ໃນວັນທີ 23 ກຸມພາ 2021, ໂດຍຮັບຄຳເຊີນຂອງທ່ານນາຍົກລັດຖະມົນຕີອັງກິດ Boris Johnson, ປະທານໝູນວຽນຂອງສະພາຄວາມໝັ້ນຄົງສະຫະປະຊາຊາດ ໃນເດືອນກຸມພາ 2021, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ເຂົ້າຮ່ວມ ແລະ ກ່າວຄຳເຫັນທີ່ວາລະປຶກສາຫາລືເປີດຂັ້ນສຸດຍອດທາງອອນລາຍຂອງສະມັດຊາໃຫຍ່ສະຫະປະຊາຊາດ ດ້ວຍຫົວຂໍ້ “ແກ້ໄຂບັນດາໄພນາບຂູ່ທີ່ມີຕໍ່ສັນຕິພາບ ແລະ ຄວາມໝັ້ນຄົງສາກົນກ່ຽວຂ້ອງເຖິງການປ່ຽນແປງຂອງດິນຟ້າອາກາດ”.
 |
| ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ. (ພາບ: TTXVN) |
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເນັ້ນໜັກເຖິງຜົນສະທ້ອນທີ່ຮ້າຍແຮງຈາກການປ່ຽນແປງຂອງດິນຟ້າອາກາດ ຕໍ່ໂລກ ແລະ ມະນຸດ, ໃນນັ້ນມີຜົນກະທົບທາງລົບຕໍ່ຄວາມໝັ້ນຄົງ, ສະຖຽນລະພາບໃນຫຼາຍຂົງເຂດຂອງໂລກ. ພ້ອມທັງກໍ່ຮຽກຮ້ອງໃຫ້ສະພາຄວາມໝັ້ນຄົງສະຫະປະຊາຊາດ, ດ້ວຍພາລະບົດເປັນແຖວໜ້າແມ່ນຮັກສາສັນຕິພາບ ແລະ ຄວາມໝັ້ນຄົງສາກົນ, ຄວນສຸມຄວາມມານະພະຍາຍາມຂອງທັງປະຊາຄົມສາກົນ ພ້ອມກັນກະທຳຢ່າງຂ້ຽວຂາດ ດ້ວຍບັນດາມາດຕະການແກ້ໄຂທີ່ເປັນພື້ນຖານເພື່ອຮັບມືກັບການປ່ຽນແປງຂອງດິນຟ້າອາກາດ. ຕາມນັ້ນແລ້ວ, ຕ້ອງມີວິທີສຳຜັດຢ່າງຮອບດ້ານ, ດຸ່ນດ່ຽງເມື່ອແກ້ໄຂບັນດາການພົວພັນລະຫວ່າງບັນດາສິ່ງທ້າທາຍຕໍ່ຄວາມໝັ້ນຄົງແບບໃໝ່ ແລະ ແບບເກົ່າໃນທົ່ວໂລກ….
 |
| ບັນຍາກາດທີ່ກອງປະຊຸມ. (ພາບ: TTXVN) |
ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ສະແດງຄວາມມູ່ງຫວັງວ່າ, ສະພາຄວາມໝັ້ນຄົງສະຫະປະຊາຊາດ ສືບຕໍ່ເພີ່ມທະວີກຳລັງຄວາມສາມາດກ່າວເຕືອນ, ເປັນຄົນກາງໄກ່ເກ່ຍ, ສະກັດກັ້ນ ແລະ ແກ້ໄຂການປະທະກັນຢູ່ເຂດຕ່າງໆ, ໃນນັ້ນມີວິທີຮ່ວມມືຢ່າງແໜ້ນແຟ້ນກັບບັນດາອົງການຈັດຕັ້ງພາກພື້ນ. ເພື່ອແກ້ໄຂສາຍພົວພັນລະຫວ່າງດິນຟ້າອາກາດ ແລະ ຄວາມໝັ້ນຄົງໃຫ້ມີຄວາມກົມກຽວນັ້ນ, ຄວນສືບຕໍ່ຮັບປະກັນບັນດາຫຼັກການເຄົາລົບອະທິປະໄຕ, ສິດເປັນເຈົ້າຕົນເອງ ແລະ ໜ້າທີ່ຄວາມຮັບຜິດຊອບເປັນແກ່ນສານຂອງຊາດ...
