 |
| ວັນທີ 8 ມີນາ ຫວຽດນາມ ຈະສັກວັກຊິນ ກັນພະຍາດໂຄວິດ-19 ຢູ່ 13 ແຂວງ, ນະຄອນ. ພາບປະກອບ |
ທີ່ກອງປະຊຸມ, ທ່ານ ຫງວຽນແທັ່ງລອງ ລັດຖະມົນຕີກະຊວງສາທາລະນະສຸກຫວຽດນາມ ໄດ້ກ່າວວ່າ, ຍ້ອນປະລິມານວັກຊິນໃນຄັ້ງນີ້ບໍ່ຫຼາຍສະນັ້ນກະຊວງສາທາລະນະສຸກບຸລິມະສິດໃຫ້ແກ່ 13 ແຂວງ, ນະຄອນເກີດໂລກລະບາດ, ຄຽງຂ້າງນັ້ນ, ທາງກະຊວງກໍ່ພວມຕັ້ງໜ້າເຮັດວຽກກັບ COVAX ເພື່ອໃຫ້ໃນເດືອນ ມີນາ ນີ້ຈະມີງວດວັດຊິນ COVAX ປະມານ 1,2 ລ້ານໂດສ ມາຮອດຫວຽດນາມ, ເດືອນ ເມສາ ແລະ ພຶດສະພາ ຈະມາເຖິງ ແຫຼ່ງສະໜອງວັກຊິນຈະຫຼາຍກວ່າ. ດ້ວຍແຜນການສັກວັກຊິນກັນໂຄວິດ-19 ໃນຄັ້ງທຳອິດນີ້, ຈະສຸມໃສ່ບັນດາເປົ້າໝາຍໃຫ້ບຸລິມະສິດ ແລະ ບັນດາຜູ້ເຂົ້າຮ່ວມການປ້ອງກັນ, ສະກັດກັ້ນໂລກລະບາດໂດຍກົງ. ພວກເຮົາຈະສັກວັກຊິນຄັ້ງທໍາອິດໃຫ້ຜູ້ທີ່ເຮັດວຽກງານປ້ອງກັນ, ຕ້ານພະຍາດໂຄວິດ-19 ໂດຍກົງເພື່ອຫຼຸດຜ່ອນການຕິດພະຍາດໃຫ້ເປົ້າໝາຍນີ້. ບັນດາແພດໝໍທີ່ເບິ່ງແຍງດູແລຜູ້ຕິດພະຍາດໂຄວິດ-19 ໂດຍກົງທີ່ມີຄວາມສ່ຽງຕິດພະຍາດໂຄວິດ-19 ສູງ, ສະນັ້ນພວກເຮົາກໍ່ຕ້ອງປົກປ້ອງກໍາລັງນີ້, ຄຽງຂ້າງນັ້ນແມ່ນຜູ້ທີ່ເຂົ້າຮ່ວມປ້ອງກັນ, ຕ້ານພະຍາດຢູ່ເຂດຊຸມຊົນ, ຄືຜູ້ທີ່ໄປຄົ້ນຫາ, ຜູ້ທີ່ເຮັດວຽກງານເອົາຕົວຢ່າງມາວິເຄາະ.
ໃນເຫດການທີ່ກ່ຽວຂ້ອງ, ໄລ່ຮອດວັນທີ 7 ມີນາ 2021, ຫວຽດນາມ ໄດ້ກວດພົບຜູ້ຕິດເຊື້ອພະຍາດໂຄວິດ - 19 ລາຍໃໝ່ຕື່ມອີກ 2 ຄົນ, ທັງສອງແມ່ນຜູ້ເຂົ້າມາຫວຽດນາມ ແລະ ໄດ້ຮັບການແຍກຕົວໃນທັນທີ. ດັ່ງນັ້ນມາຮອດປັດຈຸບັນ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ແມ່ນ 2509 ຄົນ, ໃນນັ້ນມີ 1920 ຄົນໄດ້ຮັບການປິ່ນປົວຫາຍດີເປັນປົກກະຕິ.
