| ລັດຖະບານຫວຽດນາມ ຍັງຮັກສາເປົ້າໝາຍຄວບຄູ່ເພື່ອໃຫ້ບັນດານັກລົງທຶນອິນເດຍ ມີຄວາມອຸ່ນອ່ຽນໃຈສຳລັບກາລະໂອກາດທຳມາຫາກິນຢູ່ຫວຽດນາມ | |
| ຄະນະຜູ້ແທນຫວຽດນາມ ປະຈໍາ ສະຫະປະຊາຊາດໄດ້ສະເຫຼີມສະຫຼອງວັນສ້າງຕັ້ງອາຊຽນຄົບຮອບ 53 ປີ |
 |
| ຄະນະກອງທັບປະຊາຊົນຫວຽດນາມ ເຂົ້າຮ່ວມ Army Games 2020 (ພາບ: qdnd.vn) |
ເພື່ອກະກຽມໃສ່ Army Games 2020, ບັນດາທີມ, ນັກກິລາຍາມໃດກໍ່ໄດ້ຮັບຄວາມເອົາໃຈໃສ່ລະດົມກໍາລັງໃຈຈາກການນໍາ, ຜູ້ບັນຊາການທຸກຂັ້ນ, ໄດ້ຮັບຄວາມເຊື່ອໝັ້ນ, ຄວາມມຸ່ງຫວັງຈາກບັນດາອົງການ, ກົມກອງ ແລະພະນັກງານ, ນັກຮົບແຕ່ລະຄົນ. ນີ້ແມ່ນກໍໍາລັງຜັກດັນຢ່າງແຮງເພື່ອໃຫ້ບັນດາສະມາຊິກມີຄວາມສາມັກຄີ, ຜ່ານຜ່າທຸກຄວາມຫຍຸ້ງຍາກໃນການຝຶກຊ້ອມ, ກະກຽມຢ່າງລອບຄອບຖີ່ຖ້ວນໃຫ້ແກ່ການແຂ່ງຂັນກັບເພື່ອນມິດສາກົນ. ສິ່ງເຫຼົ່ານັ້ນໄດ້ສະແດງອອກໃນການຕັດສິນໃຈ ແລະການກະທໍາ, ວຽກງານຂອງບັນດາທີມ, ນັກກິລາຢູ່ສະໜາມຝຶກຊ້ອມຕ່າງໆໃນຫຼາຍເດືອນຜ່ານມາ.
ນອກຈາກບັນດາເນື້ອໃນຍິງປືນ, ໂຍນໝາກແຕກ, ຜ່ານຜ່າຮົ້ວກີດຂວາງແລ້ວ, ບັນດານັກກິລາຍັງຕ້ອງເຄື່ອນຍ້າຍທະຫານເສຍອົງຄະ, ນໍາສົ່ງທະຫານເສຍອົງຄະຜ່ານແມ່ນໍ້າ, ຮຳບາດແຜ, ປະຖົມພະຍາບານຢູ່ສະໜາມຮົບ... ຮຽກຮ້ອງທັງດ້ານວິຊາການສູງ ແລະກໍາລັງກາຍທີ່ດີ. ບັນດາສະມາຊິກໃນທີມໄດ້ມານະພະຍາຍາມທົບ 2 ເທົ່າ, 3 ເທົ່າເພື່ອປະຕິບັດໃຫ້ສໍາເລັດຄາດໝາຍບົດຝຶກຊ້ອມທີ່ວາງອອກ. ສຳລັບທີມເຄມີສາດແລ້ວ, ນອກຈາກຄວາມຕັດສິນໃຈສູງທາງດ້ານວິຊາການແລ້ວ, ພະນັກງານ, ນັກຮົບຍັງຕ້ອງຄົ້ນຄວ້າ, ມີຫຼາຍຂໍ້ລິເລີ່ມ, ປັບປຸງເຕັກນິກ ເພື່ອຮັບປະກັນການປະກອບຍຸດໂທປະກອນຂອງການແຂ່ງຂັນ; ໃນວິວັດການຝຶກຊ້ອມ, ທາງທີມຍັງໄດ້ສະເໜີເພີ່ມຄວາມຍາກຕື່ມອີກ ເພື່ອສ້າງສິ່ງທ້າທາຍຕໍ່ຕົນເອງ.
