ສະຫະພັນບັນດາສະມາຄົມມິດຕະພາບ

ຊາວຍີ່ປຸ່ນ ຫລາຍກວ່າ 60% ຢາກເດີນທາງໄປທ່ອງທ່ຽວຢູ່ຫວຽດນາມ

13:12 | 16/07/2021

ຍສໝ - ອີງຕາມການສຳຫຼວດຫຼ້າສຸດໂດຍສູນອາຊຽນ - ຍີ່ປຸ່ນ (AJC) ສະແດງໃຫ້ເຫັນວ່າ ປະຊາຊົນຍີ່ປຸ່ນຫຼາຍກວ່າ 63,4% ມີຈຸດປະສົງຈະເດີນທາງໄປທ່ອງທ່ຽວຢູ່ຕ່າງປະເທດ ທີ່ສະແດງຄວາມປາຖະໜາຢາກມາຢ້ຽມຢາມຫວຽດນາມ.

ທ່ອງທ່ຽວຫວຽດນາມ - ປ່ຽນໃໝ່ເພື່ອພັດທະນາ ທ່ອງທ່ຽວຫວຽດນາມ - ປ່ຽນໃໝ່ເພື່ອພັດທະນາ
ບັນດາສູນທ່ອງທ່ຽວຫວຽດນາມ ເລີ່ມເຄື່ອນໄຫວຄືນໃໝ່ພາຍຫຼັງໂລກລະບາດໂຄວິດ-19 ບັນດາສູນທ່ອງທ່ຽວຫວຽດນາມ ເລີ່ມເຄື່ອນໄຫວຄືນໃໝ່ພາຍຫຼັງໂລກລະບາດໂຄວິດ-19

ມາດຕາສ່ວນຄົນທີ່ເຄີຍໄປຫວຽດນາມ ຢາກກັບຄືນມາຢ້ຽມຢາມທ່ອງທ່ຽວຫວຽດນາມ ແມ່ນຫຼາຍກວ່າ 70%. ນີ້ແມ່ນໝາກຜົນຂອງການສຳຫຼວດທີ່ດຳເນີນໂດຍສູນອາຊຽນ - ຍີ່ປຸ່ນ AJC ປະສານສົມທົບກັບບໍລິສັດ Marketing Voice ຈຳກັດ ປະຕິບັດຜ່ານທາງອິນເຕີເນັດ ໃນເດືອນມັງກອນ ປີ 2021, ໂດຍມີການເຂົ້າຮ່ວມຂອງ 10,000 ຄົນທີ່ຢູ່ທົ່ວປະເທດຍີ່ປຸ່ນ, ໃນນັ້ນມີຈຳນວນປະຊາກອນ 8,9% ທີ່ໄດ້ເຄີຍໄປຫວຽດນາມ.

ຊາວຍີ່ປຸ່ນ ຫລາຍກວ່າ 60% ຢາກເດີນທາງໄປທ່ອງທ່ຽວຢູ່ຫວຽດນາມ
(ພາບປະກອບ: TTXVN)

ກ່າວຄຳເຫັນທີ່ກອງປະຊຸມຂ່າວອອນລາຍ ເພື່ອປະກາດໝາກຜົນການສຳຫຼວດຢູ່ໂຕກຽວ ໃນວັນທີ 13 ກໍລະກົດ, ທ່ານນາງ Chinzei Haruna - ທີ່ປຶກສາຂອງບໍລິສັດ Marketing Voice ຈຳກັດ ໃຫ້ຮູ້ວ່າ ປັດໄຈ 3 ຢ່າງທີ່ເຮັດໃຫ້ນັກທ່ອງທ່ຽວຍີ່ປຸ່ນ ມີຄວາມເພິ່ງພໍໃຈເມື່ອມາທ່ອງທ່ຽວຢູ່ຫວຽດນາມແມ່ນ: ອາຫານແຊບ, ທິວທັດທີ່ສວຍງາມ, ມີທັດສະນີຍະພາບ ແລະ ຮ່ອງຮອຍປະຫວັດສາດຫລາຍໆແຫ່ງ.

ໃນຈຳນວນຜູ້ທີ່ໄດ້ເຄີຍໄປຫວຽດນາມ, ອັດຕາສ່ວນຂອງຄົນທີ່ມີຄວາມເພິ່ງພໍໃຈກັບ "ອາຫານແຊບໆ" ແລະ "ທິວທັດທີ່ສວຍງາມ" ຂອງຫວຽດນາມແມ່ນ 46,4%, ໃນຂະນະນັ້ນ ຈຳນວນຄົນທີ່ມີຄວາມເພິ່ງພໍໃຈ ຍ້ອນວ່າຫວຽດນາມມີທັດສະນີຍະພາບ ແລະ ຮ່ອງຮອຍປະຫວັດສາດຫລາຍແຫ່ງ ແມ່ນ 38,2%.

ຄຳຮຸ່ງ

ເຫດການ