3 ນະຄອນຂອງຫວຽດນາມ ລອດເຂົ້າ top ສະຖານທີ່ປາຍທາງດີທີ່ສຸດ
	ປະຊາຊົນຫວຽດນາມຮ່ວມແຮງຮ່ວມໃຈໃນການປ້ອງກັນ,ຕ້ານໂລກລະບາດໂຄວິດ-19

ພາບປະກອບ

ຕໍ່ໜ້າບັນດາການຜັນແປຢ່າງສັບສົນຂອງສະພາບໂລກລະບາດໂຄວິດ-19, ວັນທີ 29 ກໍລະກົດ, ທ່ານເລຂາທິການໃຫຍ່ພັກກອມມູນິດຫວຽດນາມ ຫວຽນຝູຈ້ອງ ໄດ້ອອກຄຳຮຽກຮ້ອງປະຊາຊົນຢູ່ພາຍໃນ ແລະ ຕ່າງປະເທດກ່ຽວກັບວຽກງານປ້ອງກັນ, ຕ້ານໂລກລະບາດໂຄວິດ-19. ສຳລັບປະຊາຊົນທຸກຊັ້ນຄົນເວົ້າລວມ ແລະ ປະຊາຄົມວິສາຫະກິດເວົ້າສະເພາະ, ນີ້ແມ່ນຄຳຮຽກຮ້ອງທີ່ໄດ້ຊຸກຍູ້ຄວາມຕັດສິນໃຈ, ຈິດໃຈຄວາມສາມັກຄີ, ແກ້ໄຂຄວາມຫຍຸ້ງຍາກເພື່ອຜ່ານຜ່າໂລກລະບາດ.

ຄຳຮຽກຮ້ອງນັ້ນສະແດງໃຫ້ເຫັນເຈດຈຳນົງຕັດສິນໃຈສູງຂອງຜູ້ນຳໜ້າລະບົບການເມືອງ, ລະດົມປະຊາຊົນທຸກຊັ້ນວັນນະ ແລະ ປະຊາຄົມວິສາຫະກິດພ້ອມກັນແບ່ງປັນຄວາມຫຍຸ້ງຍາກ, ຜ່ານຜ່າສິ່ງທ້າທາຍ. ທ່ານນາງ ດິງຕວຽນຍຸງ, ປະທານສະຫະພັນສະຫະກອນການຢາແຂວງ ບັກກ້ານ ໄດ້ສະໜັບສະໜູນຈິດໃຈນັ້ນດ້ວຍວຽກງານຮັບປະກັນການຫາເງິນລ້ຽງຊີບໃຫ້ແກ່ຜູ້ອອກແຮງງານ.

“ດ້ວຍຄຳຮຽກຮ້ອງທົ່ວປະເທດຕ້ານໂລກລະບາດໂຄວິດ-19 ຂອງທ່ານເລຂາທິການໃຫຍ່, ພວກຂ້າພະເຈົ້າເຫັນວ່ານີ້ແມ່ນຄຳຮຽກຮ້ອງມີຄວາມໝາຍທີ່ສຸດ. ສະຫະກອນຂອງພວກຂ້າພະເຈົ້າໄດ້ ແລະ ພວມຮ່ວມແຮງຮ່ວມໃຈສະໜັບສະໜູນປະຊາຊົນທາງພາກໃຕ້, ພໍ່ແມ່ປະຊາຊົນຢູ່ທີ່ນັ້ນມີຄວາມຕ້ອງການເຄື່ອງໃຊ້ປະຈຳວັນ. ສະນັ້ນ, ພວກຂ້າພະເຈົ້າໄດ້ສະໜັບສະໜູນທາງດ້ານວັດຖຸ ກໍຄືຈິດໃຈ, ມີບັນດານະໂຍບາຍຂາຍຜະລິດຕະພັນກະເສດດ້ວຍລາຄາບຸລິມະສິດສຳລັບພໍ່ແມ່ປະຊາຊົນຢູ່ເຂດເກີດໂລກລະບາດ”.