ລັດ​ຖະ​ບານ ມີ​ການ​ດັດ​ປັບ​ທີ່​ເໝ​າ​ະ​ສົມ​ເພື່ອ​ຮັບ​ປະ​ກັນ​ການ​ຕ້ານ​ໂລກ​ລະ​ບາດ​ໂຄວິດ - 19

15:57 | 26/07/2021

ວັນທີ 25 ກໍລະກົດ, ສະພາແຫ່ງຊາດຫວຽດນາມ ໄດ້ປຶກສາຫາລືໝົດມື້ຢູ່ສະພາແຫ່ງຊາດກ່ຽວກັບສະພາບການເສດຖະກິດ - ສັງຄົມຂອງປະເທດຊາດ, ໃນນັ້ນ ມີເນື້ອໃນກ່ຽວກັບການເພີ່ມທະວີວຽກງານປ້ອງກັນ, ຕ້ານໂລກລະບາດໂຄວິດ - 19.

ລັດ​ຖະ​ບານ ມີ​ການ​ດັດ​ປັບ​ທີ່​ເໝ​າ​ະ​ສົມ​ເພື່ອ​ຮັບ​ປະ​ກັນ​ການ​ຕ້ານ​ໂລກ​ລະ​ບາດ​ໂຄວິດ - 19
ສະມາຊິກສະພາແຫ່ງຊາດຫຼາຍທ່ານໄດ້ເນັ້ນໜັກເຖິງຜົນຮ້າຍຂອງໂລກລະບາດໂຄວິດ - 19 ຕໍ່ພື້ນຖານເສດຖະກິດ (ພາບ: VOV)

ທີ່ວາລະປຶກສາຫາລືໃນຕອນເຊົ້າ, ໂດຍຮັບຮູ້ໝາກຜົນຕັ້ງໜ້າຂອງການພັດທະນາເສດຖະກິດ - ສັງຄົມ ໄລຍະ 6 ເດືອນຕົ້ນປີ ແຕ່ສະມາຊິກສະພາແຫ່ງຊາດຫຼາຍທ່ານກໍໄດ້ເນັ້ນໜັກເຖິງຜົນຮ້າຍຂອງໂລກລະບາດໂຄວິດ - 19 ຕໍ່ພື້ນຖານເສດຖະກິດ ແລະ ຕີລາຄາສູງເລື່ອງ ລັດຖະບານໄດ້ມີການຊີ້ນຳບັນດາທ້ອງຖິ່ນຢ່າງວ່ອງໄວໃນການດັດປັບບັນດາມາດຕະການທີ່ເໝາະສົມ ເພື່ອຮັບປະກັນການປ້ອງກັນສະກັດກັ້ນໂລກລະບາດ ແລະ ພັດທະນາເສດຖະກິດສັງຄົມ. ຢືນຢັນກ່ຽວກັບບັນດາຄວາມຫຍຸ້ງຍາກຂອງພື້ນຖານເສດຖະກິດໃນໄລຍະທີ່ໂລກລະບາດໂຄວິດ - 19 ສົ່ງຜົນກະທົບນັບມື້ນັບຫຼາຍເຖິງຊາວຜູ້ອອກແຮງງານ, ວິສາຫະກິດ, ທ່ານນາງ ຫງວຽນທິຖຸຍ, ສະມາຊິກສະພາແຫ່ງຊາດແຂວງ ບັກກ້ານ ສະເໜີ ລັດຖະບານ ມອບໝາຍໃຫ້ບັນດາກະຊວງທີ່ກ່ຽວຂ້ອງຜັນຂະຫຍາຍໂປແກຼມສະຖິຕິລະຫວ່າງຂະໜງ ເພື່ອຊ່ວຍໃຫ້ການສຳຫຼວດກວດກາຂອງລັດຖະບານສຳລັບບັນດາເປົ້າໝາຍທີ່ໄດ້ຮັບການຊົມໃຊ້ນະໂຍບາຍ ມີຄວາມຊັດເຈນ ແລະ ວ່ອງໄວກວ່າ.

ໂດຍມີຄວາມເຫັນດີຕໍ່ບັນດາເປົ້າໝາຍ, ໜ້າທີ່, ມາດຕະການໃຫ້ແກ່ 6 ເດືອນທ້າຍປີ 2021 ເຊິ່ງລັດຖະບານ ໄດ້ວາງອອກ, ທ່ານ ຫງວຽນມິງຕ໊ວນ, ສະມາຊິກສະພາແຫ່ງຊາດແຂວງ ກວ໋າງບິ່ງ ໄດ້ເນັ້ນໜັກວ່າ ການຮັບມືກັບໂລກລະບາດບໍ່ແມ່ນໃນໄລຍະສັ້ນ, ຫາກຍັງຕ້ອງມີບັນດາມາດຕະການຍາວນານ ແລະ ຕ້ອງມີຍຸດທະສາດດຳລົງຊີວິດຢູ່ຮ່ວມກັບເຊື້ອພະຍາດນີ້, ມຸ່ງໄປເຖິງສະພາບເປັນປົກກະຕິໃໝ່.

ກ່າວຄຳເຫັນທີ່ວາລະປຶກສາຫາລືໃນຕອນເຊົ້າວັນທີ 25 ກໍລະກົດ, ທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ດ່າວຫງອກຢຸງ ໃຫ້ຮູ້ວ່າ:

“ສະເພາະໃນການແຜ່ລະບາດຮອບທີ 4 ນີ້, ລັດຖະບານໄດ້ຊີ້ນຳຢ່າງຂ້ຽວຂາດກ່ຽວກັບການຜັນຂະຫຍາຍບ້ວງເງິນໜູນຊ່ວຍ. ຜ່ານການຜັນຂະຫຍາຍບ້ວງເງິນໜຼນຊ່ວຍ 26.000 ຕື້ດົ່ງ ມາເປັນເວລາ 15 ວັນ ໄດ້ສະແດງໃຫ້ເຫັນວ່າ ການປະກາດມະຕິເລກທີ 68 ແມ່ນທັນການ, ຖືກຕ້ອງ ແລະ ຖືກເປົ້າໝາຍ. 63/63 ທ້ອງຖິ່ນ ໄດ້ປະກາດໃຊ້ແຜນການ ແລະ ພວມຈັດຕັ້ງປະຕິບັດ. ມາຮອດວັນທີ 24 ກໍລະກົດ, ກຸ່ມນະໂຍບາຍກ່ຽວກັບປະກັນອຸປະຕິເຫດອາຊີບ ໄດ້ປະຕິບັດສຳເລັດການສຳຫຼວດກວດຄືນ, ດ້ວຍງົບປະມານ 4.300 ຕື້ດົ່ງ ມີ ຊາວຜູ້ອອກແຮງງານ 11 ລ້ານຄົນ ໄດ້ຮັບການຊົມໃຊ້; ໜູນຊ່ວຍຄ່າກິນໃຫ້ແກ່ຜູ້ພວມປິ່ນປົວໂລກລະບາດໂຄວິດ - 19 ແລະ ປະຕິບັດການແຍກຕົວ ໄດ້ຢ່າງທັນການ. ມີແຮງງານກວ່າ 52.000 ຄົນ ທີ່ຢຸດວຽກຊົ່ວຄາວຢູ່ວິສາຫະກິດເກືອບ 6.000 ແຫ່ງ ກໍໄດ້ຊົມໃຊ້ນະໂຍບາຍດັ່ງກ່າວ.”

​vovworld.vn

ເຫດການ
302 Found

Found

The document has moved here.