| ຫວຽດນາມຊຸກຍູ້ການເຊື່ອມໂຍງເສດຖະກິດສາກົນ ເພື່ອສັນຕິພາບ, ຄວາມຈະເລີນຮຸ່ງເຮືອງ ແລະ ການພັດທະນາແບບຍືນຍົງໃນພາກພື້ນ | |
| ຫວຽດນາມຢັ້ງຢືນຄວາມສຳຄັນຂອງເສດຖະກິດໝູນວຽນ |
ໂດຍສືບຕໍ່ບັນດາໝາກຜົນທີ່ສຳຄັນ ແລະ ໜ້າປະທັບໃຈໃນປີ 2020, ເສດຖະກິດມະຫາພາກຂອງຫວຽດນາມ ສືບຕໍ່ມີສະຖຽນລະພາບ; ການຜະລິດ ແລະ ທຸລະກິດໃນຊຸມເດືອນທຳອິດຂອງປີ ໄດ້ມີການຟື້ນຕົວຢ່າງຈະແຈ້ງ ແລະ ບັນລຸໝາກຜົນທີ່ດີພໍສົມຄວນ. ນີ້ແມ່ນຂໍ້ມູນທີ່ໄດ້ຍົກອອກ ທີ່ການຖະແຫຼງຂ່າວເພື່ອປະກາດສະຖິຕິເສດຖະກິດ - ສັງຄົມ ປະຈຳໄຕມາດທີ 2 ແລະ 6 ເດືອນຕົ້ນປີ 2021 ໂດຍກົມໃຫຍ່ສະຖິຕິ ໃນວັນທີ 29 ມິຖຸນາ.
 |
| ເສດຖະກິດຫວຽດນາມ ເຕີບໂຕດີພໍສົມຄວນໃນ 6 ເດືອນຕົ້ນປີ 2021. (ພາບປະກອບ: Vietnamnet) |
ຕາມນັ້ນແລ້ວ, GDP ຂອງຫວຽດນາມໃນໄຕມາດ 2 ປີ 2021 ເພີ່ມຂຶ້ນ 6,61% ເມື່ອທຽບໃສ່ໄລຍະດຽວກັນຂອງປີກາຍ. ໂດຍທົ່ວໄປ, GDP ໃນ 6 ເດືອນຕົ້ນປີ 2021 ເພີ່ມຂຶ້ນ 5,64% ເມື່ອທຽບໃສ່ໄລຍະດຽວກັນຂອງປີກາຍ. ອີງຕາມຜູ້ຕາງໜ້າຂອງກົມໃຫຍ່ສະຖິຕິແລ້ວ, ໃນສະພາບການທີ່ມີການຜັນແປຢ່າງສັບສົນຂອງການລະບາດຂອງພະຍາດ COVID-19, ເສດຖະກິດຂອງຫວຽດນາມ ຍັງຮັກສາລະດັບການເຕີບໂຕໄດ້ 5,64% ແລະ ນີ້ແມ່ນລະດັບເຕີບໂຕທີ່ດີພໍສົມຄວນ ຖ້າທຽບໃສ່ກັບປະເທດອື່ນໆໃນພາກພື້ນ ແລະ ໃນໂລກ; ເສດຖະກິດມະຫາພາກມີສະຖຽນລະພາບ, ອັດຕາເງິນເຟີ້ ໄດ້ຮັບການຄວບຄຸມໃນລະດັບຕໍ່າ.
ການສະໜອງ ແລະ ຄວາມຕ້ອງການສິນຄ້າພາຍໃນປະເທດ ໄດ້ຮັບການຮັບປະກັນ, ການຈັດຊື້ສິນຄ້າ, ການບໍລິໂພກ ແລະ ການສົ່ງອອກເພີ່ມຂື້ນສູງ. ຂົງເຂດກະສິກຳ, ປ່າໄມ້ ແລະ ການປະມົງມີລະດັບເຕີບໂຕສູງພໍສົມຄວນ ເຊິ່ງເປັນການຢືນຢັນວ່າ ການຫັນປ່ຽນໂຄງປະກອບຂອງຂະແໜງການ ມີຄວາມປະສິດທິຜົນ, ຮັບປະກັນການສະໜອງສະບຽງອາຫານ ແລະ ສິນຄ້າທີ່ຈຳເປັນ.
ມູນຄ່າການສົ່ງອອກສິນຄ້າໃນ 6 ເດືອນຕົ້ນປີ ກໍ່ບັນລຸ 157,63 ຕື້ USD, ເພີ່ມຂຶ້ນ 28,4% ເມື່ອທຽບໃສ່ໄລຍະດຽວກັນຂອງປີກາຍ. ຄວາມຕ້ອງການສິນຄ້າໃນຕະຫລາດໂລກ ກຳລັງຟື້ນຕົວ ແລະ ນີ້ແມ່ນໂອກາດເພື່ອໃຫ້ຫວຽດນາມ ຍູ້ແຮງການສົ່ງອອກ, ໂດຍສະເພາະແມ່ນບັນດາວິສາຫະກິດ ເພື່ອໜູນໃຊ້ສັນຍາການຄ້າເສລີທີ່ໄດ້ລົງນາມເປັນຢ່າງດີ.
ຄຳຮຸ່ງ
