ສື່ມວນຊົນ ອົດສະຕາລີ: ບັນດາປັດໄຈເສດຖະກິດ ຫວຽດນາມ ຍັງມີການເຕີບໂຕຢ່າງແຮງ

16:55 | 09/08/2021

ຍສໝ - ເວັບໄຂ intheblack.com ຂອງ ອົດສະຕາລີ ຫວ່າງແລ້ວນີ້ ໄດ້ລົງບົດຂຽນຂອງ ທ່ານນັກຂ່າວອາວຸໂສຂອງ ອົດສະຕາລີ, ໂດຍຍົກໃຫ້ເຫັນບັນດາປັດໄຈພື້ນຖານທີ່ຊ່ວຍໃຫ້ພື້ນຖານເສດຖະກິດ ຫວຽດນາມ ຮັບມືກັບບັນດາສິ່ງທ້າທາຍໃນປັດຈຸບັນ, ພິເສດແມ່ນຜົນກະທົບຈາກໂລກລະບາດ ໂຄວິດ - 19.

	ໝາກເສົາແຊເຢັນ ຈຳນວນ 22 ໂຕນ ໄດ້ສົ່ງອອກໄປຍັງ ອົດສະຕາລີ ເປັນຄັ້ງທຳອິດ
	ລິ້ນຈີ ຫວຽດນາມ ຂາຍໄດ້ 53 ລ້ານດົ່ງ/ກີໂລກຼາມຢູ່ ອົດສະຕາລີ

ສື່ມວນຊົນ ອົດສະຕາລີ: ບັນດາປັດໄຈເສດຖະກິດ ຫວຽດນາມ ຍັງມີການເຕີບໂຕຢ່າງແຮງ

ພາບປະກອບ: TTXVN

ຕາມບົດຂຽນແລ້ວ, ໃນຂະນະທີ່ບໍລິສັດການຄ້າຫຼາຍແຫ່ງໄດ້ຮັບມືກັບຜົນກະທົບຈາກໂລກລະບາດໂຄວິດ - 19, ທ່ານນາງ Jewel ຫງວຽນ ນັກທຸລະກິດ ຢູ່ນະຄອນໂຮ່ຈີມິນ ໄດ້ຟ້າວຟັ່ງຕອບສະໜອງຫຼາຍໃບສັ່ງຊຶ້ສິນຄ້າຢ່າງຮີບດ່ວນ. ໃນປີຜ່ານມາ, ບໍລິສັດ Viego Global ໂດຍ ທ່ານນາງ Jewel ສ້າງຕັ້ງ ແລະ ບໍລິຫານ ໄດ້ປຶກສາຫາລືກັບນັບຫຼາຍຮ້ອຍຜູ້ຈຳໜ່າຍ, ສາຂາຈຳໜ່າຍ ແລະ ນາຍໜ້າ ເພື່ອສະໜອງບັນດາຜະລິດຕະພັນຄື ກາເຟ, ໝາກພ້າວ, ເຄື່ອງຕ່ຳແຜ່ນຕັດຫຍິບ ແລະ ຜະລິດຕະພັນການຢາ. ບໍລິສັດໄດ້ຮັບບັນດາຄຳຮຽກຮ້ອງຈາກຫຼາຍຕະຫຼາດຄື ອາເມລິກາ, ອາຣັບບິ ຊາອຸດິ, ອີຣານ, ສ.ເກົາຫຼີ ແລະ ພາກພື້ນ ກາຣີເບ ເຊິ່ງແມ່ນໝາກຜົນທີ່ດີບໍ່ແມ່ນໜ້ອຍສຳລັບບໍລິສັດ Startup. ທ່ານນາງ ໃຫ້ຮູ້ວ່າ ລູກຄ້າໝົດທຸກຄົນຂອງບໍລິສັດລ້ວນແຕ່ແມ່ນລູກຄ້າໃໝ່ ເຊິ່ງບໍລິສັດຍັງບໍ່ຮູ້ຈັກເທື່ອ. ຜົນສຳເລັດໃນການດຶງດູດລູກຄ້ານີ້ ສ່ວນໜຶ່ງແມ່ນຍ້ອນບໍລິສັດໄດ້ຍາດແຍ່ງວິທີການໂຄສະນາທາງອອນລາຍ.

