງຊາ | |
| ພັກ, ລັດ ຫວຽດນາມ ຖືເປັນສໍາຄັນພິເສດເຖິງບັນຫາຊາຍແດນຜືນແຜ່ນດິນ |
ຕາມ ກົມກະຈາຍສຽງ, ໂທລະພາບ ແລະ ຂໍ້ມູນຂ່າວສານເອເລັກໂຕນິກ ແລ້ວ, ໃນວັນທີ 25 ມິຖຸນາ ອົງການນີ້ໄດ້ຄົ້ນພົບຮູບພາບທີ່ບໍ່ຖືກຕ້ອງກ່ຽວກັບອະທິປະໄຕທະເລ ແລະ ໝູ່ເກາະຂອງຫວຽດນາມ ທີ່ປະກົດຢູ່ໃນຮູບເງົາໂທລະພາບ "Pine Gap" ມີ 6 ພາກ ເຊິ່ງໄດ້ສະໜອງໃນການບໍລິການຂອງບໍລິສັດ Netflix ຢູ່ຫວຽດນາມ.
 |
| ບໍລິສັດ Netflix ໄດ້ລຶບຮູບເງົາທີ່ມີເນື້ອໃນລະເມີດສິດອະທິປະໄຕຜືນແຜ່ນດິນຂອງຫວຽດນາມ. (ພາບປະກອບ) |
ກົມກະຈາຍສຽງ, ໂທລະພາບ ແລະ ຂໍ້ມູນຂ່າວສານເອເລັກໂຕນິກ ຊີ້ແຈ້ງວ່າ ເລື່ອງບໍລິສັດ Netflix ປະໃຫ້ປະກົດມີຂໍ້ມູນຂ່າວສານທີ່ບໍ່ຖືກຕ້ອງກ່ຽວກັບອະທິປະໄຕຂອງຫວຽດນາມໃນພາກທີ 2 ແລະ 3 ຂອງຮູບເງົາ "Pine Gap" ໄດ້ລະເມີດບັນດາຂໍ້ກຳນົດຂອງກົດໝາຍຫວຽດນາມຢ່າງຮ້າຍແຮງ.
ຕາມນັ້ນແລ້ວ, ໃນຂໍ້ 3 ແລະ 4, ມາດຕາ 9 ຂອງກົດໝາຍວ່າດ້ວຍສື່ມວນຊົນ ຫ້າມບໍ່ໃຫ້ສະໜອງເນື້ອໃນທີ່ກະຕຸ້ນປຸກລຸກເກີດສົງຄາມ, ລະເມີດສິດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຫວຽດນາມ; ບິດເບືອນປະຫວັດສາດ; ປະຕິເສດບັນດາຜົນສຳເລັດຂອງການປະຕິວັດ; ແຕະຕ້ອງເຖິງປະເທດຊາດ, ວິລະຊົນຂອງຊາດ...
ກົມກະຈາຍສຽງ, ໂທລະພາບ ແລະ ຂໍ້ມູນຂ່າວສານເອເລັກໂຕນິກ ໃຫ້ຂໍ້ສັງເກດວ່າ: ກ່ຽວກັບທາງດ້ານສັງຄົມ, ການລະເມີດຂອງ Netflix ໄດ້ເຮັດໃຫ້ເກີດຜົນກະທົບເຖິງຄວາມຮູ້ສຶກທາງໃຈ ແລະ ກໍ່ຄວາມຄຽດແຄ້ນສຳລັບທົ່ວປວງຊົນຫວຽດນາມ.
ນີ້ແມ່ນຄັ້ງທີ 3 ຕິດຕໍ່ກັນໃນ 12 ເດືອນຜ່ານມາທີ່ບໍລິສັດ Netflix ຖືກພົບເຫັນການສະໜອງຮູບເງົາ ແລະ ລາຍການໂທລະພາບທີ່ມີເນື້ອໃນລະເມີດອະທິປະໄຕຜືນແຜ່ນດິນຂອງຫວຽດນາມ ໃນການສະໜອງບໍລິການໃຫ້ແກ່ຜູ້ຊົມໃຊ້ຢູ່ຫວຽດນາມ.
ຄຳຮຸ່ງ
