ສະຫະພັນບັນດາສະມາຄົມມິດຕະພາບ

ມອບຂອງຂວັນ 70 ພູດເພື່ອໜູນຊ່ວຍຊາວຫວຽດນາມທີ່ປະສົບກັບຄວາມຫຍຸ້ງຍາກຢູ່ມາເລເຊຍ

15:15 | 03/08/2021

ຍສໝ - ສະມາຄົມແມ່ຍິງຫວຽດນາມຢູ່ມາເລເຊຍ ໄດ້ສົມທົບກັບສະຖານທູດຫວຽດນາມ ປະຈຳມາເລເຊຍ ມອບຂອງຂວັນເກືອບ 70 ພູດ ເພື່ອໜູນຊ່ວຍຊາວຫວຽດນາມທີ່ປະສົບກັບຄວາມຫຍຸ້ງຍາກຢູ່ບໍລິເວນກົວລາລຳເປີ ແລະບັນດາເຂດອ້ອມຂ້າງ.

ການນໍາແຂວງອຽນບາຍ ໄດ້ໄປຢ້ຽມຢາມ, ມອບຂອງຂວັນ, ອວຍພອນປີໃໝ່ນັກສຶກສາລາວ ຢູ່ວິທະຍາໄລການແພດອຽນບາຍ ການນໍາແຂວງອຽນບາຍ ໄດ້ໄປຢ້ຽມຢາມ, ມອບຂອງຂວັນ, ອວຍພອນປີໃໝ່ນັກສຶກສາລາວ ຢູ່ວິທະຍາໄລການແພດອຽນບາຍ
ຄະນະອາສາສະໝັກທຳການກຸສົນຂອງປະຊາຄົມຊາວ ຫວຽດນາມ ຢູ່ນະຄອນຫລວງ ວຽງຈັນລົງຢື້ຢາມຖາມຂ່າວ ແລະ ມອບຂອງຂວັນ, ໜູນຊ່ວຍປະຊາຊົນເຂດຖືກນ້ຳຖ້ວມຢູ່ແຂວງ ສະຫວັນນະເຂດ ຄະນະອາສາສະໝັກທຳການກຸສົນຂອງປະຊາຄົມຊາວ ຫວຽດນາມ ຢູ່ນະຄອນຫລວງ ວຽງຈັນລົງຢື້ຢາມຖາມຂ່າວ ແລະ ມອບຂອງຂວັນ, ໜູນຊ່ວຍປະຊາຊົນເຂດຖືກນ້ຳຖ້ວມຢູ່ແຂວງ ສະຫວັນນະເຂດ
ພາບ: vietbao.vn

ມອບຂອງຂວັນ 70 ພູດເພື່ອໜູນຊ່ວຍຊາວຫວຽດນາມທີ່ປະສົບກັບຄວາມຫຍຸ້ງຍາກຢູ່ມາເລເຊຍ. ພາບ: vietbao.vn

ທ່ານນາງ ເຈິ່ນຖີ້ຈາງ, ປະທານສະມາຄົມແມ່ຍິງຫວຽດນາມຢູ່ມາເລເຊຍ ໃຫ້ຮູ້ວ່າ: ຂອງຂວັນເຫຼົ່ານີ້ແມ່ນໄດ້ຮັບການໜູນຊ່ວຍຈາກບໍລິສັດໃຫຍ່ຫຸ້ນສ່ວນບໍລິການເຕັກນິກ ນ້ຳມັນອາຍແກັສ ຫວຽດນາມ (Petrovietnam Technical Services Corporation- PTSC) ໂດຍຜ່ານສະຖານທູດຫວຽດນາມ ປະຈຳມາເລເຊຍ.

ນີ້ແມ່ນການໜູນຊ່ວຍເພື່ອສືບຕໍ່ບັນດາການເຄື່ອນໄຫວການກຸສົນຂອງສະມາຄົມແມ່ຍິງຫວຽດນາມຢູ່ມາເລເຊຍໃນໄລຍະເກີດໂລກລະບາດຢູ່ມາເລເຊຍ.

ນັບແຕ່ກ່ອນມາຮອ​ດ​ປັດ​ຈຸ​ບັນ, ບັນດາການເຄື່ອນໄຫວຂອງສະມາຄົມແມ່ຍິງຫວຽດນາມຢູ່ມາເລເຊຍ ຍາມໃດກໍ່ໄດ້ຮັບການສະໜັບສະໜູນ ແລະ ລ​ະ​ດົມກໍາລັງໃຈຈາກສະຖານທູດ. ໂດຍສະເພາະໃນໄລຍະປະຈຸບັນ, ເມື່ອການແຜ່ລະບາດຂອງພະຍາດມີຄວາມສັບສົນ, ສະຖານທູດໄດ້ໃຫ້ການສະໜັບສະໜູນອັນແທດຈິງຫຼາຍດ້ານຢ່າງຕໍ່ເນື່ອງ.

ບັນດາພະນັກງານຂອງສະຖານທູດ ໄດ້ເຂົ້າຮ່ວມໃນການສະໜັບສະໜູນ ແລະແຈກຢາຍຂອງຂວັນໃຫ້ແກ່ປະຊາຊົນໂດຍ​ກົງ, ໂດຍສະເພາະຢູ່ໃນເຂດຫ່າງໄກສອກຫຼີກ ເຊັ່ນ: Penang; ກໍ່ຄືການຈັດຕັ້ງປະຕິບັດການໜູນຊ່ວຍໃນການສັກຢາປ້ອງກັນພະຍາດໂຄວິດ -19 ທີ​ພວມດໍາເນີນໃນຫຼາຍມື້ທີ່ຜ່ານມາ.

ໄຊພອນ

ເຫດການ