 |
| (ພາບ:hanoimoi) |
ຕອນຄ່ຳ ວັນທີ 2 ມິຖຸນາ, ກຳມະການສູນກາງພັກ, ຮອງເລຂາຄະນະພັກນະຄອນ, ປະທານຄະນະກຳມະການປະຊາຊົນນະຄອນຮ່າໂນ້ຍ ຫງວຽນດຶກຈຸງ ໄດ້ເຂົ້າຮ່ວມກອງປະຊຸມເຈົ້າຄອງນະຄອນຂອງກອງປະຊຸມສຸດຍອດບັນດານະຄອນທົ່ວໂລກຕ້ານ Covid-19 (CAC) ໃນປີ 2020.
CAC ແມ່ນເຫດການທີ່ຈັດຂື້ນໂດຍການລິເລີ່ມຂອງເຈົ້າຄອງນະຄອນຫຼວງເຊອຸນ (ສ.ເກົາຫຼີ) Park Won-soon ຜ່ານທາງອອນລາຍ, ເຊິ່ງມີການເຂົ້າຮ່ວມຂອງຜູ້ນຳ 40 ນະຄອນໃຫຍ່ໃນທົ່ວໂລກ.
ແບ່ງປັນທີ່ກອງປະຊຸມສົນທະນາເປີດ, ທ່ານປະທານຄະນະກຳມະການປະຊາຊົນນະຄອນຮ່າໂນ້ຍ ຫງວຽນດຶກຈຸງ ໃຫ້ຮູ້ວ່າ, ປະຈຸບັນ, ຫວຽດນາມໄດ້ປິ່ນປົວຫາຍດີເປັນປົກກະຕິ 298/328 ຄົນ, ບໍ່ມີຜູ້ເສຍຊີວິດຍ້ອນ Covid-19. ຮ່າໂນ້ຍໄດ້ປິ່ນປົວຫາຍດີເປັນປົກກະຕິ 113/114 ຄົນ. ມາຮອດປັດຈຸບັນ, ນະຄອນຮ່າໂນ້ຍ ຍັງບໍ່ມີການລາຍງານກໍລະນີໃໝ່ ໃນເວລາ 48 ວັນ.
ທ່ານຫງວຽນດຶກຈຸງ ເນັ້ນໜັກວ່າ, ນັບແຕ່ຂັ້ນເລີ່ມຕົ້ນ, ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ໄດ້ອອກຄຳຮຽກຮ້ອງໃຫ້ທົ່ວປະເທດປະຕິບັດການປ້ອງກັນ, ຄວບຄຸມພະຍາດ Covid-19 ຢ່າງເຂັ້ມງວດ. ນາຍົກລັດຖະມົນຕີຫວຽດນາມໄດ້ໃຫ້ການຊີ້ນໍາ: "ຕໍ່ສູ້ຕ້ານໂລກລະບາດຄືຕໍ່ສູ້ສັດຕູ”, ຍອມຮັບການເສຍສະຫຼະຜົນປະໂຫຍດທາງເສດຖະກິດໄລຍະສັ້ນເພື່ອປົກປ້ອງຊີວິດ, ສຸຂະພາບຂອງປະຊາຊົນ. ທ່ານຫງວຽນດຶກຈຸງ ຢືນຢັນວ່າ, ການຊີ້ນຳຢ່າງຖືກຕ້ອງ ແລະ ທັນການໄດ້ສ້າງຄວາມເຊື່ອ, ຄວາມສາມັກຄີ ແລະ ຄວາມເຫັນດີເຫັນພ້ອມຂອງທົ່ວລະບົບການເມືອງ ໃນການປ້ອງກັນແລະຄວບຄຸມໂລກລະບາດ.