ຕອນບ່າຍວັນທີ 6 ສິງຫາ, ທີ່ມະຫາວິທະຍາໄລສິລະປະວັດທະນະທໍາກອງທັບ, ທ່ານພົນໂທ ຫງວຽນຈ້ອງເຫງຍ, ກໍາມະການສູນກາງພັກ, ຮອງຫົວໜ້າກົມໃຫຍ່ການເມືອງ ໄດ້ເປັນປະທານກອງປະຊຸມລາຍງານການກວດຜ່ານ ແລະມອບໜ້າທີ່ໃຫ້ທີມສິລະປະວັດທະນະທໍາໄປເຂົ້າຮ່ວມງານແຂ່ງຂັນການທະຫານສາກົນ (Army Games) 2020. ກ່າວຄໍາເຫັນທີ່ກອງປະຊຸມ, ທ່ານພົນໂທ ຫງວຽນຈ້ອງເຫງຍ ໄດ້ຍ້ອງຍໍຊົມເຊີຍຈິດໃຈເປັນເຈົ້າການ, ແກ້ໄຂຄວາມຫຍຸ້ງຍາກ, ມີຄວາມຮັບຜິດຊອບສູງຂອງບັນດາສະມາຊິກໃນທີມສິລະປະວັດທະນະທໍາ, ພ້ອມທັງເນັ້ນໜັກວ່າໜ້າທີ່ໄປເຂົ້າຮ່ວມ Army Games 2020 ທີ່ມີຄວາມໝາຍສໍາຄັນຍິ່ງ. ທ່ານພົນໂທ ຫງວຽນຈ້ອງເຫງຍ ຮຽກຮ້ອງໃຫ້ບັນດາສະມາຊິກໃນທີມປະຕິບັດວຽກງານກະກຽມໃນທຸກດ້ານໃຫ້ເປັນຢ່າງດີ, ຈັດຕັ້ງການເຂົ້າຮ່ວມງານມະໂຫລານ ແລະບັນດາການເຄື່ອນໄຫວພົບປະແລກປ່ຽນສິລະປະວັດທະນະທໍາໃຫ້ສົມກັບການພົວພັນຮ່ວມມືດ້ານປ້ອງກັນຊາດ, ສອດຄ່ອງກັບງານແຂ່ງຂັນການທະຫານ, ສ້າງຄວາມປະທັບໃຈອັນດີງາມກ່ຽວກັບຮູບພາບກອງທັບປະຊາຊົນຫວຽດນາມ ຕໍ່ເພື່ອນມິດສາກົນ.
