| Danh Chanh Da - ນັກຂ່າວຊາວເຜົ່າຂະແມ ທີ່ໄດ້ຮັບຫຼຽນໄຊຮ່ວມມືມິດຕະພາບສາກົນ | |
| ວຽກງານໜູນຊ່ວຍຂອງອົງການຈັດຕັ້ງບໍ່ຂຶ້ນກັບລັດຖະບານຕ່າງປະເທດ: ບັນດາສິ່ງທ້າທາຍໃນສະພາບການໃໝ່ |
 |
| ທ່ານຟານແອັງເຊີນ ຮອງປະທານເລຂາທິການສະຫະພັນບັນດາອົງການມິດຕະພາບຫວຽດນາມ ໄດ້ລາຍງານຕໍ່ທ່ານເລຮ່ວາຍຈຸງ ຫົວໜ້າຄະນະຜູ້ແທນພົວພັນຕ່າງປະເທດ |
ຫວ່າງແລ້ວນີ້, ຢູ່ຮ່າໂນ້ຍ, ຄະນະຜູ້ແທນຄະນະພົວພັນການຕ່າງປະເທດສູນກາງພັກໂດຍທ່ານເລຮ່ວາຍຈຸງ, ກຳມະການສູນກາງພັກ, ຫົວໜ້າຄະນະໄດ້ນຳໜ້າຄະນະຜູ້ແທນມາຢ້ຽມຢາມແລະເຮັດວຽກຢູ່ສະຫະພັນບັນດາອົງການມິດຕະພາບຫວຽດນາມ.
ທີ່ການເຮັດວຽກ, ໂດຍຕາງໜ້າການນຳສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ທ່ານຟານແອັງເຊີນ ຮອງປະທານເລຂາທິການສະຫະພັນບັນດາອົງການມິດຕະພາບຫວຽດນາມ ໄດ້ລາຍງານຕໍ່ທ່ານເລຮ່ວາຍຈຸງ ຫົວໜ້າຄະນະຜູ້ແທນພົວພັນຕ່າງປະເທດກ່ຽວກັບບັນດາບາດກ້າວເຕີບໃຫຍ່ ແລະພັດທະນາຂອງ ສະຫະພັນບັນດາອົງການຈັດຕັ້ງມິດຕະພາບ ໃນໄລຍະເວລາເກືອບ 30 ປີທີ່ຜ່ານມາແລະຍຸດທະສາດພັດທະນາຂອງ ສະຫະພັນບັນດາອົງການຈັດຕັ້ງມິດຕະພາບໃນໄລຍະ 2021 – 2025, ວິໄສທັດ 2030.
ບົດລາຍງານໄດ້ສັງລວມສະຖິຕິບັນດາໝາກຜົນທີ່ບັນລຸໄດ້, ບາງບັນຫາທີ່ຄ້າງຄາຂອງວຽກງານພົວພັນຕ່າງປະເທດປະຊາຊົນເວົ້າລວມ, ຈາກນັ້ນຍົກອອກມາບັນດາຂໍ້ລິເລີ່ມ, ຂໍ້ສະເໜີເພື່ອປັບປຸງ, ພັດທະນາ, ປ່ຽນແປງໃໝ່ ແລະຍົກສູງປະສິດທິຜົນຂອງວຽກງານພົວພັນຕ່າງປະເທດປະຊາຊົນໃນສະພາບການໃໝ່.
ທ່ານເລຮ່ວາຍຈຸງຫົວໜ້າຄະນະພົວພັນຕາງປະເທດສູນກາງໄດ້ເນັ້ນໜັກວ່າ: ສະຫະພັນບັນດາອົງການຈັດຕັ້ງມິດຕະພາບຕ້ອງກຳນົດເປົ້າໝາຍຢ່າງຈະແຈ້ງ, ຄົ້ນຄ້ວາວິທີການເຄື່ອນໄຫວພ້ອມທັງຍົກອອກມາບັນດາການຄາດຄະເນ, ຈຳແນກເປົ້າໝາຍໃນແຕ່ລະຂົງເຂດໜ້າທີ່ລະອຽດ…
ໃນໂອກາດນີ້, ທ່ານເລຮ່ວາຍຈຸງ ຫົວໜ້າຄະນະພົວພັນຕ່າງປະເທດສູນກາງໄດ້ມາຢ້ຽມຢາມຫ້ອງມູນເຊື້ອສະຫະພັນມິດຕະພາບ, ຮັບຟັງທ່ານເອກອັກຄະລັດຖະທູດຫງວຽນເຟືອງງາ, ປະທານສະຫະພັນມິດຕະພາບແນະນຳບັນດາພາບພົດ, ເອກະສານ, ວັດຖຸທີ່ຕິດພັນກັບໄລຍະທາງກໍ່ສ້າງແລະເຕີບໃຫຍ່ຂອງສະຫະພັນມິດຕະພາບ, ບັນດາການປະກອບສ່ວນສຳຄັນຂອງ ສະຫະພັນມິດຕະພາບຕໍ່ພາລະກິດປະຕິວັດແລະປ່ຽນແປງໃໝ່ຂອງປະເທດຊາດ.
ບຸນຄົງ