ເນື່ອງໃນໂອກາດນີ້, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຢືນຢັນຢ່າງເຂັ້ມແຂງຕໍ່ການປະຕິບັດານະໂຍບາຍ ແລະ ຄວາມຕັດສິນໃຈສູງຂອງຫວຽດນາມໃນການຮັບມືກັບການປ່ຽນແປງຂອງດິນຟ້າອາກາດຢ່າງຕັ້ງໜ້າ, ພ້ອມທັງໃຫ້ການຮ່ວມມື ແລະ ຄວາມມານະພະຍາຍາມ ໃນການປະຕິບັດບັນດາຄຳໝັ້ນສັນຍາສາກົນກ່ຽວກັບການປ່ຽນແປງຂອງດິນຟ້າອາກາດ ຢູ່ສະພາຄວາມໝັ້ນຄົງ ແລະ ບັນດາເວທີປາໄສຫຼາຍຝ່າຍອື່ນໆ, ມີການຮ່ວມມືກັນຢ່າງສະເໝີຕົ້ນສະເໝີປາຍໃນຂອບອາຊຽນ ແລະ ສະໜັບສະໜູນການຮ່ວມມືອາຊຽນ - ສະຫະປະຊາຊາດ ຢ່າງຕັ້ງໜ້າໃນຂົງເຂດນີ້.
 | ໂລກລະບາດ ໂຄວິດ - 19: ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຮຽກຮ້ອງໃຫ້ມີການຮັບມືໂດຍດ່ວນເພື່ອຄວບຄຸມໂລກລະບາດໂຄວິດ - 19 ຍສໝ - ພາຍຫຼັງການຄົ້ນພົບກໍລະນີຕິດເຊື້ອພະຍາດ ໂຄວິດ - 19 ຢູ່ເມືອງຈິລິງ, ແຂວງຫາຍເຢຶອງ ແລະ ເມືອງເວື່ນໂດນ, ແຂວງກວາງນິງ, ບັນດາກຳລັງໄດ້ລົງຈຳກັດບໍລິເວນ, ຊອກໄດ້ຜູ້ຕ້ອງການປະຕິບັດການກວດຫາເຊື້ອ ແລະ ຢັ້ງຢືນວ່າມີ 83 ຄົນ ມີຜົນກວດເປັນບວກກັບເຊື້ອໄວຣັດ SARS-CoV-2. |
 | ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ເຂົ້າຮ່ວມກອງປະຊຸມສຸດຍອດ ACMECS 9, ກອງປະຊຸມສຸດຍອດ CLMV 10 ແລະກອງປະຊຸມສຸດຍອດ CLV 11 ຍສໝ - ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເຂົ້າຮ່ວມກອງປະຊຸມສຸດຍອດຍຸດທະສາດຮ່ວມມືເສດຖະກິດ 3 ລຳແມ່ນໍ້າ Ayeyavady – ເຈົ້າພະຍາ - ແມ່ຂອງຄັ້ງທີ 9 (ACMECS – 9), ກອງປະຊຸມສຸດຍອດ ຮ່ວມມື ກຳປູເຈຍ - ລາວ - ມຽນມາ - ຫວຽດນາມ ... |
 | ຫວຽດນາມ ປະຕິບັດຢ່າງເຂັ້ມງວດ ຄຳໝັ້ນສັນຍາໃນການຮັບມືກັບສະພາບການປ່ຽນແປງຂອງດິນຟ້າອາກາດ ຍສໝ - ທ່ານ ຟ້າມບິ່ງມິງ - ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ໄດ້ເນັ້ນໜັກວ່າ, ການປ່ຽນແປງຂອງດິນຟ້າອາກາດແມ່ນສິ່ງທ້າທາຍທົ່ວໂລກ ແລະ ຮຽກຮ້ອງໃຫ້ມີວິທີແກ້ໄຂທົ່ວໂລກຢ່າງທັນການ. |
ຄຳຮຸ່ງ
