ພາຍຫຼັງການກະກຽມສຳລັບກອງປະຊຸມສຸດຍອດ ອາຊຽນ 36 (ເດືອນເມສາ 2020), ກອງປະຊຸມປຶກສາຫາລືຮ່ວມອາຊຽນ (JCM) ໄດ້ຈັດຂຶ້ນໂດຍມີການເຂົ້າຮ່ວມຂອງບັນດາເຈົ້າໜ້າທີ່ຂັ້ນສູງຂອງເສົາຄ້ຳຊຸມຊົນອາຊຽນ; ຫົວໜ້າຄະນະຜູ້ແທນ ອາຊຽນ ແລະ ຄະນະເລຂາອາຊຽນ. ທ່ານຮອງລັດຖະມົນຕີກະຊວງການຕ່າງປະເທດ, ຫົວໜ້າຄະນະອາຊຽນຫວຽດນາມ (SOM) ຫງວຽນກວກຢຸງ ເປັນປະທານກອງປະຊຸມ.
ໃນກອງປະຊຸມ, ບັນດາປະເທດ ອາຊຽນ ໄດ້ຕີລາຄາສູງການກະກຽມໃຫ້ແກ່ກອງປະຊຸມສຸດຍອດ ອາຊຽນ ຂອງຫວຽດນາມໂດຍພື້ນຖານ, ເຫັນດີເປັນເອກະພາບກ່ຽວກັບເອກະສານ, ວາລະກອງປະຊຸມ ແລະ ໂຄງການປະຕິບັດງານຂອງກອງປະຊຸມສຸດຍອດ.
 |
ທ່ານຮອງລັດຖະມົນຕີກະຊວງການຕ່າງປະເທດ, ຫົວໜ້າຄະນະອາຊຽນຫວຽດນາມ (SOM) ຫງວຽນກວກຢຸງ ເປັນປະທານກອງປະຊຸມ. (ພາບ: vnmedia.vn)
ບັນດາເຈົ້າໜ້າທີ່ຂັ້ນສູງຂອງປະຊາຄົມ ອາຊຽນ ສະແດງຄວາມສະໜັບສະໜູນ ຕໍ່ບັນດາຫົວຄິດປະດິດສ້າງ ທີ່ສະເໜີ ໂດຍ ຫວຽດນາມ ໃນປີ 2020, ລວມທັງການກວດກາໄລຍະກາງຂອງການຈັດຕັ້ງປະຕິບັດວິໄສທັດປະຊາຄົມອາຊຽນ 2025, ການເປີດການແລກປ່ຽນກ່ຽວຂ້ອງວິໄສທັດປະຊາຄົມ ອາຊຽນຫຼັງປີ 2025, ທົບທວນການຈັດຕັ້ງປະຕິບັດກົດບັດອາຊຽນ, ຈັດຕັ້ງເວທີປຶກສາຫາລືແມ່ນໍ້າຂອງ, ກິດຈະ ກຳ ທີ່ກ່ຽວຂ້ອງກັບສິດທິຂອງແມ່ຍິງ...
ກອງປະຊຸມ ຍັງໄດ້ປຶກສາຫາລືກ່ຽວກັບມາດຕະການຕ່າງໆ ເພື່ອຊຸກຍູ້ການຮ່ວມມື ອາຊຽນ ໃນຂົງເຂດການຮ່ວມມືດ້ານວິຊາການຕ່າງໆເຊັ່ນ: ການເຊື່ອມຕໍ່, ການຮັບມືກັບ COVID-19, ຍາດແຍ່ງກາລະໂອກາດຂອງການປະຕິວັດອຸດສາຫະກຳ 4.0, ຊຸກຍູ້ການຮ່ວມມືເຊິ່ງກັນ ແລະ ກັນລະຫວ່າງວິໄສທັດອາຊຽນ 2025 ກັບເປົ້າໝາຍການພັດທະນາແບບຍືນຍົງຂອງສະຫະປະຊາຊາດ ປີ 2030.
ຕາງໜ້າໃຫ້ປະທານອາຊຽນປີ 2020, ທ່ານຮອງລັດຖະມົນຕີ ຫງວຽນກວກຢຸງ ໄດ້ປະກາດວາລະປະຊຸມພິເສດຂອງກອງປະຊຸມສຸດຍອດອາຊຽນ 36, ໃນນັ້ນມີກອງປະຊຸມພິເສດຂອງບັນດາຜູ້ນຳ ອາຊຽນ ກ່ຽວກັບຄວາມສະເໝີພາບລະຫວ່າງຍິງ - ຊາຍ; ປັບປຸງຄຸນະພາບການສົນທະນາລະຫວ່າງ ຜູ້ ນຳລັດຖະສະພາອາຊຽນ (AIPA).
（ຄຳຮຸ່ງ）