ພາຍຫຼັງຜັນຂະຫຍາຍການສັກວັກຊິນທົດລອງກັນໂລກລະບາດໂຄວິດ-19 Nano Covax ໄລຍະ 2, ວິທະຍາຄານເສນາຮັກ (ກະຊວງປ້ອງກັນປະເທດຫວຽດນາມ) ແລະ ສະຖາບັນ Pasteur ນະຄອນໂຮ່ຈີມິນ ໄດ້ສັກວັກຊິນໃຫ້ຜູ້ສະໝັກ 367 ຄົນ, ສຳເລັດ 65% ເຂັມວັກຊິນໂທດລອງໄລຍະນີ້. ບັນດາຜູ້ສະໝັກໄດ້ສັກວັກຊິນກັນໂຄວິດ-19 Nano Covav 2 ເຂັມ, ໂດຍຫ່າງຈາກເຂັມທີ 1 ເປັນເວລາ 28 ວັນ. ກຸ່ມຄົ້ນຄວ້າດັ່ງກ່າວບໍ່ທັນພົບປະຕິກິລິຍາຜິດປົກກະຕິຂອງບັນດາຜູ້ສະໝັກສັກວັກຊິນ. ຄາດວ່າ, ທ້າຍເດືອນ ມີນາ, ຕົ້ນເດືອນ ເມສາ 2021 ນີ້, ຈະມີຜູ້ສະໝັກສັກວັກຊິນກັນພະຍາດໂຄວິດ-19 Nano Covax ເຕັມ 2 ເຂັມ.
ທ່ານຜູ້ອຳນວຍການໃຫຍ່ WHO Tedros Adhanom Ghebreyesus ໃຫ້ຮູ້ວ່າ COVAX ເຊິ່ງແມ່ນກົນໄກວັກຊິນສາກົນ ໂດຍ WHO ນຳໜ້າ ແລະ ບັນດາຄູ່ຮ່ວມມື ໄດ້ແຈກຢາຍວັນຊິນກັນໂຄວິດ - 19 ກ່ວາ 20 ລ້ານໂດສ ໄປຍັງ 20 ປະເທດ. ໃນອາທິດຕໍ່ໄປ, COVAX ຈະແຈກຢາຍຕື່ມອີກວັກຊິນ 14,4 ລ້ານໂດສໄປຍັງ 31 ປະເທດ. ເປົ້າໝາຍຫຼັກແຫຼ່ງຂອງໂຄງການແມ່ນສະໜອງວັນຊິນກັນໂຄວິດ - 19 2 ຕື້ ໂດດໃນທ້າຍປີນີ້.
 | ການເລີ່ມລົງມືກໍ່ສ້າງອະນຸສາວະລີມິດຕະພາບ ຫວຽດນາມ - ກຳປູເຈຍ ຢູ່ ແຂວງ Tbong Khnum ຍສໝ - ອະນຸສາວະລີມິດຕະພາບຫວຽດນາມ - ກຳປູເຈຍ ໃນແຂວງ Tbong Khnum ໄດ້ເລີ່ມລົງມືກໍ່ສ້າງ, ເຊິ່ງມີເນື້ອທີ່ປະມານ 4 ເຮັກຕາ, ລວມທັງອະນຸສາວະລີ ແລະ ຊຸດຮວບຮວມບັນດາເອກະເທດ ໄດ້ຈຸດທີ່ຕັ້ງທີ່ໃຈກາງຂອງແຂວງ Tbong Khnum |
 | 8 ເມືອງໃນແຂວງສະຫວັນນະເຂດ ໄດ້ຮັບຜົນກະທົບໝັກຈາກໄພພິບັດນໍ້າຖ້ວມ ປັດຈຸບັນປະຊາຊົນ 8 ເມືອງໃນແຂວງສະຫວັນນະເຂດ ໄດ້ຮັບຜົນກະທົບໝັກຈາກໄພພິບັດນໍ້າຖ້ວມ ຄື: ເຊໂປນ, ເມືອງນອງ, ວິລະບູລີ, ເມືອງພີນ ແລະ 4 ເມືອງຕອນລຸ່ມລຽບຕາມລໍານໍ້າເຊບັ້ງຫຽງ. |
 | ຫວນຄືນຮູບພາບວັນປົດປ່ອຍນະຄອນຫຼວງ ວັນທີ 10 ຕຸລາ 1954 ຍສໝ - ວັນທີ 10 ຕຸລາ 1954 ໄດ້ສ້າງຂີດໝາຍທີ່ມີຄວາມໝາຍສຳຄັນ, ເປີດສະໄໝໃໝ່ທີ່ສະຫງ່າອົງອາດໃນປະຫວັດສາດອະລິຍະທຳນັບພັນປີຂອງທັງລອງ - ໂດງໂດ - ຮ່າໂນ້ຍ. ເຖິງວ່າ 66 ປີຜ່ານໄປແລ້ວກໍ່ຕາມ ແຕ່ບັນດາຈຸດເວລາທີ່ອົງອາດກະຫານນັ້ນ ຍັງຄົງຕົວຢູ່ໃນຫົວໃຈຂອງຊາວຮ່າໂນ້ຍຕະຫຼອດການ. |
ໄຊພອນ