ພາຍໃນຂອບຂອງກອງປະຊຸມ, ບັນດາຜູ້ນຳໄດ້ແລກປ່ຽນປະສົບການຂອງແຕ່ລະນະຄອນໃນການຮັບມືກັບ Covid-19. ໃນຕອນທ້າຍຂອງກອງປະຊຸມ, ບັນດາຜູ້ນຳໄດ້ອອກຖະແຫຼງການເຊອຸນ, ເຊິ່ງໄດ້ເນັ້ນໜັກເຖິງເປົ້າໝາຍລວມຂອງການກໍ່ສ້າງຕົວເມືອງທີ່ປອດໄພ, ມີສຸຂະພາບແຂງແຮງປາດສະຈາກພະຍາດຕິດແປດຕ່າງໆ. ຖະແຫຼງການຍັງໄດ້ຢັ້ງຢືນຄວາມສາມັກຄີ ແລະ ການຮ່ວມມືລະຫວ່າງອຳນາດການປົກຄອງບັນດານະຄອນແມ່ນວິທີທີ່ມີປະສິດທິຜົນທີ່ສຸດໃນການຮັບມືກັບພະຍາດຕິດແປດຕ່າງໆ.
ໄລ່ຮອດເວລາ 8 ໂມງເຊົ້າວັນທີ 2 ມິຖຸນາ (ຕາມເວລາ ຫວຽດນາມ), ໂລກໄດ້ຢັ້ງຢືນມີຜູ້ຕິດເຊື້ອພະຍາດ Covid – 19 ແມ່ນ 6.365.173 ຄົນ ໃນນັ້ນມີ 377.397 ຄົນເສຍຊີວິດ. ຈຳນວນຜູ້ຕິດເຊື້ອໄດ້ຮັບການປິ່ນປົວຫາຍດີເປັນປົກກະຕິແມ່ນກ່ວາ 2,9 ລ້ານຄົນ.
 | ຫວຽດນາມແມ່ນໜຶ່ງໃນບັນດາປະເທດປະສົບຜົນສຳເລັດໃນການຄວບຄຸມໂລກລະບາດ Covid - 19 ຍສໝ - ບົດຂຽນກໍ່ຖືວ່າຜົນສຳເລັດຂອງຫວຽດນາມໃນການຄວບຄຸມໂລກລະບາດນັ້ນ ຈະຊ່ວຍໃຫ້ຫວຽດນາມແມ່ນ ສະຖານທີ່ທີ່ເຕັມໄປດ້ວຍຄວາມໝັ້ນໝາຍໃຫ້ແກ່ບັນດາບໍລິສັດອາເມລິກາ ຫຼື ເອີລົບເຂົ້າມາລົງທຶນຢູ່ຫວຽດນາມ ໃນໄລຍະຫຼັງ Covid – 19. |
 | ຊຸກຍຸ້ການຄ້າ ຫວຽດນາມ - ອາເມລິກາ ໄລຍະຫຼັງ Covid – 19 ທີ່ກອງປະຊຸມ, ບັນດານັກຊ່ຽວຊານອາເມລິກາ ແລະ ຫວຽດນາມ ໄດ້ອັບເດດຂໍ້ມູນຂ່າວສານໃໝ່ຫຼ້າສຸດກ່ຽວກັບສະພາບການຕະຫຼາດເກີບອາເມລິກາ, ຕີລາຄາການກະທົບຂອງ Covid – 19 ທີ່ມີຕໍ່ຕະຫຼາດ ແລະ ຄວາມເປັນໄປໄດ້, ທ່າອ່ຽງພັດທະນາຂອງຕະຫຼາດໃນໄລຍະຈະມາເຖິງ, |
 | ຫວຽດນາມ ກຽມພ້ອມການແບ່ງປັນບົດຮຽນ ໃນການປ້ອງກັນ ສະກັດກັ້ນໂລກລະບາດ Covid -19 ກັບນອກແວ ຍສໝ - ການນຳ 2 ທ່ານໄດ້ເຫັນດີເພີ່ມທະວີການສົມທົບກັນຂຸດຄົ້ນບັນດາຄວາມສາມາດບົ່ມຊ້ອນໃນການພົວພັນລະຫວ່າງນອກແວ-ອາຊຽນ ໃນປີຫວຽດນາມ ດຳລົງຕຳແໜ່ງປະທານອາຊຽນ ແລະ ເພີ່ມທະວີການຮ່ວມມືຢູ່ສະຫະປະຊາຊາດໃຫ້ເປັນຢ່າງດີ. |
ໄຊພອນ