ຕອນບ່າຍວັນທີ 7 ສິງຫາ, ກອງປະຊຸມຜັນຂະຫຍາຍໜ້າທີ່ໃຫ້ຄະນະກອງທັບປະຊາຊົນຫວຽດນາມ ເຂົ້າຮ່ວມງານແຂ່ງຂັນການທະຫານສາກົນ (Army Games) ປີ 2020 ໂດຍສະຫະພັນລັດເຊຍ ຈັດຕັ້ງໄດ້ດໍາເນີນຢູ່ສູນຝຶກແອບການທະຫານມຽວມົນ (ຮ່າໂນ້ຍ). ທ່ານພົນຕີ ຫງວຽນວັນເຫງຍ ຮອງຫົວໜ້າກົມໃຫຍ່ເສນາທິການ ເຂົ້າຮ່ວມ ແລະກ່າວຄຳເຫັນຊີ້ນໍາທີ່ກອງປະຊຸມ. ທ່ານພົນຕີ ຫງວຽນວັນເຫງຍ ຕີລາຄາສູງການປະສານສົມທົບລະຫວ່າງບັນດາກົມກອງ; ຮຽກຮ້ອງບັນດາທີມປະຕິບັດວຽກງານກະກຽມທຸກດ້ານເປັນຢ່າງດີກ່ອນວັນອອກເດີນທາງເຂົ້າຮ່ວມ Army Games ກໍ່ຄືຮັກສາຄວາມປອດໄພໃຫ້ຄົນ ແລະວັດຖຸຢ່າງເດັດຂາດ. ທ່ານພົນຕີ ຫງວຽນວັນເຫງຍ ເນັ້ນໜັັກວ່າ ບັນດາສະມາຊິກຄວນປະສານສົມທົບກັນຢ່າງແໜ້ນແຟ້ນ, ສາມັກຄີ, ໜູນຊ່ວຍເຊິ່ງກັນ ແລະກັນ, ເປັນເຈົ້າການປະດິດສ້າງ, ຮັກສາສຸຂະພາບໃຫ້ດີເພື່ອປະຕິບັດບັນດາລາຍການແຂ່ງຂັນໃຫ້ບັນລຸຜົນງານສູງສຸດ.
 | ນຳສົ່ງພົນລະເມືອງຫວຽດນາມ ຈຳນວນ 270 ຄົນ ຈາກປະເທດ ໄຊປຣັດ ແລະ ອາຣັບບີ ຊາອູດິດ ກັບຄືນປະເທດຢ່າງປອດໄພ ຍສໝ - ໃນລະຫວ່າງ ແຕ່ວັນທີ 8-9 ສິງຫາ, ອົງການທີ່ມີໜ້າທີ່, ສະຖານທູດຫວຽດນາມປະຈຳ ອີຕາລີ ພ້ອມກັນປະເທດ ໄຊປຣັດ, ສະຖານທູດຫວຽດນາມປະຈຳ ອາຣັບບີ ຊາອູດິດ ແລະ ສາຍການບິນແຫ່ງຊາດຫວຽດນາມ ໄດ້ສົມທົບກັບອົງການທີ່ມີໜ້າທີ່ຂອງປະເທດປະຈຳຖິ່ນ ເພື່ອນຳສົ່ງພົນລະເມືອງຫວຽດນາມຈຳນວນ 270 ຄົນ ກັບຄືນປະເທດຢ່າງປອດໄພ. |
 | ທ່ານນາຍົກລັດຖະມົນຕີ ຫງວຽນຊວນຟຸກ: ອາຊຽນ ແມ່ນກຳລັງຫຼັກແຫຼ່ງ ໃນນະໂຍບາຍການພົວພັນຕ່າງປະເທດຂອງຫວຽດນາມ ຍສໝ - ໃນວັນທີ 8 ສິງຫາ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ອອກຖະແຫຼງການ ເນື່ອງໃນໂອກາດສະເຫຼີມສະຫຼອງ 53 ປີແຫ່ງວັນສ້າງຕັ້ງສະມາຄົມບັນດາປະເທດອາຊີຕາເວັນອອກສ່ຽງໃຕ້ (ອາຊຽນ). |
 | ອົງການ AMRO ຄາດຄະເນວ່າ, ເສດຖະກິດຫວຽດນາມຈະເຕີບໂຕທາງບວກໃນປີ 2020 ຍສໝ - ເມື່ອບໍ່ດົນມານີ້, ຫວຽດນາມ ໄດ້ຄາດວ່າຈະຢູ່ໃນກຸ່ມ 5 ປະເທດມີພື້ນຖານເສດຖະກິດ ຈະປະສົບກັບຄວາມເຕີບໂຕ, ຄຽງຄູ່ກັບບັນດາປະເທດ, ເຊັ່ນ: ຈີນ, ບຣູໄນ, ລາວ, ແລະ ມຽນມາ. |
ໄຊພອນ