ຜົນສຳເລັດຢ່າງໄວວາກ່ຽວກັບດ້ານການຄ້າຂອງ ບໍລິສັດ Viego Global ສະແດງໃຫ້ເຫັນຄວາມໄວ້ເນື້ອເຊື່ອໃຈກ່ຽວກັບການດຳເນີນທຸລະກິດຢູ່ ຫວຽດນາມ. ຕາມທ່ານນາງ Jewel ແລ້ວ, ຫວຽດນາມ ໄດ້ປະຕິບັດດີກ່ວາບັນດາປະເທດເກືອບທັງໝົດ ໃນໄລຍະເກີດໂລກລະບາດໂຄວິດ - 19. ໃນບັນຊີລາຍຊື່ຈັດອັນດັບ ເກືອບ 100 ປະເທດ ໃນການຮັບມືກັບໂລກລະບາດໂຄວິດ - 19, ສະຖາບັນ Lowy ໂດຍເປັນສະຖາບັນໃຫ້ຄຳປຶກສາທີ່ມີສຳນັກງານໃຫຍ່ຕັ້ງຢູ່ ນະຄອນ Sydney, ໄດ້ຊັບຊ້ອນຫວຽດນາມ ຢູ່ລະດັບທີ 2, ຖັດຈາກ ນິວຊີແລນ. ທ່ານາງ Jewel ໃຫ້ຮູ້ວ່າ ບັນດາໝາກຜົນທີ່ຕັ້ງໜ້າດັ່ງກ່າວ ກໍ່ພວມສົ່ງເສີມຄື້ນກະແສໃໝ່ໃຫ້ແກ່ຊາວ ຫວຽດນາມ ທີ່ມີຄວາມຮູ້, ບັນດານັກຊ່ຽວຊານ ແລະ ຊາວຫວຽດນາມ ອາໄສຢູ່ຕ່າງປະເທດ ຫຼາຍຄົນ ກັບຄືນເມືອປະເທດ ເຮັດວຽກ ແລະ ປະກອບສ່ວນໃຫ້ແກ່ປະເທດຊາດ.

ດ້ວຍເລື່ອງບັນດາວິສາຫະກິດໃນຂົງເຂດການບໍລິການ ແລະ Logistics ເວົ້າສະເພາະ ພວມໄດ້ຮັບການຟື້ນຟູຢ່າງແຮງພາຍຫຼັງໂລກລະບາດໂຄວິດ - 19, ທະນາຄານໂລກ (WB) ຄາດວ່າການເຕີບໂຕເສດຖະກິດຂອງ ຫວຽດນາມ ຈະບັນລຸປະມານ 6 – 6,5% ໃນປີ 2021.

ທ່ານ Warrick Cleine ຜູ້ອຳຍວຍການຝ່າຍບໍລິຫານ KPMG ປະຈຳ ຫວຽດນາມ ຖືວ່າ ການຄາດຄະເນຂອງ WB ແມ່ນມີພື້ນຖານ ໂດຍອີງໃສ່ 4 ເຫດຜົນ. ທີໜຶ່ງ ແມ່ນ ໃນປີ 2020 ແລະ ຕົ້ນປີ 2021, ຫວຽດນາມໄດ້ຄວບຄຸມໂລກລະບາດໂຄວິດ - 19 ໄດ້ດີກ່ວາເມື່ອທຽບໃສ່ກັບບັນດາປະເທດຕ່າງໆ. ທີ 2, ຫວຽດນາມ ພວມໄດ້ຮັບຜົນປະໂຫຍດຈາກ ກ່ວາ 2 ທົດສະວັດດ້ວຍຖານະເປັນ ຄູ່ຮ່ວມມືທີ່ເຂັ້ມງວດໃນການຄ້າ ແລະ ການຜະລິດທົ່ວໂລກ. ທີ 3 ຫວຽດນາມ ອີງເຂົ້າໃສ່ການທ່ອງທ່ຽວໜ້ອຍກວ່າບັນດາປະເທດບ້ານໃກ້ເຮືອນຄຽງ. ທີ 4 ປະຊາກອນໜຸ່ມ ຫວຽດນາມ ພວມຊ່ວຍຊຸກຍູ້ພື້ນຖານເສດຖະກິດພາຍໃນປະເທດໃຫ້ພັດທະນາຢ່າງແຮງ ຕໍ່ໜ້າຜົນກະທົບຂອງການຊຸດຊົມທົ່ວໂລກ.

ບຸນຄົງ